རྗེས་དྲན་དད་སེམས་ཀྱི་ཞུན་ཐིགས།

[ཟླ་ཚེས། 2014-03-06 17:44:18][རྩོམ་པ་པོ། རིན་སྤུངས་ཚུལ་བསྟན།][རྩོམ་ཁུངས། ཧི་མ་ལ་ཡའི་བོན།][ཀློག་གྲངས། ]

ཁྱུང་ཡུལ་རྩ་བླ་༧མེ་སྟོན་ལྷུན་གྲུབ་རྒྱལ་མཚན་མཆོག་སྐུ་སྐྱེ་བ་མི་རུ་བཞེས་ནས་མྱང་འདས་སུ་ཞི་དབྱིངས་གཤེགས་པའི་བར་གྱི་བསྟན་འགྲོའི་སླད་དུ་མཛད་བཟང་བསྐྱངས་ཚུལ་ཚིགས་སུ་བརྗོད་པ་རྗེས་དྲན་དད་སེམས་ཀྱི་ཞུན་ཐིགས།

1.jpg
མདུན་ངོས།
2.jpg
ནང་ངོས་པར་རིས།
目录4-1.jpg
目录4-2.jpg
目录4-3.jpg
དཀར་ཆག
01.jpg
དེབ་ཀྱི་རྒྱབ་ངོས།
སྔོན་ གླེང་ །

གཡུང་དྲུང་བོན་བསྟན་གསོ་བའི་སྤྱི་རྗེ། །
ཁྱུང་གསུམ་བླ་སྡེ་དཔོན་གྱི་རྩ་བླ། །
སེམས་རིག་དབྱེར་མེད་འདྲེས་པའི་རྣལ་འབྱོར། །
དུས་སྙིགས་གྲུབ་རྩལ་མངའ་བའི་སྒྲོན་མེ། །

   ཞེས་ དཀའ་ སྤྱད་ སྙིང་ རུས་ ལྡན་ པའི་ སེམས་ དཔའ་ ཆེན་ པོ་ མེ་ སྟོན་ བླ་ རབས་ བརྒྱད་ པ་ ལྷུན་ གྲུབ་ རྒྱལ་ མཚན་ མཆོག་ གི་ སྐུ་ ཚེའི་ འཕེལ་ རིམ་ ཁྲོད་ དཀའ་ སྤྱད་ སྙིང་ རུས་ དང། བསྟན་ འགྲོའི་ སླད་ དུ་ དགོན་ སྡེ་ རི་ ཁྲོད་ བཞེངས་ སྟངས། བཤད་ སྒྲུབ་ འཆད་ ཉན་ གྱི་ སྲོལ་ བཙུགས་ ཚུལ། རང་ དོན་ མི་ ཞན་ པའི་ ཉམས་ ལེན་ གནང་ སྟངས་ སོགས་ ནི་ ཕན་ ཚུན་ ཉི་ མ་ མེ་ གྲོགས་ དང་ ཆར་ པ་ ཆུ་ གྲོགས་ ཀྱི་ ཚུལ་ དུ་ འགལ་ མེད་ མཉམ་ བཞེས་ མཛད་ ཡོད་ པ་ བསྙོན་ དུ་ མེད་ པའི་ གནས་ ཚུལ་ ཞིག་ ཡིན་ ངེས།
དམ་ པ་ ཁོང་ ཉིད་ སྐུ་ འཚོ་ བཞུགས་ སྐབས་ ཀྱི་ སྤྱོད་ ཚུལ་ དང། ཐུགས་ གཤིས། ཤེས་ ཡོན། མི་ ཆོས་ ལྷ་ ཆོས་ སོགས་ ཀྱི་ མཛད་ ཕྱོགས་ ནི་ མི་ རེ་ རེ་ ལ་ ལས་ སྣང་ གིས་ བསྐྲུན་ པའི་ བརྙན་ གཟུགས་ རེ་ རེ་ གྲུབ་ ཚུལ་ ཡོད་ གཤིས་ ལ། དོན་ ངོ་ མར་ མི་ ངོར་ བསྟུན་ ནས་ མཛད་ ཚུལ་ དུ་ མ་ ཡོད་ མཁན་ ཞིག་ གཏན་ ནས་ མིན་ མོད། ཁོང་ སྐུ་ མྱ་ ངན་ འདའ་ སྐབས་ གཞན་ དང་ སྣང་ གནས་ མི་ འདྲ་ བར་ ཐུགས་ དམ་ དུ་ བཞུགས་ པ་ ལ་ སོགས་ ང་ ཅག་ བུ་ སློབ་ ཚང་ མས་ མཐོང་ བ་ མངོན་ གྱུར་ འདི་ ནི་ དེང་ དུས་ ཆོས་ སྒྲུབ་ རྨོངས་ དད་ བརྩི་ བར་ དོགས་ སེལ་ གྱི་ ནད་ ཐོག་ མེ་ བཙའ་ ཞིག་ ཡིན་ ངེས་ ལ། དམ་ པ་ ཁོང་ གི་ རང་ རྒྱུད་ བོན་ དང་ འདྲེས་ པའི་ དན་ རྟགས་ ཕྱི་ རུ་ མངོན་ རྒྱུ་ ཡོད་ པ་ འདི་ ནི་ གཡུང་ དྲུང་ གི་ བོན་ རིན་ པོ་ ཆེ་ ཉམས་ སུ་ བླངས་ པའི་ ནུས་ མཐུ་ ཡིན་ པ་ ལས་ གཞན་ ཅི། དེ་ ཡང་ བོན་ ཐོས་ པས་ མི་ ཆོག་ གོ་ དགོས་ གོ་ བས་ མི་ ཆོག་ སྒྲུབ་ དགོས་ བསྒྲུབས་ པས་ མི་ ཆོག་ འབྲས་ བུ་ སྨིན་ དགོས་ ཞེས་ གསལ་ བ་ ལྟར་ དོན་ ལ་ གནས། དེ་ བརྟེན་ དམ་ པ་ ཁོང་ སྐུ་ མྱ་ ངན་ ལས་ འདས་ ནས་ མི་ ལོ་ གཉིས་ ཀྱི་ མཚམས་ འདིར ༧ རི་ ཁྲོད་ དགོན་ གྱི་ དབུ་ བླ་ མེ་ སྟོན་ འཆི་ མེད་ རྣམ་ རྒྱལ་ རིན་ པོ་ ཆེ་ དབུས་ པས་ ངེད་ རི་ ཁྲོད་ དགོན་ གྱི་ འཁོར་ འབངས་ ཚང་ མས་ རྗེས་ དྲན་ ཞིག་ འབྲི་ རྒྱུ་ ངལ་ བ་ བྱས་ པ་ ལ་ བརྟེན་ ནས་ གྲུབ་ པ་ ཞིག་ རེད། འདི་ ནི། ཕྱོགས་ མཐར་ བཞུགས་ པའི་ དམ་ པ་ ཁོང་ གི་ དངོས་ སློབ་ དང་ བརྒྱུད་ སློབ་ དེ་ འབྲེལ་ གྱི་ མི་ སྣ་ སོ་ སོར་ བྱིན་ རླབས་ འཁྱིལ་ བ་ ལས་ བཞེངས་ པའི་ བཀའ་ དྲིན་ རྗེས་ དྲན་ གྱི་ དད་ རྟགས་ ཞིག་ གམ། ཡང་ ན་ དད་ གདུང་ མོས་ ཁམས་ ཇི་ སྙེད་ ཀྱིས་ བསྐྲུན་ པའི་ འོད་ གསལ་ ཞིང་ གི་ དག་ སྣང་ ཞིག་ ཡིན་ སྲིད། ཡང་ ན་ སྙིང་ སུལ་ ནས་ མཆེད་ པའི་ སྐྱོ་ གདུང་ གི་ ངུ་ ཤུམ་ ཕྱི་ རུ་ ཤོར་ ནས་ པིར་ རྩེས་ རིས་ སུ་ བྲིས་ པ་ དང་ ། ལྕེ་ རྐན་ གྱིས་ ངག་ དུ་ རང་ དབང་ མེད་ པ་ སྒྲོགས་ ཤོར་ བ་ ཅི་ ཞིག་ ཡིན་ སྲིད། མདོར་ ན་ གདུལ་ བྱའི་ མོས་ ཁམས་ བསམ་ གྱིས་ མི་ ཁྱབ་ པར་ དེས་ བཞེངས་ པའི་ དད་ གདུང་ གི་ བརྙན་ རིས་ ཀྱང་ དེ་ བས་ དཔག་ དཀའ་ བའི་ རང་ བཞིན་ དུ་ གནས་ པ་ སོགས་ མདོར་ ན་ འདིར་ འབད་ དགེ་ ཚོགས་ ཅི་ རུ་ མཆིས་ པ་ རྣམས་ བསྟན་ དང་ བསྟན་ འཛིན་ གྱི་ སྐྱེས་ བུ་ རྣམས་ སྐུ་ ཚེ་ བསྐལ་ བརྒྱར་ བརྟན་ ཞིང་ འགྲོ་ ཀུན་ བདེ་ སྐྱིད་ ཀྱི་ དཔལ་ ལ་ ལོངས་ སུ་ སྤྱོད་ པའི་ རྒྱུ་ རུ་ འགྲོ་ བའི་ སྨོན་ འདུན་ ལན་ བརྒྱར་ བཅས། ཐ་ ཚན་ མུ་ ཙུག་ སྨར་ རོ། །

 

བསྡོམས་པས་དཔྱད་མཆན་ཡོད།དཔྱད་མཆན།

དཔྱད་གཏམ་སྤེལ་མཁན་ལ་གསལ་བརྡ། རང་གི་དངོས་མིང་གི་ལམ་ནས། ངེད་དྲ་ཚིགས་ཀྱི་འཕྲིན་ལས་ཡུན་རིང་དུ་རྒྱས་ཕྱིར་ཁྲིམས་འགལ་གཤེ་བསྐུར་དང་། བསྟན་པར་འཚེ་བའི་ལུགས་དགག་བྱ་རུ་དགོངས་ཏེ་དཔྱད་གཏམ་སྤེལ་ན་ཤིན་ཏུ་ལེགས་པས། ཚང་མས་ཕན་ཚུན་ལ་གུས་བཀུར་དང་བརྩི་འཇོག་གི་ལམ་བུར་ཞུགས་ཏེ་བསྟན་པ་སྤྱི་ལ་ཕན་པའི་མཆན་འདེབས་རོགས་གནང་བར་ཞུ་ཞུ། །
སྤེལ་མཁན།