ནང་དོན་གནད་བསྡུས། ཕྱོགས་གླང་གི་ཚད་མའི་མདོ་ཀུན་ལས་བཏུས་པ་དང་ཀུན་བཏུས་འགྲེལ་གཉིས་ཡོད་པའི་ནང་ནས་ཀུན་བཏུས་འགྲེལ་བ་དང་བོད་ཀྱི་ཚད་མ་འགྲོ་མགོན་བློ་གྲོས་རྒྱལ་མཚན་གྱི་ཚད་མ་གཉིས་ཀྱི་གསུངས་མཁན་གྱི་གང་ཟག་དང་གཞུང་གི་བརྗོད་དོན་ལེའུ་སོགས་ལ་མི་འདྲ་བ་ཁྱད་བོན་རེ་རེ་ནས་དཔྱད་བརྗོད་བྱས་ཡོད།
བརྡ་ཆད་གཙོ་བོ། ཕྱོགས་གླང་། འགྲོ་མགོན། ཚད་མ་ཀུན་བཏུས།
   དེ་ཡང་རྒྱ་གར་དང་བོད་རང་ས་རང་རང་གི་གྲུབ་མཐའ་རྗེ་བོ་རྣམས་ཀྱིས་གསུངས་པའི་རིག་གཞུང་ལ་འཆད་རྩོད་རྩོམ་གསུམ་གྱིས་སྒོ་ནས་བསྟན་པ་འཛིན་གྱིན་ཡོད་པ་དང་། སོ་སོའི་གྲུབ་མཐའ་དབང་གིས་དམ་བཅའ་ཁས་ལེན་ཡང་མ་འདྲ་བ་སྟོང་འདུག་མོད།གཙོ་བོར་གྲུབ་མཐའི་འཐེན་འཁྱེར་དང་ཆགས་སྡང་གིས་མ་སོང་བ་ཕན་ཚུན་གཞུང་ལུགས་གོ་སྡུར་དང་རིག་པའི་དཔྱད་ཅིང་བརྟག་པ་འགངས་ཆེ་ལ།ངས་ཀྱང་འདིར་རྒྱ་གར་གྱི་ཚད་གཞུང་དང་བོད་ཀྱི་ཚད་གཞུང་གྲགས་ཆེ་ཤོས་གཉིས་ལ་བརྗོད་དོན་དང་རྗོད་ཚུལ་མི་འདྲ་བའི་ཁྱད་པར་འབྱེད་ཡོད། གཙོ་བོར་བོད་རང་ལུགས་ཀྱི་ཚད་གཞུང་རྒྱ་གར་ལ་བརྟེན་མི་དགོས་པ།  བོད་རང་ལ་ཚད་གཞུང་གི་འགྲེལ་ཡོད་པ་གསལ་བཤད་ཡོད། དེ་བས་བོད་རང་ས་ནས་ཚད་གཞུང་དར་ཡོད་པ་ཤེས་ཐུབ།     ཕྱོགས་གླང་གི་མཚན་ཡང་སློབ་དཔོན་ཕྱོགས་ཀྱི་གླང་པོ་མཚན་སྨོས་ཀི་ཡོད།ཁོང་ནི་རྒྱ་གར་གྱི་མི་བུ་དངོས་མ་ཞིག་ཡིན་ལ་བོད་ཀྱི་རིག་གཞུང་ལ་སྦྱོང་བ་བྱེད་མ་མྱོང་མཁན་ཞིག་ཀྱང་ཡིན།  ཁོང་གི་རིག་གཞུང་ལ་ལྟ་བ་ལས་ཁོང་གི་ལོ་རྒྱུས་བོད་ལ་མཐོང་ཡུལ་དཀོན།ཕྱོགས་གླང་གི་འཁྲུངས་ཡུལ་ནི་རྒྱ་གར་ལྷོ་ཕྱོགས་སིདྒ་བཀྟ་ཞེས་བྱ་བ་ཀཉྩིའི་ཡུལ་དང་ཐག་ཉེ་བ་ཞིག་ཏུ་སྐུ་འཁྲུངས་ཤིང་། རིགས་ནི་བྲམ་ཟེ་ཡིན། ཕྱོགས་གླང་འདི་ཉིད་དུས་སྐབས་གང་དུ་བྱུང་བ་ཡོད་པ་གསལ་བོར་ཤེས་མ་སོང་། ཡིན་ན་ཡང་། སློབ་དཔོན་དབྱིག་གཉེན་གྱི་སློབ་མ་ཞིག་ཡིན་པ་གསར་བོར་ཤེས་ཐུབ་། དབྱིག་གཉེན་ནི་ཕྱི་ལོ(320)རབ་བྱུང་ལྕགས་འབྲུག་ལོ་ཡིན་པར་འགྲེལ་བཤད་རྒྱ་ཡིག་གི་ལོ་རྒྱུས་འགའ་ཞིག་ལས་གསལ། སློབ་དཔོན་གླང་པོ་བྱིན་ཞེས་བྱ་བ་ལས་རབ་ཏུ་བྱུང་བ་ཡིན། ལོ་ཆུང་དུས་ནས་མུ་སྟེགས་ཀྱི་གྲུབ་མཐའ་ལ་སྦྱོང་བ་མང་པོ་བྱས།ཁོང་ནི་སློབ་དཔོན་དབྱིག་གཉེར་དང་ལྷན་དུ་ཡོད་པའི་མཁས་དབང་ཞིག་ཆགས། ཁོང་གིས་སློབ་དཔོན་དབྱིག་གཉེན་གྱི་དྲུང་ནས་རྒྱ་གར་གྱི་གཞུང་ལུགས་ཐེག་པ་ཆེ་ཆུང་གི་ཆོས་མང་པོ་སྦྱོང་བ་བྱས། ཚད་མའི་རིག་གཞུང་ལ་མཁས་པ་ཆེན་པོ་གྱུར། ལོ་མང་པོ་རྒྱ་གར་ཤར་ཕྱོགས་ཀྱི་ཡུལ་ཨོ་ཊི་བི་ཤའི་བྲག་ཕུག་ཏུ་སྒོམ་སྒྲུབ་གནང་།  ན་ལེནྡྲ་ན་སངས་རྒྱས་ཆོས་ལུགས་དང་མུ་སྟེགས་གྲུབ་མཐའ་གཉིས་ཀྱི་རྩོད་གླེང་བྱེད་སྐབས་རྒྱ་གར་ཤར་ཕྱོགས་ནས་ཕྱོགས་གླང་འདི་ཉིད་གདན་དྲངས་། མི་སྟེགས་ཀྱི་གཞུང་ལུགས་རྒྱལ་གར་སངས་རྒྱས་ཆོས་ལུགས་ལ་བསྒྱུར་བ་ཡང་ཡོད། སློབ་དཔོན་འདི་ཉིད་ཀྱིས་རྒྱ་གར་ཤར་ཕྱོགས་ནས་སློབ་མ་མང་པོ་ལ་ལྟ་གྲུབ་དང་ཚད་གཞུང་རྣམས་ཁྲིད་མཛད། རྒྱ་གར་ཤར་ཕྱོགས་ནས་སྐུ་འདས་དགུང་ལོ་ཇི་ཙམ་ལོ་འདས་པ་ལ་སོགས་ནི་བོད་ཡིག་ལོ་རྒྱུས་ནང་དུ་མི་གསལ་ལོ། །
   འགྲོ་མགོན་གྱི་མཚན་ཡང་སྨོས་ན་༼འགྲོ་མགོན་བློ་གྲོས་རྒྱལ་མཚན༽ཞེས་སྨོས་ཀྱི་ཡོད།འགྲོ་མགོན་ནི་བོད་ཀྱི་སྐྱེས་བུ་དངོས་མ་ཞིག་ཡིན། ཁོང་གིས་བོད་ཀྱི་གཞུང་ལུགས་ལ་སྦྱོང་བ་བྱས་པ་ལས་རྒྱ་གར་གྱི་གཞུང་ལ་སྦྱོང་བ་བྱས་པའི་བདེན་དཔང་གི་ལོ་རྒྱུས་གང་གི་ནང་དུ་མ་གྲུབ། ཁོང་ནི་ཡུལ་གཡོར་པོའི་ས་ཆར་ཡབ་འ་ཞ་ཤེས་རབ་སེང་གེ་དང་།  ཡུམ་རིན་ཆེན་བུ་ཁྲིད་གཉིས་ཀྱི་སྲས་སུ་བོད་ས་རྟ་སྤྱི་ལོ1198ལོར་སྐུར་བལྟམས། ཆུང་དུས་ནས་འབྲི་ཀློག་ལ་སྦྱོང་བ་བྱས་ནས་བོན་གྱི་གྲྭ་ས་གཡས་རུ་དབེན་ས་ཁ་ན་ཁུ་བོ་འ་ཞ་བདུད་རྩི་རྒྱལ་མཚན་གྱི་དྲུང་ནས་རབ་བྱུང་གི་སྡོམ་ཁྲིམས་ཞུས། ཁོང་གིས་དཔོན་གསས་ཁྱུང་རྒོད་རྩལ་གྱི་དྲུང་ནས་ཐོས་བསམ་སྦྱོང་བ་བྱས། ཁྱད་པར་དུ་བོན་གྱི་གཞུང་ལུགས་དབུ་ཚད་དང་གསང་སྔགས་ལ་མཁས་པ་ཆེན་པོ་ཆགས། བོན་གྱི་གདན་ས་གཡས་རུ་དབེན་ས་ཁ་ནས་སློབ་བུ་མང་པོ་ལ་རིག་གཞུང་གི་ཁྲིད་མང་པོ་མཛད། གདན་ས་དེ་ན་དགུང་གྲངས་རེ་དྲུག་སྤྱི་ལོ(1263)ལོར་མྱ་ངན་འདས། ཁོང་རྣམ་གཉིས་ཀྱི་མཛད་པ་རིམ་པ་བྱས་ནས་བཤད་ཟིན། ཕྱོགས་གླང་དང་འགྲོ་མགོན་གཉིས་ནི་མཛད་པ་མི་འདྲ་བ་དང་གསུང་ཡང་མི་འདྲ་བ་མང་པོ་ཡོད་འདུག་ཀྱང་། གཙོ་བོར་གསུང་མཁན་རྣམ་གཉིས་གྱི་ངོས་ནས་མི་འདྲ་ས་ནི་གོང་ནས་ཁོང་རྣམ་གཉིས་ཀྱི་མཛད་རིམ་ཐོག་ནས་བལྟ་ན་ཤེས་ཐུབ།       (ཕྱོགས་གླང་གི་ཚད་མ་ཀུན་ལས་བཏུས་པའི་འགྲེལ་པ་ནི་ལེའུ་དྲུག་གི)བདག་ཉིད་ཅན་ཞིག་ཡིན།  ལེའུ་དང་པོ་ནི་མངོན་སུམ་གྱི་ཡིན། (འགྲོ་མགོན་གྱི་ཚད་མ་ཀུན་ལས་བཏུས་པ་ལ་ལེའུ་བརྒྱད་ཀྱི་བདག་ཉིད་ཅན་ཞིག་རེད། )ལེའུ་དང་པོ་ལ་བློ་ཙམ་རང་བཞིན་སྐོར་ནས་བཤད་འདུག   ཕྱོགས་གླང་གི་ཀུན་བཏུས་གྱི་ལེའུ་དང་པོ་ལ་ཤོག་ངོས་སོ་དགུ་ཅན་གྱི་བདག་ཉིད་ཞིག་ཡིན། ལེའུ་དང་པོ་ལ་བསྟན་བྱ་མི་འདྲ་བ་མེད། བསྟན་བྱ་ནི་མངོན་སུམ་སྤྱི་དང་མངོན་སུམ་བྱེ་བྲག་ཙམ་བསྟན་པ་ལས་ཡུལ་དང་ཡུལ་ཅན་གྱི་རྣམ་བཞག་སོ་སོ་ཕྱེས་ནས་མ་བསྟན་པ་མངོན་སུམ་གྱི་ངོ་བོ་དང་མཚན་ཉིད་ཀྱི་རྣམ་བཞག་བསྟན་མེད།  འགྲོ་མགོན་གྱི་ཀུན་བཏུས་ལས་ལེའུ་དང་པོ་ཤོག་ངོས་ཉེར་བརྒྱད་ཅན་གྱི་བདག་ཉིད་ཅན་ཡིན། ལེའུ་དང་པོའི་བསྟན་བྱ་ལ་ཡུལ་དང་ཡུལ་ཅན་གཞན་སེལ་བློ་རིག་གི་རྣམ་བཞག་སོགས་སོ་སོར་ཕྱེས་ནས་བསྟན་ཡོད། ཡུལ་ཙམ་གྱི་མཚན་ཉིད་དང་གཞན་སེལ་གྱི་མཚན་ཉིད་དང་བློ་ཙམ་གྱི་མཚན་ཉིད་བློ་རིགས་བརྒྱད་གྱི་རྣམ་བཞག་གི་མཚན་ཉིད་སོགས་སོ་སོར་ཕྱེས་ནས་བསྟན་ཡོད། ཁོང་རྣམ་གཉིས་ཀྱི་ལེའུ་དང་པོ་སྐབས་སུ་བསྟན་བྱ་མི་འདྲ་བ་དང་བསྟན་ཚུལ་མི་འདྲ་བའི་རྣམ་བཞག་ཡིན། ལེའུ་གཉིས་པ་ལ་བསྟན་ཚུལ་རྩ་བ་ནས་མི་འདྲ་བ།  ཕྱོགས་གླང་གི་ཚད་མའི་ལེའུ་གཉིས་པ་ནི་ཤོག་ངོས་བཞི་བཅུའི་བདག་ཉིད་ཞིག་ཡིན། བསྟན་ཚུལ་ནི། རང་དོན་རྗེས་དཔག་དང་དེའི་ངོ་བོ་དང་མངོན་གསུམ་དང་རྗེས་དཔག་གཉིས་སྐྱེ་ཚུལ་རིམ་པར་བསྟན་ཡོད། རང་དོན་རྗེས་དཔག་ནི་རྟགས་ལ་བརྟེན་ནས་སྐྱེ་དགོས་པ་དང་།  རང་དོན་རྗེས་དཔག་གི་ངོ་བོ་ནི། ཚུལ་གསུམ་རྟགས་ལས་དོན་མཐོང་བཞག དེ་སྐབས་སུ་མངོན་སུམ་དང་རྗེས་དཔག་གཉིས་ཡུལ་གྱི་ཆ་ནས་སོ་སོ་ཕྱེ།  བསྟན་བྱ་གཙོ་བོ་ནི་རྟགས་ལ་གཏན་ནས་རྗེས་དཔག་བསྐྱེད་དགོས་པར་བསྟན།  དེ་ལས་གཞན་བསྟན་བྱ་མི་འདྲ་བའི་ཚིག་གསལ་བོ་མེད།   འགྲོ་མགོན་ཚད་གཞུང་ལས། ལེའུ་གཉིས་པ་ཤོག་ངོས་སུམ་ཅུ་སོ་བརྒྱད་ཀྱི་བདག་ཉིད་ཅན་ཞིག་ཡིན།  བསྟན་ཚུལ་ནི།  ཚད་མ་སྤྱི་ཡི་རྣམ་གཞག   དགག་སྒྲུབ་ཀྱི་རྣམ་གཞག   རྫས་ལྡོག་གི་རྣམ་གཞག   རྫས་ཡོད་དང་བཏགས་ཡོད་ཀྱི་རྣམ་གཞག   བརྗོད་བྱ་དང་རྗོད་བྱེད་ཀི་རྣམ་གཞག  དངོས་རྟོགས་ཤུགས་རྟོགས་ཀྱི་རྣམ་བཞག  སྤྱི་བྱེ་བྲག་གི་རྣམ་གཞག    དགག་སྒྲུབ་ཀྱི་དངོས་རྟོགས་དང་ཤུགས་རྟོགས་ཀྱི་རྣམ་གཞག   མངོན་སུམ་ལ་ལོག་རྟོག་དགག་པའི་རྣམ་གཞག་གསུངས།   དེ་རྣམས་ཀྱི་གོ་དོན་རེ་རེ་བཞིན་གསལ་བཤད་བྱེད་ན།   ཚད་མ་སྤྱི་ཡི་ངོ་བོ་ནི། མི་བསླུ་རྟོགས་པའི་བོན་གསུམ་ལྡན་བཞག ཕྱོག་གླང་ཚད་མ་དང་མི་འདྲ་བ་ནི།  འགྲོ་མགོན་གྱིས་དེ་རྣམས་ཀྱི་མཚན་ཉིད་དང་དབྱེ་བ།  དབྱེ་གཞི་གྲངས་ངེས་སོགས་ཀྱི་ལམ་ནས་གསལ་བཤད་དང་རྩོད་སྤོང་སྒོ་ནས་རྒྱས་བཤད་བྱས་ཡོད། ཕྱོགས་གླང་གིས་བརྗོད་བྱ་གཅིག་པུ་ལ་རྩོད་སྤོང་གི་ལམ་ནས་བསྟན་པ་ལས།  གཞན་ལ་གསལ་བཤད་མི་འདུག  འགྲོ་མགོན་གྱིས་ལེའུ་གཉིས་པའི་བསྟན་བྱ་གཙོ་བོ་ནི་ཚད་མ་སྤྱིའི་རྣམ་གཞག་ཡིན། དང་པོ་རྣམ་ཐར་སྐོར་གྱི་དཔྱད་གཞིའི་ཡིག་ཆ།
བུ་སྟོན་རྡོ་རྗེ་རིན་ཆེན་གྲུབ་ཀྱིས་མཛད་པའི་  ༼བུ་སྟོན་ཆོས་འབྱུང། ༽དེབ་གཟུགས་ཅན།     
ཇོ་ནང་ཏཱ་ར་ནཱ་ཐས་བརྩམས་པའི་༼རྒྱ་གར་ཆོས་འབྱུང་།༽  འཕྲུལ་དེབ་ཅན།   
དུང་དཀར་བློ་བཟང་འཕྲིན་ལས་ཀྱིས་མཛད་པའི་༼བོད་གྱི་ཚིག་མཛོད་ཆེན་མོ།༽ དེབ་གཟུགས་ཅན།  
སྨོན་ལམ་ཚིག་མཛོད་ཆེན་མོ་༼འཕྲུལ་དེབ་ཅན༽ 
ཡ་ཐོག་ཞང་བོད་ཁྱད་ནོར་དཔེ་ཚོགས་༼དེབ་ལྔ་བ༽  དེབ་གཟུགས་ཅན།
བློ་གྲོས་རབ་གསལ་གྱིས་བསྒྲིགས་པའི་  ༼གནའ་བོའི་ཞང་བོད་ཚིག་མཛོད༽དེབ་གཟུགས་ཅན།
ལེའུ་སྐོར་གྱི་དཔྱད་གཞིའི་ཡིན་ཆ།  
འགྲོ་མགོན་གྲོས་རྒྱལ་མཚན་གྱིས་མཛད་པའི་༼  ཚད་མའི་སྙིང་པོ་དེ་ཁོ་ན་ཉིད་ཀུན་ལས་བཏུས་པ་རིག་པའི་གཏེར་མཛོད་༽  གཡུང་དྲུང་བོན་གྱི་བཤད་སྒྲུབ་སློབ་གླིང་གི་དེབ་གཟུགས་ཅན།     
སློབ་དཔོན་ཕྱོགས་ཀྱི་གླང་པོས་མཛད་པའི་༼  ཚད་མ་ཀུན་ལས་བཏུས་པའི་འགྲེལ་བ༽  དེབ་གཟུག་ཅན།

བསྡོམས་པས་དཔྱད་མཆན་ཡོད།དཔྱད་མཆན།

དཔྱད་གཏམ་སྤེལ་མཁན་ལ་གསལ་བརྡ། རང་གི་དངོས་མིང་གི་ལམ་ནས། ངེད་དྲ་ཚིགས་ཀྱི་འཕྲིན་ལས་ཡུན་རིང་དུ་རྒྱས་ཕྱིར་ཁྲིམས་འགལ་གཤེ་བསྐུར་དང་། བསྟན་པར་འཚེ་བའི་ལུགས་དགག་བྱ་རུ་དགོངས་ཏེ་དཔྱད་གཏམ་སྤེལ་ན་ཤིན་ཏུ་ལེགས་པས། ཚང་མས་ཕན་ཚུན་ལ་གུས་བཀུར་དང་བརྩི་འཇོག་གི་ལམ་བུར་ཞུགས་ཏེ་བསྟན་པ་སྤྱི་ལ་ཕན་པའི་མཆན་འདེབས་རོགས་གནང་བར་ཞུ་ཞུ། །

སྤེལ་མཁན།