དེང་ཟླུམ་གཟུགས་གོ་ལ་ཆེན་པོའི་ཡངས་སྟེང་དུ་ཤེས་ལྡན་གྱི་མི་རིགས་སོ་སོས་རང་གི་ཆབ་དཔལ་རིག་གསུམ་ཡར་རྒྱས་གཏོང་བ་དང་། དེ་བཞིན་སོ་སོའི་རིག་གཞུང་དང་སྐད་ཡིག་སོགས་སྲུང་སྐྱོབ་བྱེད་རྒྱུའི་འགན་འཁྲི་སོ་སོའི་མི་རིགས་ཡོངས་ལ་ཡོད་པ་སྤྱི་མཚུངས་སུ་གནས་པ་གཞིར་བཅས། རང་རེའི་གནའ་བོའི་ཞང་བོད་ཀྱི་ཡབ་མེས་ཚོས་ཤུལ་དུ་བཞག་པའི་རིན་བྲལ་གྱི་སྐད་དང་ཡི་གེ་གཞིར་བཅས་རིག་པའི་གནས་ལྔ་དང་།  ལོ་རྒྱུས་ཡུལ་སྲོལ་གོམས་གཤིས་སོགས་ལ་མྱུར་སྐྱོབ་བྱེད་པ་དང་།  བསྡུས་རུབ་རྒྱུད་འཛིན་བྱེད་ནས་འཕེལ་རྒྱས་གཏང་དགོས་པའི་འོས་འཁྲི་ད་ལྟའི་མི་རབས་འདི་ལ་བབས་པར་བརྟེན།  ང་ཚོ་ཁ་བ་གངས་ཅན་པའི་ཁྱད་ནོར་དབྱངས་གསལ་སོ་བཞིའམ་བཞི་བཅུའི་རྩ་བ་ཞང་བོད་རིག་གནས་ཀུན་གྱི་གཞི་མ་བརྡ་སྤྲོད་པའི་རིག་པ་ནས་འགོ་བརྩམས་ཏེ། རིག་གནས་ཆེ་ཆུང་བཅུ་དང་།    དམངས་ཁྲོད་རིག་པ། ལོ་རྒྱུས། རྩོམ་རིག་སོགས་རིག་གནས་ཀུན་གྱི་བདག་པོར་འགྱུར་བའི་རེ་བ་སྙིང་ལ་འཆང་ནས། ད་ལན་རང་དགོན་གྱི་རྒོད་སྲས་ཤེལ་ཞིག་ཤེས་རབ་སྐལ་བཟང་མཆོག་གིས་ཐོས་བསམ་དང་འཆད་རྩོད་གཉིས་ཀྱི་བར་སེང་ནས་ཉིན་མཚན་ངལ་མེད་ཀྱིས་བརྩོན་པ་འགྲུས་པའི་ཉེར་ལེན་ལས།༧གཤེན་གྱི་དྲང་སྲོང་གཡུང་དྲུང་རྒྱལ་མཚན་དཔལ་བཟང་པོའམ་འཇིགས་མེད་ནམ་མཁའི་རྡོ་རྗེས་བརྩམས་གནང་བའི་<<གངས་ཅན་བོད་ཀྱི་བརྡ་སྐད་མིང་གཞི་གསལ་བར་སྟོན་པའི་བསྟན་བཅོས་དགོས་འབྱུང་ནོར་བུའི་གཏེར་ཆེན་>>གྱི་འགྲེལ་པ་<<མིང་གཞི་དགོས་འབྱུང་ནོར་བུའི་གཏེར་ཆེན་གྱི་ཟུར་འདེགས་མཆན་འགྲེལ་མདོར་བསྡུས་བློ་གསར་དགྱེས་བྱེད་>>ཅེས་པ་བརྩམས་གནང་མཛད་པ་འདིས། རྩོམ་པ་པོ་ཁོང་ཉིད་དཔེ་ཁྲིད་ཞུས་སྐབས་ཀྱི་ཉམས་མྱོང་དང་བློ་བསྐྱེད་ལ་བརྟེན་ནས། སྔོན་བྱོན་མཁས་པ་རྣམས་ཀྱིས་བརྩམས་པའི་བརྡ་སྤྲོད་ཀྱི་གཞུང་ལས། རིག་པའི་རྩལ་གྱིས་དྲངས་ནས། རྗོད་བྱེད་ཁ་གསལ་བ་དང་། བརྗོད་བྱ་ཁེབས་རྒྱ་ཆེ་བ། རྟག་ཏུ་བཀོལ་སྤྱོད་མང་བ་བཅས་ཀྱི་ཁྱད་བོན་རྨད་དུ་བྱུང་བའི་ཟུར་འདེགས་ཚིག་མཛོད་དམ་མིང་གཞིའི་མཆན་འགྲེལ་འདི་གྲུབ་ཡོད་པས། དེས་ན་སླད་མར་ཡང་དཔེ་དེབ་ཉིད་ཀྱིས་ཞང་བོད་བརྡ་སྤྲོད་རིག་པའི་སྒོ་འཕར་ཡངས་མོ་རུ་ཕྱེ་ནས་ན་གཞོན་སློབ་གཉེར་བ་ཆར་ཤུལ་གྱི་མྱུ་གུ་བཞིན་རྒྱས་པ་དང་། རིག་སྨྲ་བ་རྒོད་སྲས་ཁོང་ཉིད་ཀྱང་འདི་ནས་བཟུང་ཤེས་རིག་གི་ལམ་ཁར་སྔར་ལས་ལྷག་པའི་སྒོ་ནས་མདུན་དུ་བསྐྱོད་པའི་ཤིས་སྨོན་དང་བཅས་དེབ་འདིའི་འགོ་བརྗོད་ཚུལ་དུ།།

བསྡོམས་པས་དཔྱད་མཆན་ཡོད།དཔྱད་མཆན།

དཔྱད་གཏམ་སྤེལ་མཁན་ལ་གསལ་བརྡ། རང་གི་དངོས་མིང་གི་ལམ་ནས། ངེད་དྲ་ཚིགས་ཀྱི་འཕྲིན་ལས་ཡུན་རིང་དུ་རྒྱས་ཕྱིར་ཁྲིམས་འགལ་གཤེ་བསྐུར་དང་། བསྟན་པར་འཚེ་བའི་ལུགས་དགག་བྱ་རུ་དགོངས་ཏེ་དཔྱད་གཏམ་སྤེལ་ན་ཤིན་ཏུ་ལེགས་པས། ཚང་མས་ཕན་ཚུན་ལ་གུས་བཀུར་དང་བརྩི་འཇོག་གི་ལམ་བུར་ཞུགས་ཏེ་བསྟན་པ་སྤྱི་ལ་ཕན་པའི་མཆན་འདེབས་རོགས་གནང་བར་ཞུ་ཞུ། །

སྤེལ་མཁན།