མཛོད་དགེ་དགུ་བའི་སྐྱང་ཚང་དགོན་དུ་ཨ་ལགས་བོན་བརྒྱ་རིན་པོ་ཆེའི་དགོངས་རྫོགས་ཚོགས་བཞིན་པ།

[ཟླ་ཚེས། 2018-08-25 10:06:13][རྩོམ་པ་པོ། རིག་འཛིན་ཕོ་ཉ།][རྩོམ་ཁུངས། ཧི་མ་ལ་ཡའི་བོན།][ཀློག་གྲངས། ]

1535163156110359.jpg
  ཨེ་མ་ཧོ།།དགེ་བའི་ལེགས་ཚོགས་གཅིག་བསྡུས་རང་གཟུགས་སྐུ།།
ལྷུན་གྲུབ་མ་འགག་ངག་རིག་བརྡོལ་བའི་གསུང་།།
རྒྱ་ཆེན་མཚོ་མོའི་འཇིངས་ལྟར་ཟབ་པའི་ཐུགས།།
སྐུ་གསུམ་ཀུན་འདུས་བླ་མར་གསོལ་བ་འདེབས།།
དགེ་ལེགས་ལྷུན་གྲུབ་རྒྱ་མཚོ་མཆོག་མཁྱེན་ནོ།།
སྐྱེ་འགྲོའི་འདྲེན་སྟོན་མགོན་དུ་མྱུར་འཁྲུངས་གསོལ།།
1535163157984395.jpg

   དེ་ཡང་འགྲན་བྲལ་མཁས་མཆོག་ཨ་ལགས་བོན་བརྒྱ་ཐམས་ཅད་མཁྱེན་པ་དགེ་ལེགས་ལྷུན་གྲུབ་རྒྱ་མཚོ་རིན་པོ་ཆེ་མཆོག་གི་དགོངས་པ་གཡོ་མེད་བོན་ཉིད་རྣམ་དག་དབྱིངས་སུ་གཤེགས་པ་ལ།

1535163157416461.jpg

   ཕྱི་ལོ་༢༠༡༨ལོའི་ཟླ་བ་༨་པའི་ཚེས་༢༤་ཉིན། གྲུབ་ཆེན་ཨ་མྱེས་སྐྱང་འཕགས་ཆེན་པོའི་མཆོག་གི་གདན་སའི་ལྟེ་གནས། ༧དཔལ་གཤེན་བསྟན་དགུ་བའི་སྐྱང་ཚང་དགོན་གཡུང་དྲུང་རྣམ་རྒྱལ་ཀུན་གྲགས་གླིང་གི་དགོན་པའི་གྲྭ་ཚང་སྤྱི་ནས།བླ་མ་ཉིད་ཀྱི་དགོངས་རྫོགས་དང་བསྟན་འགྲོ་དོན་དུ་སླར་ཡང་སྤྲུལ་མྱུར་འཁྱུངས་གསོལ་བའི་ཆེད་དུ་དམིགས་ཏེ།མཆོད་སྦྱིན་གཏོར་མ་དང་བཅས་ཏེ་མདོ་གཡུང་དྲུང་ཀློང་རྒྱས་ཆོ་ག་དང་།བདེར་གཤེགས་སྟོང་མཚན།སྐུ་གསུམ་སྨོན་ལམ།ཚེ་དབང་སྨོན་ལམ་དང་བཅས་བསྔོ་སྨོན་ཅི་རིགས་སོགས་ཀྱི་འདོན་པ་གསུངས་བཞིན་པའོ།།

1535163156105944.jpg
བླ་མ་ཁྱེད་ནི་འཁོར་འདས་རང་དབང་བསྒྱུར།།
བདག་སོགས་རྗེས་འབྲང་གསོལ་འདེབས་བུ་རྣམས་ལ།།
ནམ་མཁའི་མཐའ་དང་བྲལ་བའི་འགྲོ་དོན་སྩོལ།།
མཐོང་ཐོས་དྲན་རིག་གྲོལ་བ་བྱིན་རླབས་སྩོལ།།
རྒྱུ་དྲུག་དོང་ནས་སྤྲུགས་པའི་ཐུགས་རྗེ་སྩོལ།།
འབྲལ་མེད་རྒྱུན་དུ་འགྲོགས་པའི་སྨོན་ལམ་སྩོལ།།
མཉམ་མེད་ཐུགས་རྗེས་རྒྱུན་དུ་བཟུང་དུ་གསོལ།།
འདི་སོགས་དུས་གསུམ་དགེ་བ་ཅི་བགྱིས་པ།།
དེ་རྙེད་འགྲོ་ཀུན་རྣམ་མཁྱེན་འཐོབ་ཕྱིར་བསྔོ།།
ཇི་སྲིད་རྫོགས་པའི་སངས་རྒྱས་མ་ཐོབ་པར།།
དེ་སྲིད་གནས་ངན་ལུས་སྤང་དལ་འབྱོར་འཐོབ།།
བསླབ་གསུམ་རྒྱུད་ཁྲོལ་ས་ལམ་དུས་གཅིག་བགྲོད།།
རྫོགས་སངས་རྒྱས་ནས་མཁའ་མཉམ་དོན་བྱེད་ཤོག།
1535163156119111.jpg

 

བསྡོམས་པས་དཔྱད་མཆན་ཡོད།དཔྱད་མཆན།

དཔྱད་གཏམ་སྤེལ་མཁན་ལ་གསལ་བརྡ། རང་གི་དངོས་མིང་གི་ལམ་ནས། ངེད་དྲ་ཚིགས་ཀྱི་འཕྲིན་ལས་ཡུན་རིང་དུ་རྒྱས་ཕྱིར་ཁྲིམས་འགལ་གཤེ་བསྐུར་དང་། བསྟན་པར་འཚེ་བའི་ལུགས་དགག་བྱ་རུ་དགོངས་ཏེ་དཔྱད་གཏམ་སྤེལ་ན་ཤིན་ཏུ་ལེགས་པས། ཚང་མས་ཕན་ཚུན་ལ་གུས་བཀུར་དང་བརྩི་འཇོག་གི་ལམ་བུར་ཞུགས་ཏེ་བསྟན་པ་སྤྱི་ལ་ཕན་པའི་མཆན་འདེབས་རོགས་གནང་བར་ཞུ་ཞུ། །
སྤེལ་མཁན།