ནང་དོན་གནད་བསྡུས།   དཔྱད་རྩོམ་འདིར་བོན་གྱི་རིག་གཞུང་ལྟར་ཚོགས་ལམ་འབྲིང་ནས་ཡོད་ན་ཚོགས་ལམ་ནས་ཡོད་དགོས་མེད་སྐོར།  སེམས་ཉིད་ཡོད་ན་རིགས་ཡོད་པས་ཁྱབ་མ་ཁྱབ།  ཚོགས་ལམ་ཡིན་ན་རྟོག་པ་ཡིན་པས་ཁྱབ་མ་ཁྱབ་ཀྱི་སྐོར་བཅས་ལ་འབྲེལ་ཡོད་ཡིག་ཆ་ཁག་གཞིར་བཟུང་སྟེ།  དེ་ལ་རང་གི་རིག་པས་དཔྱད་ཁུལ་གྱིས་གླེང་མོལ་ཞུས་ཡོད།
 བརྡ་ཆད་གཙོ་བོ།     ཚོགས་ལམ་འབྲིང་དང་།  སེམས་ཉིད།   ཚོགས་ལམ། དཔྱད་གཞི་ཡིག་ཆ།
༡ རྗེ་རིན་པོ་ཆེས་མཛད་པའི་ས་ལམ།
༢ འགྲོ་མགོན་ས་ལམ།
༣ ཀུན་མཁྱེན་གྱིས་མཛད་པའི་ཕར་ཕྱིན་སོགས། ནང་དོན་གནད་བསྡུས།  དཔྱད་རྩོམ་འདིར་ཚད་མ་རིག་པའི་གཞུང་དོན་ལྟར་རྒྱུ་མཚན་ཡང་དག་ཡིན་ན་རྟགས་ཡང་དག་ཡིན་པས་ཁྱབ་མ་ཁྱབ་སྐོར་དང་། དེ་བཞིན་རྟགས་ཡང་དག་ཡིན་ན་བསྒྲུབ་བྱའི་བོན་དེ་ཡོད་པ་ཡིན་དགོས་མིན། དེ་སྒྲུབ་ཀྱི་རྟགས་དེ་རྟགས་ཡང་དག་ཡིན་ན་དེ་སྒྲུབ་ཀྱི་བོན་ཅན་དེ་ཡོད་པ་ཡིན་དགོས་མིན། ཕྱོགས་བོན་མཚན་ཉིད་སྐབས་ཀྱི་ངེས་རུང་དང་ངེས་པ་གཉིས་ཀྱི་ཁྱད་པར་ག་འདྲ་ཡོད་མེད་སྐོར་བཅས་ལ་འབྲེལ་ཡོད་ཡིག་ཆ་ཁག་གཞིར་བཟུང་སྟེ། དེ་ལ་རང་གི་རིག་པས་དཔྱད་ཁུལ་གྱིས་གླེང་མོལ་ཞུས་ཡོད།  
བརྡ་ཆད་གཙོ་བོ།  རྒྱུ་མཚན་ཡང་དག   །བསྒྲུབ་བྱའི་བོན།  བོན་ཅན།  ངེས་རུང་དང་ངེས་པ།
དང་པོ།  རྒྱུ་མཚན་ཡང་དག་སྐོར།  རྒྱུ་མཚན་ཡང་དག་ཡིན་ན་རྟགས་ཡང་དག་ཡིན་པས་ཁྱབ་ལབ་མཁན་མང་པོ་ཞིག་འདུག  ང་རང་གིས་མ་ཁྱབ་ལབ་ཀྱི་ཡོད།  མ་ཁྱབ་པའི་མུ་འདུག  སྒྲ་མི་རྟག་པ་རྟོགས་ཟིན་པའི་རྒོལ་བའི་ངོར།  སྒྲ་བོན་ཅན་མི་རྟག་པ་ཡིན་ཏེ་སྐད་གཅིག་མ་ཡིན་པའི་ཕྱིར་ཞེས་པ་དེ་རྒྱུ་མཚན་ཡང་དག་རེད་གདའ་ལ་རྟགས་ཡང་དག་རེད་མི་འདུག  མ་ཡིན་པའི་རྒྱུ་མཚན་ནི།  དང་པོ་ཕྱོགས་བོན་རེད་མི་འདུག  གཉིས་པ་སྒྲུབ་བྱ་གྲུབ་ཟིན་འདུག  ཡང་བསྐྱར་སྒྲུབ་བྱ་གྲུབ་པ་ལ་དོན་མེད་དེ་སྒྲུབ་བྱ་གྲུབ་ཟིན་པའི་ཕྱིར།  དཀའ་ཐུབ་རྣམ་བཤད་ནང་ལ་གསུང་ཡོད་རེད་བ།  སྨྱུ་གུ་བོན་ཅན་སླར་ཡང་སྐྱེ་བ་ལ་དོན་མེད་དེ་ཡོད་པའི་ཕྱིར་གསུང་ཡོད་རེད་བ་དེ་ནང་བཞིན་རེད་འདུག   ཤེས་འདོད་བོན་ཅན་མི་འདུག་ལ་མ་གྲུབ་པའི་རྟགས་ཡང་རེད་འདུག  རྒྱུ་མཚན་ཡང་དག་རེད་འདུག  དེའི་ངོར་ལ་སྒྲ་བོན་ཅན་མི་རྟག་པ་ཡིན་ཏེ་ལབ་དུས་སྐད་གཅིག་མ་ཡིན་པའི་ཕྱིར་ལབ་ཆོག་གི་འདུག  དེའི་ངོར་ལ་དེའི་ལྷག་ས་རྒྱུ་མཚན་བཀོད་ཡས་མི་གདའ།
གཉིས་པ།  བསྒྲུབ་བྱའི་བོན་སྐོར།  མང་ཆེ་ཤོས་ཞིག་གིས་རྟགས་ཡང་དག་ཡིན་ན་དེ་སྒྲུབ་ཀྱི་བསྒྲུབ་བྱའི་བོན་དེ་ཡོད་པ་ཡིན་མི་དགོས་ལབ་འདུག  ངས་ནི་ཡོད་དགོས་གདའ་ལབ་ཀྱི་ཡོད།  སྒྲ་བོན་ཅན་མི་རྟག་པ་ཁོ་ན་ཡིན་ཏེ་བྱས་པ་ཡིན་པའི་ཕྱིར་ཞེས་བཀོད་པའི་ཚེ་ན་བྱས་པ་རྟགས་ཡང་དག་མིན།  བསྒྲུབ་བྱའི་བོན་ཡོད་པ་རེད་མི་གདའ།  སྒྲུབ་རྟགས་དགག་རྟགས་གང་རུང་རེད་མི་འདུག  རྟགས་ཡང་དག་ངོ་བའི་སྒོ་ནས་དབྱེ་བ་གསུམ་གང་རུང་ཡང་རེད་མི་འདུག  རྟགས་ཡང་དག་ཡིན་ན།  འབྲས་བུའི་དོན་ལྡོག་ཚུལ་གསུམ་ཚང་དགོས་འདུག  འབྲས་བུའི་དོན་ལྡོག་ཚུལ་གསུམ་ཚང་མི་འདུག  འབྲས་བུའི་དོན་ལྡོག་ཚུལ་གསུམ་ནི།  རྟགས་དང་སྒྲུབ་བྱའི་བོན་གཉིས་ཐ་དད་ཡིན་དགོས་པ་དང་།  སྒྲུབ་བྱའི་བོན་དེ་ལྡོག་སྟོབས་ཀྱིས་རྟགས་དེ་ལྡོག་དགོས་པ།  སྒྲུབ་བྱའི་བོན་དེ་ཡོད་པ་ཡིན་དགོས་པ་གསུམ་དེ་རེད་འདུག  རྟགས་ཡང་དག་ཡིན་ན་རྟགས་དང་སྒྲུབ་བྱའི་བོན་གཉིས་འབྲེལ་བ་ཡིན་དགོས་འདུག་དེ་རེད་མི་གདའ།  དེ་བྱུང་འབྲེལ་རེད་མི་འདུག་ལ་བདག་གཅིག་འབྲེལ་ཡང་རེད་མི་འདུག  རྗེས་སུ་འགྲོ་ལྡོག་ངེས་མི་གདའ།  མི་རྟག་པ་ཁོ་ན་ལྡོག་ན་སྐད་གཅིག་མ་ལྡོག་པའི་ངེས་པ་མི་འདུག  ཐ་དད་གནས་པའི་བོན་རེད་མི་གདའ།
གསུམ་པ།   བོན་ཅན་སྐོར།  དེ་སྒྲུབ་ཀྱི་རྟགས་དེ་རྟགས་ཡང་དག་ཡིན་ན་དེ་སྒྲུབ་ཀྱི་བོན་ཅན་དེ་ཡོད་པ་ཡིན་པས་ཁྱབ་ལབ་མཁན་མང་པོ་འདུག  ངས་ནི་མ་ཁྱབ་ལབ་ཀྱི་ཡོད།  རྒྱུ་མཚན་ནི་མ་ཁྱབ་པའི་མུ་འདུག  རི་བོང་རྭ་བོན་ཅན་བདག་མེད་ཡིན་ཏེ་བདག་ཚད་མས་མ་དམིགས་པ་ཡིན་པའི་ཕྱིར་ཞེས་བཀོད་པའི་ཚེ་ན་དེ་རྟགས་ཡང་དག་རེད་གདའ་ལ་གོང་བཀོད་པའི་བོན་ཅན་དེ་ཡོད་པ་རེད་མི་འདུག  ཁ་ཤས་ཀྱིས་དེ་བོན་ཅན་གྱི་ངོ་བོ་མེད་ན་མ་གྲུབ་པའི་རྟགས་རེད་ལབ་ཀྱི་འདུག  དེ་རེད་མི་གདའ།  བོན་ཅན་གྱི་ངོ་བོ་མེད་པའི་ཕྱིར་ལབ་ན་མ་ཁྱབ་རེད་འདུག   བོན་ཅན་གྱི་ངོ་བོ་དེ་མེད་བ་གང་ཞིག་ལ་རྟགས་ཤེས་འདོད་བོན་ཅན་ལ་ཇི་ལྟར་བཀོད་པ་བཞིན་དུ་ཚད་མས་མ་དམིགས་པ་ཞིག་དགོས་འདུག་དེ་རེད་མི་གདའ།  ཡང་བདག་མེད་གྲུབ་ས་ཡིན་ན་ཡོད་དགོས་ལབ་ཀྱི་འདུག  དེ་ཡང་ངེས་པ་མི་གདའ།  བྱས་པ་གྲུབ་ས་ཡིན་ན་ཡོད་དགོས་པའི་རྒྱུ་མཚན་ཡོད་པའི་ཕྱིར་ལབ་ན་ཁྱབ་པ་མི་འདུག  རྒྱུ་མཚན་ནི་བྱས་པ་ཡིན་ན་ཡོད་དགོས་འདུག   བདག་མེད་ཡིན་དུས་ཡོད་དགོས་མི་གདའ།  བྱས་པ་ཡིན་ན་ཡོད་པའི་ཁྱབ་གདའ།  བདག་མེད་ཡིན་ན་ཡོད་པའི་ཁྱབ་པ་མི་འདུག  རྒྱུ་མཚན་དེ་ཚོ་ལ་བརྟེན་ནས་བདག་མེད་གྲུབ་ས་ཡིན་ན་ཡོད་དགོས་མི་གདའ།  དེའི་རྟགས་དེ་རྟགས་ཡང་དག་རེད་འདུག་ལ་རྟགས་ཡང་དག་ཡིན་ན་བོན་ཅན་དེ་ཡོད་པ་ཡིན་པའི་ཁྱབ་པ་མི་འདུག་ཟེར་ནས་ཞུ་བ་ཡིན།
བཞི་པ།  ངེས་རུང་དང་ངེས་པའི་སྐོར།  ཕྱོགས་བོན་མཚན་ཉིད་སྐབས་ཀྱི་ངེས་རུང་དང་ངེས་པ་གཉིས་དེ་དོན་གཅིག་ཡིན་ལབ་མཁན་གདའ།  ཡང་ཁ་ཤས་ཀྱིས་མ་ངེས་ཀྱང་ངེས་རྒྱུ་ཡོད་པ་ཞིག་འཇོག་གི་འདུག  དེ་ལྟར་བཞག་སོང་ན།  དང་པོ་ལྟར་ན།  ངེས་རུང་ཡིན་ན་ངེས་པས་ཁྱབ་ཟེར་དུས་དཀའ་མོ་འདུག  གང་ཟག་ཞིག་དཔེ་བཞག་པ་ཡིན་ན་གང་ཟག་དེ་སངས་རྒྱས་རུང་ཡིན་སངས་རྒྱས་པ་ཡིན་ལབ་པ་དང་གཅིག་མཚུངས་ཡོང་གི་འདུག  དེ་འདྲ་ལབ་ན་སྐྱོན་འབྱུང་གི་འདུག  དེ་ནང་བཞིན་གཉིས་པ་ལྟར་ན།  སྒྲ་བྱས་པ་ཡིན་མིན་ཐེ་ཚོམ་ཟོས་པའི་རྒོལ་བའི་ངོར་སྒྲ་བོན་ཅན་མི་རྟག་པ་ཡིན་ཏེ་བྱས་པ་ཡིན་པའི་ཕྱིར་ཞེས་བཀོད་པའི་ཚེ་ན་བྱས་པ་དེ་རྟགས་ཤེས་འདོད་བོན་ཅན་ལ་ཇི་ལྟར་བཀོད་པ་བཞིན་ངེས་རུང་ཡོང་འགྲོ་གི་འདུག  ཕྱོགས་བོན་གྲུབ་འགྲོ་བའི་གནད་དོན་འདུག  དེ་མ་གྲུབ་པའི་རྟགས་མ་ཡིན་པ་འགྱུར་བའི་སྐྱོན་འདུག  ང་རང་ཡིན་ན་ངེས་པ་དང་ངེས་རུང་གཉིས་ཀྱི་ཁྱད་པར་དེ་ཅི་འདྲ་འཇོག་གི་ཡོད་ཟེར་ན།  ངེས་པ་ཞེས་པ་དེ་ནི་དངོས་སུ་ངེས་པའམ་དྲན་པ་ཞིག་ལ་འཇོག  ངེས་རུང་ཞེས་པ་དེ་ནི་ངེས་ཀྱང་མ་དྲན་པ་ཞིག་ལ་འཇོག  དེ་ལྟར་བཞག་ན་གནད་འགག་གང་ཡང་མི་འདུག་བསམ་གྱི་ཡོད།  རྒྱུ་མཚན་ནི།  ཚད་མ་ཀུན་བཏུས་ལས།  སྒྲུབ་བྱེད་བརྗོད་པའི་ངག་དེ།  ངེས་པའི་ཆེད་དུ་མ་ཡིན་ལ།  དྲན་པའི་ཆེད་དུ་ཡིན་གསུངས་འདུག  རྒྱུ་མཚན་དེ་ཚོ་ལ་བརྟེན་ནས་དེ་ལྟར་འཇོག་དགོས་པ་སྙམ།

བསྡོམས་པས་དཔྱད་མཆན་ཡོད།དཔྱད་མཆན།

དཔྱད་གཏམ་སྤེལ་མཁན་ལ་གསལ་བརྡ། རང་གི་དངོས་མིང་གི་ལམ་ནས། ངེད་དྲ་ཚིགས་ཀྱི་འཕྲིན་ལས་ཡུན་རིང་དུ་རྒྱས་ཕྱིར་ཁྲིམས་འགལ་གཤེ་བསྐུར་དང་། བསྟན་པར་འཚེ་བའི་ལུགས་དགག་བྱ་རུ་དགོངས་ཏེ་དཔྱད་གཏམ་སྤེལ་ན་ཤིན་ཏུ་ལེགས་པས། ཚང་མས་ཕན་ཚུན་ལ་གུས་བཀུར་དང་བརྩི་འཇོག་གི་ལམ་བུར་ཞུགས་ཏེ་བསྟན་པ་སྤྱི་ལ་ཕན་པའི་མཆན་འདེབས་རོགས་གནང་བར་ཞུ་ཞུ། །

སྤེལ་མཁན།