དེ་ལྟར་འདི་ནས་དེ་དག་ཉམས་པ་སླར་གསོ་དང་མ་ཉམས་གོང་འཕེལ་ལམ། ཡང་ན་བསྟན་དང་འགྲོ་བ་ཡོངས་ལ་སྲི་ཞུའི་རྣམ་གྲངས་ཤིག་ཏུ་དམིགས་ཏེ། ངེད་གཡུང་དྲུང་བོན་ནང་བསྟན་ལྔ་རིག་སློབ་གླིང་ནས་སངས་པོ་འབུམ་ཁྲིའི་ཐུགས་ཀྱི་ཡང་ཉིང་དང་ཡི་གེའི་བརྗོད་པ་ཀུན་ཀྱི་རྩ་བའི་ཕྱི་མོ་རུ་སོན་པའི་གཏོ་ཡི་བཀའ་སྒྲོམ་གྱི་དོད་དུ(སྲིད་པའི་གཏོ་སྒྲོམ )ཞེས་པའི་དུས་དེབ་ཅིག་ལོ་རེ་བཞིན་ཀློག་པ་པོ་རྣམས་ཀྱི་སྤྱན་ལམ་དུ་གཟི་བརྗིད་ཀྱི་འོད་ཟེར་འཕྲོས་ཤིང་། སྙན་འཇེབས་ཀྱི་རྣ་ལམ་གསོ་བའི་མི་རབས་འདིའི་སྙིང་ནོར་ཞིག་ཏུ་འབུལ་གྱིན་ཡོད།
   དེ་རུ་དེབ་འདིའི་བརྗོད་དོན་ནི། སྔོན་མའི་དེབ་འཕྲེང་རྣམས་ལྟར་སྤྱིར་མདོ་དབུས་མཐོ་སྒང་གི་དོན་ཐོག་གི་རྩོམ་པ་པོ་རྣམས་དང་། སྒོས་སུ་རྫ་རྒྱུད་ཀྱི་བསྟན་པའི་བྱེ་བྲག་རྫ་ཁྲོ་ཚང་དགོན་གཡུང་དྲུང་བོན་ནང་བསྟན་ལྔ་རིག་སློབ་གླིང་གི་དགེ་སློབ་རྣམ་པས་ཡབ་མེས་ཀྱི་དམ་པ་དག་གི་རྣམ་ཐར་དང་། དཀའ་གནད་ཀྱི་གཞུང་ལུགས་ཁག་ལ་དཔྱད་བརྗོད། མི་གཞི་དང་ཀུན་སྤྱོད་ལ་ཕན་པའི་གདམས་ངག་གམ་ལེགས་བཤད། བཀུར་འོས་ཀྱི་སྐྱེས་བུ་རྣམ་ལ་མཆོད་ཚིག་སྟེ་སྲོལ་རྒྱུན་སྙན་ངག དེང་རབས་པའི་ཚོར་བའི་ཕྱི་ནང་དང་འབྲེལ་བའི་རང་མོས་དང་བཅད་གསར་སྙན་ངག ད་དུང་གལ་པོའི་དོན་ལ་བཏབ་པའི་ཟིན་བྲིས། ཉམས་མྱོང་གི་ཚོར་བ་གླེང་བའི་ལྷུག་རྩོམ་རིགས་སོགས་བཀོད་པའོ།།
དམིགས་བསལ་ཞུ་བ་ཞིག་ནི། ཕྱོགས་སོ་སོ་ནས་རྩོམ་པ་པོ་རྣམས་ཀྱིས་ལོ་དེབ་འདིའི་ནང་དུ་རྩོམ་རིགས་ཤིན་ཏུ་མང་བ་བསྐུར་གནང་བྱུང་ནའང་། དེབ་འདིའི་ནང་དུ་གོང་གི་དགེ་རྒན་རྣམ་པས་རྩོམ་རིགས་ཀུན་ཀྱི་ལུས་སྲོག་རྒྱན་གསུམ་སོགས་ལ་ཞིབ་གཟིགས་ནན་དུ་གནང་ནས་འདེམ་བཀོད་དགོས་པ་ལས་ཇི་སྙེད་བཀོད་དུ་མི་བཏུབས་པ་ལྟར། ད་ལན་ཡང་ཁྱེད་རྩོམ་པ་པོ་ཅི་མང་ཞིག་གི་རྩོམ་རིགས་འདི་རུ་བཀོད་དུ་མ་ཐུབ་པས་ཀུན་ལ་བཟོད་གསོལ་ཡང་དུ་ཞུས་པ་བཅས་སོ། །

བར་བཅུག་པར་རིས།

ལེ་ཚན་གྱི་པར་རིས།

བསྡོམས་པས་དཔྱད་མཆན་ཡོད།དཔྱད་མཆན།

དཔྱད་གཏམ་སྤེལ་མཁན་ལ་གསལ་བརྡ། རང་གི་དངོས་མིང་གི་ལམ་ནས། ངེད་དྲ་ཚིགས་ཀྱི་འཕྲིན་ལས་ཡུན་རིང་དུ་རྒྱས་ཕྱིར་ཁྲིམས་འགལ་གཤེ་བསྐུར་དང་། བསྟན་པར་འཚེ་བའི་ལུགས་དགག་བྱ་རུ་དགོངས་ཏེ་དཔྱད་གཏམ་སྤེལ་ན་ཤིན་ཏུ་ལེགས་པས། ཚང་མས་ཕན་ཚུན་ལ་གུས་བཀུར་དང་བརྩི་འཇོག་གི་ལམ་བུར་ཞུགས་ཏེ་བསྟན་པ་སྤྱི་ལ་ཕན་པའི་མཆན་འདེབས་རོགས་གནང་བར་ཞུ་ཞུ། །

སྤེལ་མཁན།