ཁྱུང་ཡུལ་དགེ་བཤེས་བགྲོ་གླེང་ཆེན་མོ་སྐབས་གཉིས་པའི་ཚོགས་ཐེངས་དང་པོའི་རྩོམ་བརྡ།

     དེ་ཡང་མཐོ་སྒང་གངས་ཀྱི་ར་བས་ཡོངས་སུ་བསྐོར་བའི་ཞང་བོད་ཀྱི་ལྗོངས་ཆེན་མོ་འདིར་རྣམ་འདྲེན་དམུ་རྒྱལ་སྲས་ཀྱི་རིག་པའི་གནས་དང་བསྟན་པའི་བོན་གྱིས་བསྡུས་པའི་གཞུང་ཆེན་དཀར་འབྱམས་ཡུག་གཅིག་གིས་ཁྱབ་པར་བདལ་ཅིང་། དེ་མཚུངས་རྒྱུད་འཛིན་མཁས་དང་གྲུབ་པའི་སྐྱེས་བུ་གསེར་རིའི་ཕྲེང་བ་ལྟར་རིམ་ཆགས་སུ་ཕེབས་ཤིང་དེ་དག་གིས་ཀྱང་འཛམ་གླིང་ཐ་གྲུ་ཀུན་ཏུ་ལུང་དང་རྟོགས་པའི་བསྟན་པ་ཉི་ཟླ་ཟུང་གཅིག་གིས་འཚོ་ཞིང་སྐྱོང་བའི་འོག  །དེང་གི་ཆར་ཡང་བསྟན་པའི་སྤྱི་རྗེ་མཁན་སློབ་གཤེན་གསུམ་གྱི་ཐུགས་བརྩེའི་གྲིབ་བསིལ་སྣུམ་པོའི་འོག་འཛམ་གླིང་ཐ་གྲུ་ཀུན་ཏུ་རླབས་ཆེན་འཁོར་ལོ་བཞི་ཡིས་འགྲོ་ཁམས་བདེ་བའི་གནས་སུ་དབུགས་དབྱུང་བཞིན་པ་ལྟར།  ད་ལན་གྲུབ་མཐའ་དང་ས་གནས་རིས་མེད་ཀྱི་བཀའ་རབ་འབྱམས་དགེ་བའི་བཤེས་གཉེན་ཆེན་མོ་རྣམ་པས་སྲོལ་རྒྱུན་རིག་པའི་གཞུང་ལུགས་ཁག་ལ་དེང་རབས་ཞིབ་འཇུག་རིག་པས་ཟུར་བརྒྱན་ཏེ། ༼ཁྱུང་ཡུལ་དགེ་བཤེས་བགྲོ་གླེང་ཆེན་མོ་སྐབས་དང་པོའི་ཚོགས་ཐེངས་གསུམ།༽སྤུ་རྒྱལ་རིག་སློབ་ཁང་གིས་གཙོ་གཉེར་འོག་ཐུགས་གྲ་ལེགས་འགྲིག་གི་སྒོ་ནས་གདན་ས་ཞུ་ཚང་དགོན་དུ་འཚོགས་ཟིན་ཅིང་ཆེད་རྩོམ་རྣམས་ཀྱང་དཔྱད་དེབ་ལེགས་གྲུབ་བྱུང་ཡོད།  སླད་མའི་ཆར་རིགས་པ་སྨྲ་ཞིང་སྡེ་སྣོད་འཛིན་པ་དག་གི་འཆད་རྩོད་རྩོམ་གསུམ་གྱི་འོད་སྣང་ཕྱོགས་མེད་དུ་མཆེད་པ་ལ་གཞོགས་འདེགས་ཀྱི་མཛད་བཟང་གལ་ཆེན་འདི་ཉིད་མི་ཉམས་རྒྱུན་འཛིན་གྱི་ཆེད་དུ་སྐབས་གཉིས་པའི་ལས་འཛིན་བསྐོ་བཞག་བྱས་ཟིན་པའི་ཉེར་ལེན་ལ་བརྟེན། ༼ཁྱུང་ཡུལ་དགེ་བཤེས་བགྲོ་གླེང་ཆེན་མོ་སྐབས་གཉིས་པའི་ཚོགས་ཐེངས་དང་པོའི་༽ཉེར་བསྡོགས་སུ་རྩོམ་བརྡ་འདི་ཉིད་ཕུལ་བ་སྟེ།  དེ་ཡང་བགྲོ་གླེང་འདི་ཡི་ཆེད་རྩོམ་ལ་ཚང་དགོས་པའི་ཆ་རྐྱེན་དང་འབྲེལ་ཡོད་ཀྱི་ཤེས་བྱ་ལ།