སྨན་རིའི་གླིང་ནས་བོན་བརྒྱ་རིན་པོ་ཆེའི་གདུང་ཞུགས་མཆོད་འབུལ་ཉིན་མཉམ་མེད་ཚོགས་འཁོར་རྒྱས་འབུལ་གནང་བ།

[ཟླ་ཚེས། 2018-08-29 19:42:17][རྩོམ་པ་པོ། Bonpo][རྩོམ་ཁུངས། ཧི་མ་ལ་ཡའི་བོན།][ཀློག་གྲངས། ]

tibet28182734.jpgtibet28182736.jpg

༧དཔལ་གཤེན་བསྟན་སྨན་རིའི་གླིང་ནས་ཨ་ལགས་བོན་བརྒྱ་རིན་པོ་ཆེའི་གདུང་ཞུགས་མཆོད་འབུལ་ཉིན་མཉམ་མེད་ཚོགས་འཁོར་རྒྱས་འབུལ་ཞུས་གནང་བ།

 tibet28182738.jpgtibet28182739.jpg

       གཤེན་གྱི་འབྱུང་ལྡན་༣༠༡བོད་ས་ཁྱི་ལོའི་སྟོན་ཟླ་དང་པོ་གྲོ་བཞིན་ཟླ་བའི་དམར་ཕྱོགས་བཟང་བ་དང་པོའི་ཉིན་ཏེ། ཕྱི་ལོ་༢༠༡༨ཟླ་༨ཚེས་༢༨ཉིན་གྱི་ཞོགས་པར་༧སྐྱབས་རྗེ་༧རྒྱལ་བ་སྨན་རིའི་མཁན་སློབ་རྣམ་གཉིས་ཀྱི་བཀའ་དགོངས་གཞིར་བཟུང་ཐོག འདི་ག་གཡུང་དྲུང་བོན་གྱི་གདན་ས་ཆེན་མོ་དཔལ་གཤེན་བསྟན་སྨན་རིའི་གླིང་དུ་༧མཁས་གྲུབ་བོན་བརྒྱ་ཐམས་ཅད་མཁྱེན་པ་དགེ་ལེགས་ལྷུན་གྲུབ་རྒྱ་མཚོ་རིན་པོ་ཆེ་མཆོག་གི་སྐུ་གདུང་ཞུགས་འབུལ་ཞུ་བཞིན་པའི་དུས་ཚེས་ཁྱད་པར་ཅན་དང་བསྟུན་མཉམ་མེད་བླ་སྒྲུབ་ཀྱི་ཚོགས་མཆོད་རྒྱས་འབུལ་ཞུས་གནང་།

 tibet28182741.jpgtibet28182743.jpg

   དེ་ཡང་༧སྐྱབས་རྗེ་མཁན་སློབ་རྣམ་གཉིས་ཀྱི་བཀའ་དགོངས་ལྟར་༧སྨན་རིའི་བཤད་སྒྲུབ་མཁན་སློབ་རྣམ་གཉིས་དབུ་བཞུགས་ཐོག གདན་ས་སྨན་རིའི་གླིང་གི་བླ་སྤྲུལ་དགེ་བཤེས་རྣམས་ཆེད་ཕེབས་ཀྱིས་བཤད་སྒྲུབ་སློབ་གཉེར་པ་ཡོངས་ནས་གདུང་སེམས་དད་འདུན་དྲག་པོའི་ངང་ནས་རྒྱལ་བ་མཉམ་མེད་བླ་མ་ཆེན་མོའི་ཚོགས་འཁོར་རྒྱས་འབུལ་གནང་།

tibet28182746.jpgtibet28182749.jpg

      ༧སྐྱབས་རྗེ་སྨན་རིའི་དཔོན་སློབ་ཡང་སྟོན་འཕྲིན་ལས་ཉི་མ་རིན་པོ་ཆེ་མཆོག་གིས་བཤད་སྒྲུབ་གྲྭ་ཚང་རིན་པོ་ཆེ་ལ་ཞོགས་ཇ་རྒྱས་འབུལ་དང་ཕྱག་འགྱེད་སྒོར་བརྒྱ་རེ་༡༠༠བསྩལ་གནང་ཡོད་པ་དང་། དེ་བཞིན་སྨན་རིའི་གླིང་གི་སྣང་ཞིག་ཁང་ཚན་གྱི་སློབ་གཉེར་པ་ཁག་དང་དེ་མིན་སྨན་རིའི་གླིང་གི་འབྲེལ་ཡོད་སློབ་མ་ཁག་ཐུན་མོང་བཅས་ནས་བཤད་སྒྲུབ་གྲྭ་ཚང་ལ་ཉིན་གུང་བཞེས་ལག་རྒྱས་འབུལ་དང་ཕྱག་འགྱེད་སྒོར་བཞི་བརྒྱ་༤༠༠རེ་བཅས་འབུལ་ལམ་ཞུས་ཡོད་པ་བཅས་ཚོགས་བསགས་ཀྱི་མཆོད་སྤྲིན་བླ་མེད་ཕུལ་ཡོད་པ་བཅས་ཀྱི་གནས་བསྡུས་ཙམ་དུ།

tibet28182751.jpgtibet28182754.jpg

སྨན་རིའི་མཁན་སློབ་རྣམས་དང་བཤད་སྒྲུབ་གྲྭ་ཚང་ལ་ཚོགས་རྫས་འདེགས་འབུལ་ཞུ་བཞིན་པ།

tibet28182757.jpgtibet28182800.jpg

ཉིན་གུང་སྨན་རིའི་བཤད་སྒྲུབ་གྲྭ་ཚང་ལ་དམིགས་བསལ་གསོལ་ཚིགས་འདེགས་འབུལ་ཞུས་པ

tibet28182802.jpgtibet28182804.jpg

མར་མེ་རྒྱལ་མཚན་ཁང་དུ་མཆོད་མེ་རྒྱུན་ཆད་མེད་པར་སྒྲོན་འབུལ་ཞུས་པ།

tibet28182805.jpg

 

བསྡོམས་པས་དཔྱད་མཆན་ཡོད།དཔྱད་མཆན།

དཔྱད་གཏམ་སྤེལ་མཁན་ལ་གསལ་བརྡ། རང་གི་དངོས་མིང་གི་ལམ་ནས། ངེད་དྲ་ཚིགས་ཀྱི་འཕྲིན་ལས་ཡུན་རིང་དུ་རྒྱས་ཕྱིར་ཁྲིམས་འགལ་གཤེ་བསྐུར་དང་། བསྟན་པར་འཚེ་བའི་ལུགས་དགག་བྱ་རུ་དགོངས་ཏེ་དཔྱད་གཏམ་སྤེལ་ན་ཤིན་ཏུ་ལེགས་པས། ཚང་མས་ཕན་ཚུན་ལ་གུས་བཀུར་དང་བརྩི་འཇོག་གི་ལམ་བུར་ཞུགས་ཏེ་བསྟན་པ་སྤྱི་ལ་ཕན་པའི་མཆན་འདེབས་རོགས་གནང་བར་ཞུ་ཞུ། །
སྤེལ་མཁན།