རྨེའུ་ཚ་བསྟན་འཛིན་རྣམ་རྒྱལ་གྱི་དཔྱད་རྩོམ་གཅེས་བསྡུས་པར་དུ་བསྐྲུན་པ།

[ཟླ་ཚེས། 2017-12-22 10:01:48][རྩོམ་པ་པོ། རྨེའུ་ཚ་བསྟན་འཛིན་རྣམ་རྒྱལ།][རྩོམ་ཁུངས། ཧི་མ་ལ་ཡའི་བོན།][ཀློག་གྲངས། ]

རྨེའུ་ཚ་བསྟན་འཛིན་རྣམ་རྒྱལ་གྱི་དཔྱད་རྩོམ་གཅེས་བསྡུས་བོད་ལྗོངས་བོད་ཡིག་དཔེ་རྙིང་དཔེ་སྐྲུན་ཁང་ནས་པར་དུ་བསྐྲུན་པ།

1513908197195278.jpg

ནང་དོན་ངོ་སྤྲོད།

          གླིང་གི་སྙིང་པོ།  གངས་ཀྱི་ར་བ།  ཆུ་བོ་ཀུན་གྱི་འགོ་བོ།  རི་མཐོ་ས་གཙང་།  མྱི་མཛངས་ཤེས་དཔའ་རུ་སྐྱེ། རྟ་མགྱོགས་སུ་འཕེལ་བའི་གནས་སུ་གྲགས་པའི་ཁ་བ་ཅན་གྱི་ཞིང་འདི།  མི་ལོ་སྟོང་གི་ལོ་རྒྱུས་མངའ་ལ་རིག་གནས་གཞུང་ལུགས་ཆ་རྫོགས་པའི་ངོ་མཚན་ཅན་གྱི་ཡལ་གྲུ་ཞིག་ཡིན།   ཉེ་བའི་ལོ་ཤས་ནང་དུ་བོད་ཤེས་རིག་ཀྱི་ཞིབ་འཇུག་བྱ་བཞག་ནི་དབྱར་མཚོ་རྒྱས་པ་ལྟར་གོང་འཕེལ་ཤུགས་ཆེན་བྱུང་ནས།  རྒྱལ་ཕྱི་རྒྱལ་ནང་དུ་རྒན་དར་གཞོན་གསུམ་ལས་གྲུབ་པའི་སེར་སྐྱའི་ཞིབ་འཇུག་དཔུང་ཁག་སྟོབས་ཆེན་དུ་གྱུར་ཡོད་ལ་གཡུར་དུ་ཟ་བའི་ཞིབ་འཇུག་འབྲས་བུ་ཡང་འབོར་ཆེན་ཞིག་ཐོན་ཡོད།  དེ་ལྟར་ད་ཐེངས་ཁོ་བོའི་བོད་རིག་པའི་སྐོར་གྱི་དཔྱད་རྩོམ་གཅེས་བསྡུས་འདིར་ནི《བོད་ལྗོངས་ཞིབ་འཇུག》《བོད་ལྗོངས་སློབ་གྲྭ་ཆེན་མོའི་དུས་དེབ》《བོད་ལྗོངས་སྒྱུ་རྩལ་ཞིབ་འཇུག》《བོད་ལྗོངས་ནང་བསྟན》《བོད་ཀྱི་དམངས་ཁྲོད་རྩོམ་རིག》《གངས་ལྗོངས་རིག་གནས》《ལྷ་ས་སྐྱིད་ཆུ》《མུ་ཁྲི་བཙན་པོ》《བདག་པོ》སོགས་ཀྱི་དུས་དེབ་ཁག་ནང་དུ་འགྲེམས་སྤེལ་བྱས་ཟིན་པའི་ཁོ་བོའི་དཔྱད་རྩོམ་ནང་ནས་དཔྱད་རྩོམ་སུམ་ཅུ་ལྷག་རྩམ་གཅེས་སུ་བཏུས་ཡོད། འདིའི་ནང་དོན་གཙོ་བོ་ནི་ོན་གྱི་གདུང་རྒྱུད་ཆེན་མོ་དྲུག བོན་གྱི་གྲྭ་ས་གོང་འོག་གཉིས། བོན་གྱི་གྲྭ་སའི་མཁན་སློབ་དང་ལས་སྣེ་ཁག བོན་གྱི་གྲྭ་སའི་བཅའ་ཡིག བོན་གྱི་འཆམ། བོན་གྱི་གཟུངས་བཞུགས་ཀྱི་རྫས་བསགས་ཐབས། བོན་གྱི་མཆོད་རྟེན་རྣམ་གྲངས་དང་ཐིག་རྩ།  བོན་གྱི་དཀྱིལ་འཁོར་གྱི་རྣམ་གཞག་དང་ཐིག་རྕ།  འབྱུང་རྩིས་ཀྱི་སྤར་ཁ། འབྱུང་རྩིས་ཀྱི་སྨེ་བ། བོད་མིའི་ལོ་ཟླ་ཞག་དུས་ཀྱི་བརྩི་སྒོ། ལོ་རྒན་དྲུག་ཅུའི་སྲོག་ལུས་དབང་ཀླུང་། དར་གུད་བཅུ་གཉིས། རྡེལ་དཀར་ནག་ཁྲ་གསུམ། བོད་མའི་སྐག ཚེ་རབས་ལས་རྩིས། བག་རྩིས། གཤིན་རྩིས། བོད་ཀྱི་བྱ་འཕིར། བོད་ཀྱི་ཀི་རམ། དེ་བཞིན་བོད་ཀྱི་སྲོལ་རྒྱུན་རིག་གནས་ཀྱིས་ཁོར་ཡུག་སྲུང་སྐྱོབས་ལ་བདག་སྐྱོང་གི་ནུས་པ་ཇི་ལྟར་ཐོན་ལུགས་སྐོར་སོགས་བོད་ཀྱི་ཆོས་ལུགས་དང་། དམངས་སྲོལ། འབྱུང་རྩིས། བླ་མའི་ལོ་རྒྱུས། རོལ་རྩེད། སྒྱུ་རྩལ། རྩོམ་རིག་སྐོར་སོགས་ལ་ཞིབ་འཇུག་བྱས་པའི་བརྗོད་བྱའི་ནང་དོན་ཅུང་ཕུན་སུམ་ཚོགས་པས་བཅིངས་ཡོད། དཔྱད་རྩོམ་དེ་དག་ནི་ཁོ་བོས་ལོ་མང་རིང་ས་ཡུལ་དངོས་སུ་བསྐྱོད་དེ་རྟོགས་ཞིབ་དང་བདེན་འཚོལ་བྱས་པའི་འབྲས་བུ་འགའ་ཞིག་ཡིན་པས། འདིས་བོད་རིག་པའི་ཞིབ་འཇུག་གི་དཔྱད་འབྲས་གྱ་ནོམ་པ་ཡོང་རྒྱུར་ཕན་པ་ཅུང་ཟད་ཙམ་ཞིག་ཐོབ་རེའི་ཆེད་དུ་ལགས། །       

 དཀར་ཆག

༼  ༡   བོན་གྱི་གདུང་རྒྱུད་ཆེ་ཁག་དང་དེའི་གྲྭ་སའི་སྐོར།

༼  ༢   བོན་གྱི་གདན་ས་གོང་མ་དཔལ་ལྡན་བཀྲ་ཤིས་སྨན་རི་དགོན་གྱི་སྐོར་མདོ་ཙམ་གླེང་བ།

༼  ༣  བོན་གྱི་གདན་ས་འོག་མ་རུ་ལག་གཡུང་དྲུང་གླིང་གི་སྐོར་མདོ་ཙམ་གླེང་བ།

༼  ༤  བོན་གྱི་གྲྭ་སའི་བཅའ་ཡིག་སྐོར་རོབ་ཙམ་གླེང་བ།

༼  ༥ བོན་གྱི་གྲྭ་སའི་འཆམ་གྱི་སྐོར་མདོ་ཙམ་བརྗོད་པ།

༼  ༦ བོན་གྱི་མཆོད་རྟེན་རྣམ་གྲངས་དང་ཐིག་རྩའི་སྐོར་དབྱེ་ཞིབ་བྱས་པ།

༼  ༧ བོན་གྱི་རྣམ་པ་ཀུན་ལྡན་མངོན་ཤེས་ཐེག་པའི་དཀྱིལ་འཁོར་གྱི་རྣམ་གྲངས་དང་ཐིག་རྩའི་སྐོར་གླེང་བ།

༼  ༨ བོན་གྱི་བྱ་བ་གཙང་སྤྱོད་ཡེ་བོན་ཐེག་པའི་དཀྱིལ་འཁོར་རྣམ་གྲངས་དང་ཐིག་རྩའི་སྐོར་གླེང་བ།

༼  ༩  བོན་གྱི་དངོས་བསྐྱེད་ཐུགས་རྗེ་རོལ་པའི་ཐེག་པའི་དཀྱིལ་འཁོར་གྱི་རྣམ་གྲངས་དང་ཐིག་རྩའི་སྐོར་གླེང་བ།

༼  ༡༠ བོན་གྱི་ཤིན་ཏུ་དོན་ལྡན་ཀུན་རྫོགས་ཀྱི་ཐེག་པའི་དཀྱིལ་འཁོར་རྣམ་གྲངས་དང་ཐིག་རྩའི་སྐོར་གླེང་བ།

༼  ༡༡ བོན་གྱི་སྐུ་བརྙན་མཆོད་རྟེན་ལ་གཟུངས་བཞུགས་འབུལ་སྐབས་ཀྱི་རྫས་བསགས་ཐབས་སྐོར་གླེང་བ།

༼  ༡༢ སྨྲ་དབང་ཆེན་པོ་ཉི་མ་བསྟན་འཛིན་གྱི་སྐུ་ཚེ་ཧྲིལ་པོར་གདེང་འཇོག་ཆེ་ལོང་ཙམ་བྱས་པ།

 ༼  ༡༣ བོད་ཀྱི་འབྱུང་རྩིས་རྣམ་བཞག་སྐོར།

༼  ༡༤ འབྱུང་རྩིས་ཀྱི་སྤར་ཁའི་བརྩི་སྒོའི་སྐོར་མདོ་ཙམ་གླེང་བ།

༼ ༡༥ འབྱུང་རྩིས་ཀྱི་སྨེ་བའི་སྐོར་རོབ་ཙམ་གླེང་བ།

༼  ༡༦ བོད་མིའི་ལོ་ཟླ་ཞག་དུས་ཀྱི་བརྩི་སྒོའི་སྐོར་ལ་མདོ་ཙམ་བརྗོད་པ།

༼  ༡༧ ལོ་རྒན་དྲུག་ཅུའི་སྲོག་ལུས་དབང་ཀླུང་བླ་བཅས་ཀྱི་འབྱུང་ཁམས་སྐོར་རོབ་ཙམ་གླེང་བ།

༼  ༡༨  དར་གུད་བཅུ་གཉིས་ལ་དབྱེ་ཞིབ་རོབ་ཙམ་བྱས་པ།

༼  ༡༩ འབྱུང་རྩིས་ཀྱི་དཀར་ནག་ཁྲ་གསུམ་གྱི་རྡེལ་བོར་ཚུལ་སྐོར་གླེང་བ།

༼  ༢༠ བོད་མིའི་སྐག་གི་སྐོར་ལ་དཔྱད་པ།

༼  ༢༡ བོད་ཀྱི་དམངས་སྲོལ་ལས་ཚེ་རབས་ལས་རྩིས་ཀྱི་སྐོར།

༼   ༢༢ བོད་ཀྱི་གཉེན་སྲོལ་ལས་བག་རྩིས་ཀྱི་སྐོར་མདོ་ཙམ་གླེང་བ།

༼  ༢༣ བོད་མིའི་འདས་མཆོད་ཀྱི་གཤེན་རྩིས་སྐོར་མདོ་ཙམ་གླེང་བ།

༼  ༢༤  ཀོང་པོ་བོན་རི་དང་དེའི་ཉེ་འཁོར་གྱི་དགོན་པ་ཁག་གི་སྐོར་མདོ་ཙམ་གླེང་བ།

༼  ༢༥  བོད་ཀྱི་བྱ་འཕིར་སྐོར་ལམ་ཙམ་གླེང་བ།

༼ ༢༦ མདོ་མཁར་ཞབས་དྲུང་ཚེ་རིང་དབང་རྒྱལ་ལ་གདེང་འཇོག་ཆེ་ལོང་ཙམ་སྤེལ་བ།

༼  ༢༧  བོད་ཀྱི་ཀི་རམ་རོལ་རྩེད་སྐོར་གླེང་བ།

༼  ༢༨  དཔལ་ལྡན་བླ་མ་མཁས་གྲུབ་སྐྱབས་རྗེ་འཇིགས་མེད་ནམ་མཁའ་གཡུང་དྲུང་རྒྱལ་མཚན་གྱི་རྣམ་ཐར་མདོར་བསྡུས།

༼  ༢༩  བོད་ཀྱི་དམངས་སྲོལ་དང་འབྲེལ་བའི་རང་བྱུང་ཁོར་ཡུག་གི་བདག་སྐྱོང་སྐོར་གླེང་བ།

༼ ༣༠  བོད་ཀྱི་སྔ་རབས་ཁྲིམས་སྲོལ་བཅའ་ཡིག་གིས་རང་བྱུང་ཁོར་ཡུག་ལ་བདག་སྐྱོང་གི་ནུས་པ་ཐོན་པའི་སྐོར་གླེང་བ།

 

བསྡོམས་པས་དཔྱད་མཆན་ཡོད།དཔྱད་མཆན།

དཔྱད་གཏམ་སྤེལ་མཁན་ལ་གསལ་བརྡ། རང་གི་དངོས་མིང་གི་ལམ་ནས། ངེད་དྲ་ཚིགས་ཀྱི་འཕྲིན་ལས་ཡུན་རིང་དུ་རྒྱས་ཕྱིར་ཁྲིམས་འགལ་གཤེ་བསྐུར་དང་། བསྟན་པར་འཚེ་བའི་ལུགས་དགག་བྱ་རུ་དགོངས་ཏེ་དཔྱད་གཏམ་སྤེལ་ན་ཤིན་ཏུ་ལེགས་པས། ཚང་མས་ཕན་ཚུན་ལ་གུས་བཀུར་དང་བརྩི་འཇོག་གི་ལམ་བུར་ཞུགས་ཏེ་བསྟན་པ་སྤྱི་ལ་ཕན་པའི་མཆན་འདེབས་རོགས་གནང་བར་ཞུ་ཞུ། །
སྤེལ་མཁན།