[ནང་དོན་གནད་བསྡུས།] རྩོམ་འདིར་བོན་གྱི་གནའ་དཔེ་ཁག་ལ་གཞི་བཅོལ་ཏེ་གཙང་གཤེན་སྙན་ངག་རང་གྲོལ་གྱི་མཚན་དང་འཁྲུངས་ཡུལ།  སྒྲུབ་གནས་བཅས་ཀྱི་ཐད་ནས་དོགས་སློང་དང་། ཁོང་གིས་བརྩམས་པའི་དཔེ་རྙིང་ཞིག་གི་སྐོར་ནས་དཔྱད་གླེང་།  གངས་ཏི་སེའི་བོན་གཞུང་རིག་མཛོད་དཔེ་ཚོགས་གྲལ་དུ་བཞུགས་པའི་དཔེ་ཆ《 སྙན་ངག་རྒྱན་གསུམ་གསལ་བའི་མེ་ལོང་།》ཞེས་པ་དང་དབྱུག་པ་ཅན་གྱིས་བརྩམས་པའི་སྙན་གཞུང《 མེ་ལོང་མ།》གཉིས་ཀྱི་བར་གཤིབ་བསྡུར་བྱས་ཏེ།《 སྙན་ངག་རྒྱན་གསུམ་གསལ་བའི་མེ་ལོང་།》ནི་བོན་ཕྱོགས་ཀྱི་མཁས་པ་འགའ་ཞིག་གི་བཤད་སྲོལ་ལྟར་གཙང་གཤེན་སྙན་ངག་རང་གྲོལ་གྱིས་བརྩམས་པའི་ས་སྐྱེས་རྡོ་སྐྱེས་ཀྱི་བོད་ཀྱི་སྙན་གཞུང་ཞིག་མ་ཡིན་པར། གཙང་གཤེན་སྙན་ངག་རང་གྲོལ་གྱིས་སཾསྐྲྀ་ཏའི་སྐད་ལས་བོད་སྐད་ཐོག་བསྒྱུར་བ་ཞིག་ཡིན་པའི་སྐོར་ནས་དཔྱད་གླེང་བྱས་ཡོད།
[གནད་ཚིག་གཙོ་བོ།] གཤེན་ཆེན་སྙན་ངག་བོན་པོ།  ཤར་ཕྱོགས་ཇོ་མོ་གངས་དཀར།  སྣ་བོན་ལེའུ་བཅུ་གསུམ།  སྙན་ངག་རྒྱན་གསུམ་གསལ་བའི་མེ་ལོང་།    མིང་དེ་དག་ལ་ཅུང་ཟད་དཔྱད་ན། ཚང་མའི་ནང་སྙན་ངག་ཅེས་པའི་ཐ་སྙད་འདི་ཐོན་ཡོད་པས། ང་ཚོས་དེ་བས་ཀྱང་ཁོང་དང་སྙན་ངག་གི་བར་ལ་འབྲེལ་བ་ངེས་ཅན་ཞིག་ཡོད་པ་ཐག་བཅད་ནས་བཤད་ཐུབ། འདིར་གསལ་བཤད་དགོས་པ་ཞིག་ལ་སྤྱིར་བོན་གྱི་བཀའ་རིན་པོ་ཆེའི་ཁྲོད་དུ་སྙན་ངག་ཅེས་པའི་ཐ་སྙད་བྱུང་མེད་པ་མིན་ཏེ། མཛད་མདོ་རྒྱས་པ《དྲི་མེད་གཟི་བརྗིད།》ལས“འཆད་པ་འཕྲུལ་གྱི་སྙན་ངག་ཚིག”[1]ཅེས་པ་ལྟ་བུ་མང་དུ་བྱུང་ཡང་། དེ་ནི་ངག་སྙན་མོ་ཞིག་ལ་གོ་བ་ལས་རིག་གནས་ཆུང་བ་ལྔ་ཡི་ནང་ཚན་རྩོམ་ལུས་བྱེ་བྲག་པ་ཞིག་ལ་གོ་བ་མིན། འདིར་སྐབས་སུ་དེ་ཙམ་ལ་གོ་བ་མ་ཡིན་པར་སྒྱུ་རྩལ་རྩོམ་རིག་གི་རྩོམ་ལུས་བྱེ་བྲག་པ་ཞིག་ལ་གོ་བ་ཡིན། ང་ཚོས་གཙང་གཤེན་སྙན་ངག་རང་གྲོལ་བཞུགས་པའི་དུས་སྐབས་དེར་བོད་རང་ལ་སྙན་ངག་གི་གཞུང་ལུགས་ཡོད་མེད་རྟོགས་དཀའ་རུང་། སྙན་ངག་འབྲི་བའི་ལུགས་སྲོལ་དང་སྙན་ངག་ཅེས་པའི་རིག་ཚན་བྱེ་བྲག་པ་ཞིག་འདོད་བཞིན་པ་ཤེས་ཐུབ། དུས་རབས་དྲུག་པའི་གཡས་གཡོན་དུ་མཚོན་ན་རྒྱ་གར་གྱི་ཡུལ་ནི་སྙན་ངག་ཆེས་དར་བའི་ཡུལ་གྲུ་ཞིག་ཡིན་པ་རེད། དེ་དག་གིས་ཤུགས་རྐྱེན་ལས་བོད་ལ་སྙན་ངག(ད་ལྟའི་བོད་ཁུལ་དུ་རྒྱུག་ཆེ་བའི་སྲོལ་རྒྱུན་ཚིག་བཅད་སྙན་ངག་ལ་གོ་དགོས)དར་འགོ་བརྩམས་པ་ཡིན་ནམ་སྙམ་པ་བྱུང་མོད། འདིའི་སྐོར་ནས་ད་དུང་དཔྱད་རྒྱུ་ལུས་ཡོད།

ཤར་ཕྱོགས་ཇོ་མོ་གངས་དཀར།

   འདི་ནི་ལེའུ་བཅུ་གསུམ་ལས་གྲུབ་པ་ཞིག་སྟེ། ༡མིང་སྲིང་དཔལ་བགོས་པའི་ལེའུ། ༢གཡང་ལེན་པའི་ལེའུ། ༣ཡུམ་གྱི་ཁ་ད་བརྗོད་པ། ༤སྣ་སྒྱུར། ༥ཐོ་བསྒྱེལ། ༦སྣ་མེ་འབུད་པ། ༧གནམ་ཁྱི་ཐེ་ཁྱིམ་བཅོས་པ། ༨ལྷ་འདོགས། ༩དཔལ་ཐགས་འདོགས་པ། ༡༠སྲུང་བཙུགས་པ། ༡༡ནས་གཏོར་པ། ༡༢དཔལ་སྐྱེད། ༡༣བཀྲ་ཤིས་སྨོན་ལམ་གྱི་ལེའུ། ཞེས་ལེའུ་བཅུ་གསུམ་དེ་དག་ལས་བོད་རང་གི་ཐུན་མིན་བག་མ་གཏོང་ལེན་བྱེད་ཚུལ་བསྟན་ཡོད།  འདི་ནི་གོང་དུ་དྲངས་པའི་ཀོང་སྤྲུལ་ཡོན་ཏན་རྒྱ་མཚོས་མཛད་པའི《བག་མ་ལ་དགེ་བའི་ལས་ཕྲན་བདུན་གྱི་ཆོ་ག་བཀྲ་ཤིས་དཔལ་སྐྱེད།》དང་།  དཔེ་རྙིང《མིང་སྲིང་དཔལ་བགོས་དང་ལྷ་འདོགས།》གཉིས་ལས་ཀྱང་བག་མ་གཏོང་ལེན་སྐོར་ཆ་ཚང་བར་བསྟན་པའི་དཔེ་ཆ་ཞིག་རེད།    གཞན་རྒྱན་གསུམ་འདི་ནི་བོད་རང་གི་སྙན་གཞུང་ཐོག་མ་ལ་ངོས་འཛིན་མཁན་བྱུང་མོད། གཞུང་རང་ལས་འདིའི་གོང་ན་རབ་བརྟགས་རྒྱན་སོགས་ཀྱི་འདོད་སྟངས་མི་མཐུན་བའི་མཁས་པ་དུ་མ་ཡོད་པ་བསྟན་ཏེ། དཔེར་ན། སེམས་ལྡན་རབ་བརྟགས་དཔེ།“ཉི་མས་གདུང་བའི་གླང་པོ་དག། བསིལ་ཆེད་པད་མཚོར་འཇུག་པ་ལགས།། དེ་ཕྱོགས་གྱུར་པའི་པདྨ་རྣམས།། གཞོམ་འདོད་ཡིན་ནོ་ཞེས་སྒྲོ་བཏགས།།”ཞེས་པ། འདིའི་དོན་ལ་གཞུང་ལས“ལག་ལྡན་པད་རྩྭ་བཟའ་ཕྱིར་དུ།། ཆུར་འཇུག་དེ་ནི་ཉི་མའི་ཕྱོགས།། པདྨར་འཁོན་ལན་གླན་ཕྱིར་ཞེས།། སྨྲ་དབང་རྣམས་ཀྱི་རབ་བརྟགས་བརྗོད།། ”ཞེས་པས་ཤེས་ལ། རབ་བརྟགས་བཞིན་སྒྲ་ཅན་གྱི་དཔེར་བརྗོད་ལ་དགག་བཞག་བྱས་པ་ལས་ཀྱང་རྟོགས་ཐུབ།    དེ་བཞིན་ཀུན་གྲོལ་འཇའ་ཚོན་སྙིང་པོས་ཀྱང་དེའི་གོང་ན་མཁས་པ་གཞན་གྱིས་བརྩམས་པའི་སྙན་གཞུང་ཡོད་པ་[18]བཤད་འདུག།    འདིར་དོགས་པ་ཞིག་འབྱུང་བ་ནི་གལ་སྲིད་སྙན་གཞུང་མེ་ལོང་མ་དུས་རབས་དེ་ཙམ་ནས་བོད་སྐད་ཐོག་བསྒྱུར་ཡོད་ན། དུས་རབས་བཅུ་གསུམ་པའི་ནང་ཤོང་སྟོན་རྡོ་རྗེ་རྒྱལ་མཚན་གྱིས་མ་བསྒྱུར་བར་དུ་བོད་ལ་ཁྱབ་བརྡལ་མ་བྱུང་བ་དང་། ཡོངས་གྲགས་ཆགས་མ་ཐུབ་པ་གང་ཡིན་ཞེས་ན། སྙན་གཞུང་མེ་ལོང་མ་ནི་བོད་ཀྱི་གནའ་བོའི་ལེགས་བཤད་དང་དམངས་གླུ་དག་དང་བསྡུར་ན་གོ་དཀའ་བ་ཡིན་པས། སྐབས་དེའི་སྤྱི་ཚོགས་ཁྲོད་ལ་དར་ཁྱབ་བྱུང་མ་ཐུབ་པ་རེད་ཅེས་བཤད་ཆོག ཕྱོགས་གཞན་ནས་མེ་ལོང་མར་གླེང་བ་དག་ནི་རྒྱ་གར་གྱི་ཆོས་ལུགས་འདུ་ཤེས་དང་ཆ་བྱད།  ཕོ་མོའི་ཆགས་གཏམ་སོགས་ཡིན་པས་སྐབས་དེའི་བོད་ཀྱི་ཆོས་པ་གཙོས་སྤྱི་ཚོགས་ཀྱིས་དང་ལེན་མ་བྱས་པས་རེད། གཙང་གཤེན་སྙན་ངག་རང་གྲོལ་གྱིས་བསྒྱུར་བ་ཙམ་ལས་དར་ཁྱབ་བྱུང་མ་ཐུབ་པའི་རྒྱུ་རྐྱེན་ནི་དེ་དག་ལ་ཐུག་པ་ཡིན་ནམ་སྙམ་མོ།།
    མེ་ལོང་མའི་ལུགས་ཀྱི་སྙན་ངག་རྒྱག་སྲོལ་འདི་དེང་སང་བོད་ཡུལ་ན་ཅུང་དར་བའང་ཤོང་སྟོན་གྱིས་བསྒྱུར་མ་ཐག་ནས་དར་ཁྱབ་བྱུང་བ་ཞིག་མ་ཡིན་པར། དུས་ཡུན་གང་འཚམ་ཞིག་གི་འགག་འཕྲང་བརྒྱུད་ཡོད་པ་རེད། དཔེར་ན། རྩ་བ་མེ་ལོང་མའི་འཇིག་རྟེན་འཁོར་བ་སྟོན་པའི་བརྗོད་བྱ་དེ་ལས་ལྷ་ཆོས་དང་བསྟོད་རྩོམ་གྱི་ངོ་བོ་ལ་བསྒྱུར་ཏེ། དགོན་སྡེའི་ཁྲོད་དར་ཁྱབ་བཏང་བ་རེད། དེ་ནས་དགོན་སྡེའི་ཤུགས་རྐྱེན་འོག་སྐྱ་བོའི་ཚོགས་ལ་ཕྲན་ཙམ་དར་ཁྱབ་བྱུང་བ་ཞིག་རེད། བོད་མི་རྣམས་ཀྱིས་སྙན་གཞུང་མེ་ལོང་མའི་རྩོམ་གཤིས་ལས་བོད་རང་གི་མགུར་གླུ་ལ་དགའ་པོ་བྱེད་པའང་རྒྱལ་དབང་ལྔ་པས་མེ་ལོང་མའི་འགྲེལ་བ《དབྱངས་ཅན་དགྱེས་པའི་གླུ་དབྱངས།》ཞེས་ཧ་ལས་པ་ཞིག་བརྩམས་རུང་། བོད་མི་ཕལ་གྱིས་རྒྱལ་དབང་ལྔ་པ་ནི་སྙན་ངག་པ་ཞིག་ཡིན་པ་མི་ཤེས་ལ། རྒྱལ་དབང་དྲུག་པ་ཚངས་དབྱངས་རྒྱ་མཚོས་མགུར་གླུའི་རྩོམ་སྟངས་བེད་སྤྱོད་བཏང་སྟེ《ཚངས་མགུར།》ཤོ་ལོ་ཀ་དྲུག་ཅུ་ལྷག་ཅིག་བརྩམས་པས་བོད་ཡུལ་ན་སྙན་གྲགས་སྲིད་ན་ཁྱབ་པ་ལྟ་བུ་རེད།
དཔྱད་གཞིའི་ཡིག་ཆ། 
[1] བློ་ལྡན་སྙིང་པོའི་སྙན་རྒྱུད། 《དྲི་མེད་གཟི་བརྗིད།》[M] བོད་ལྗོངས་བོད་ཡིག་དཔེ་རྙིང་དཔེ་སྐྲུན་ཁང་།
[2] ཁྱུང་པོ་དཔལ་རྒྱལ།《 ཞང་བོད་བུ་ཡིས་བགྲོ་གླེང་། 》[M] ཀན་སུའུ་མི་རིགས་དཔེ་སྐྲུན་ཁང་།  ཤོག་ངོས།   227 གསལ། 
[3] གཏམ་ཤུལ་དགའ་ཐང་འབུམ་པ་ཆེ་ནས་རྙེད་པའི་བོན་གྱི་དཔེ་རྙིང་།  རྣེལ་དྲི་འདུལ་ཐབས།  [G]  བོད་ལྗོངས་དཔེ་རྙིང་དཔེ་སྐྲུན་ཁང་། ཤོག་ངོས།  26  གསལ།   
[4] 《གཏོ་ནག་གི་ཆོ་ག་ཕྱོགས་སྒྲིག་པོད་གཉིས་པ།》གླེགས་བམ་དབུ་མེད་ཅན་དཔར་མ།  ཤོག་ངོས།  395 གསལ།
[5] 《 མ་རྒྱུད་གཤེན་ལུགས་ལྟར་གྱི་སྒྲུབ་སྐོར་ཞེས་བྱ་བ་བཞུགས་སོ།། 》ཤོག་ངོས།  592 གསལ།
[6] དཔལ་ལྡན་ཚུལ་ཁྲིམས།《གཡུང་དྲུང་བོན་གྱི་བསྟན་འབྱུང་ཕྱོགས་བསྡུས། 》[M] ཟི་ཁྲོན་མི་རིགས་དཔེ་སྐྲུན་ཁང་དང་བོད་ལྗོངས་མི་རིགས་དཔེ་སྐྲུན་ཁང་།  ཤོག་ངོས། 231 གསལ།
[7] མར་ནང་དགེ་བཤེས་ཁྲི་གཡུང་དྲུང་།《ཞང་ཞུང་བླ་མ་ལི་ཤུ་སྟག་རིང་དང་ཁོང་གི་ཞལ་གདམས།》རྩོམ་ཁུངས། རྒྱལ་གཤེན་བོན་སྒྲ།
[8]《གཏོ་ནག་གི་ཆོ་ག་ཕྱོགས་སྒྲིག་པོད་གཉིས་པ།》དབུ་མེད་གླེགས་བམ་དཔར་མ།   ཤོག་ངོས། 602གསལ།
[9]བོན་བརྒྱ་དགེ་ལེགས་ལྷུན་འགྲུབ་རྒྱ་མཚོ། 《བསྟན་འབྱུང་ཤེལ་གྱི་རྒྱང་མཐོང་།》ཞང་བོད་ཤེས་རིག་ཞིབ་འཇུག་ལྟེ་གནས།193 གསལ།
[10] ཤར་རྫ་བཀྲ་ཤིས་རྒྱལ་མཚན། 《 ལེགས་བཤད་མཛོད།》[M]   མི་རིགས་དཔེ་སྐྲུན་ཁང་།  1985 ལོར་དཔར་དུ་བསྐྲུན།  ཤོག་ངོས།  262 གསལ།
[11] བོན་བརྒྱ་དགེ་ལེགས་ལྷུན་འགྲུབ་རྒྱ་མཚོ། 《བསྟན་འབྱུང་ཤེལ་གྱི་རྒྱང་མཐོང་།》[M] ཞང་བོད་ཤེས་རིག་ཞིབ་འཇུག་ལྟེ་གནས། 194 གསལ།
[12]སྟོང་སྐོར་ཚེ་རིང་ཐར།《 བོན་བསྟན་རིག་གནས་སྐོར་གྱི་དཔྱད་བརྗོད་ཁྱུང་རུའི་འོད་སྣང་།》[M]  ཤོག་ངོས། 90 གསལ།
[13]བྲུ་རྒྱལ་བ་གཡུང་དྲུང་། 《མན་ངག་ཨ་ཁྲིད་བླ་མ་བརྒྱུད་པའི་གསོལ་འདེབས།》བཀའ་བརྟེན་ཕྱོགས་བསྒྲིགས། པོད(104)པ། ཁྱུང་པོ་སྟེང་ཆེན་དགོན་ནས་བསྒྲིགས། ཤོག་ངོས། 98 གསལ།
[14] མ་རྒྱུད་གཤེན་ལུགས་ལྟར་གྱི་སྒྲུབ་སྐོར་ཞེས་བྱ་བ་བཞུགས་སོ།།》ཤོག་ངོས། 592གསལ།
[15]དཔལ་ལྡན་ཚུལ་ཁྲིམས།《གཡུང་དྲུང་བོན་གྱི་བསྟན་འབྱུང་ཕྱོགས་བསྡུས།》[M] ཟི་ཁྲོན་མི་རིགས་དཔེ་སྐྲུན་ཁང་དང་བོད་ལྗོངས་མི་རིགས་དཔེ་སྐྲུན་ཁང་།  ཤོག་ངོས། 231 གསལ།
[16] བྲུ་རྒྱལ་བ་གཡུང་དྲུང་།《མན་ངག་ཨ་ཁྲིད་བླ་མ་བརྒྱུད་པའི་གསོལ་འདེབས།》བཀའ་བརྟེན་ཕྱོགས་བསྒྲིགས། པོད(104)པ། ཁྱུང་པོ་སྟེང་ཆེན་དགོན་ནས་བསྒྲིགས། ཤོག་ངོས། 99 གསལ།
[17]མཁར་རྨེའུ་བསམ་གཏན།《མདའ་དང་འཕང་།》[M] རྒྱལ་སྤྱིའི་བོད་རིག་པ་དཔེ་སྐྲུན་ཁང་། 321 གསལ།
[18]ཀུན་གྲོལ་འཇའ་ཚོན་སྙིང་པོ། 《སྙན་ངག་རྒྱན་གསུམ་གསལ་བའི་མེ་ལོང་གི་འགྲེལ་བ་དཔྱོད་ལྡན་དགའ་བའི་སྙིང་ནོར་བཞུགས་སོ།།》[M]  གངས་ཏི་སེའི་བོན་གཞུང་རིག་མཛོད་དཔེ་ཚོགས། མི་རིགས་དཔེ་སྐྲུན་ཁང་། ཤོག་ངོས། 34 གསལ་ལོ།།
[19]སྟོབས་ལྡན། 《སྙན་ངག་ཕྱོགས་བསྒྲིགས།》[G] ཀན་སུའུ་མི་རིགས་དཔེ་སྐྲུན་ཁང་། ཤོག་ངོས། 2 གསལ།
[20] མར་ནང་དགེ་བཤེས་ཁྲི་གཡུང་དྲུང་།《 ཞང་ཞུང་བླ་མ་ལི་ཤུ་སྟག་རིང་དང་ཁོང་གི་ཞལ་གདམས།》རྩོམ་ཁུངས། རྒྱལ་གཤེན་བོན་སྒྲ།
[21]ཤེས་རབ་དགེ་ལེགས། 《སྙན་ངག་མེ་ལོང་མ་མ་བྱུང་བའི་སྔོན་གྱི་བོད་རང་གི་སྙན་ངག་གི་གཞུང་ལུགས་གླེང་བ།》རྩོམ་ཁུངས། རྒྱལ་གཤེན་བོན་སྒྲ།
[22]《མ་རྒྱུད་གཤེན་ལུགས་ལྟར་གྱི་སྒྲུབ་སྐོར་ཞེས་བྱ་བ་བཞུགས་སོ།། 》592གསལ།
[23]དཔལ་ལྡན་ཚུལ་ཁྲིམས། 《གཡུང་དྲུང་བོན་གྱི་བསྟན་འབྱུང་ཕྱོགས་བསྡུས།》[M] ཟི་ཁྲོན་མི་རིགས་དཔེ་སྐྲུན་ཁང་དང་བོད་ལྗོངས་མི་རིགས་དཔེ་སྐྲུན་ཁང་། ཤོག་ངོས། 231
[24]《སྙན་ངག་རྒྱན་གསུམ་གསལ་བའི་མེ་ལོང་།》གངས་ཏི་སེའི་བོན་གཞུང་རིག་མཛོད་དཔེ་ཚོགས། དེབ་གསུམ་པ། མི་རིགས་དཔེ་སྐྲུན་ཁང་། ཤོག་ངོས། 5 གསལ།
[25] ཤར་རྫ་བཀྲ་ཤིས་རྒྱལ་མཚན། 《 ལེགས་བཤད་མཛོད།》[M]   མི་རིགས་དཔེ་སྐྲུན་ཁང་།  1985 ལོར་དཔར་དུ་བསྐྲུན། ཤོག་ངོས། 154 གསལ།
[26] དཔའ་བོ་གཙུག་ལག་ཕྲེང་བ།《ཆོས་འབྱུང་མཁས་པའི་དགའ་སྟོན།》[M] ཤོག་ངོས། 772 གསལ།
[27]ཀུན་གྲོལ་འཇའ་ཚོན་སྙིང་པོ།《སྙན་ངག་རྒྱན་གསུམ་གསལ་བའི་མེ་ལོང་གི་འགྲེལ་བ་དཔྱོད་ལྡན་དགའ་བའི་སྙིང་ནོར་བཞུགས་སོ།།》[M] གངས་ཏི་སེའི་བོན་གཞུང་རིག་མཛོད་དཔེ་ཚོགས། དེབ་གསུམ་པ། མི་རིགས་དཔེ་སྐྲུན་ཁང་། ཤོག་ངོས། 32གསལ་ལོ།།
 

བསྡོམས་པས་དཔྱད་མཆན་ཡོད།དཔྱད་མཆན།

དཔྱད་གཏམ་སྤེལ་མཁན་ལ་གསལ་བརྡ། རང་གི་དངོས་མིང་གི་ལམ་ནས། ངེད་དྲ་ཚིགས་ཀྱི་འཕྲིན་ལས་ཡུན་རིང་དུ་རྒྱས་ཕྱིར་ཁྲིམས་འགལ་གཤེ་བསྐུར་དང་། བསྟན་པར་འཚེ་བའི་ལུགས་དགག་བྱ་རུ་དགོངས་ཏེ་དཔྱད་གཏམ་སྤེལ་ན་ཤིན་ཏུ་ལེགས་པས། ཚང་མས་ཕན་ཚུན་ལ་གུས་བཀུར་དང་བརྩི་འཇོག་གི་ལམ་བུར་ཞུགས་ཏེ་བསྟན་པ་སྤྱི་ལ་ཕན་པའི་མཆན་འདེབས་རོགས་གནང་བར་ཞུ་ཞུ། །

སྤེལ་མཁན།