ཞུ་ཚང་དང་འབྲེལ་བའི་ཆེད་རྩོམ་བསྡུ་ཡིག

༄༅། །ཞུ་ཚང་དང་འབྲེལ་བའི་ཆེད་རྩོམ་བསྡུ་ཡིག

　　རིགས་གཅིག་སྨྱུག་ཐོགས་པ་ཡོངས་ཀྱི་སྙན་ལམ་དུ་ཞུ་གསོལ། བསྟན་པ་ཕྱི་དར་དབུ་བརྙེས་པ་ནས་བཟུང་རྒྱལ་གཤེན་རིང་ལུགས་ཀྱི་བརྒྱུད་འཛིན་བྲུ་ཞུ་སྤ་རྨེའུ་བཞི་ཡི་བསྟན་པ་ཕྱོགས་སོ་སོ་ནས་དབུ་ཚུགས་ཤིང་ད་ལྟའི་བར་མི་ལོ་ཆིག་སྟོང་ལྷག་གི་ལོ་རྒྱུས་ཡོད་པ་མཁྱེན་གསལ་ལྟར་ཡིན་ལ། ཡང་དར་བསྟན་པའི་གནས་བབ་ཀྱང་ད་ལྟ་རང་ཅག་རྣམས་ཀྱི་ཕྲག་སྟེང་ན་ཡོད་པའི་ལས་འགན་ཞིག་ཡིན་ཕྱིར། ཕྱོགས་སོ་སོ་ནས་བརྒྱུད་འཛིན་དར་སྤེལ་གནང་སྟེ་གཤེན་རབ་བསྟན་པ་རིན་པོ་ཆེ་བསྐལ་པའི་མཐའ་ལ་མི་ཉམས་ཤིང་གོང་དུ་འཕེལ་བར་བྱེད་པའི་ཐབས་ལ་ཐུགས་འདུན་གལ་ཆེན་དུ་དམིགས་ཏེ། ད་ལན་ཞུ་སྟོན་རིན་པོ་ཆེ་ཡོན་ཏན་རྒྱ་མཚོ་མཆོག་གི་ཐུགས་དགོངས་ལྟར་དབང་ལྡན་ཞུ་ཚང་གི་རིག་གཞུང་དང་འབྲེལ་བའི་དཔྱད་རྩོམ་བསྡུ་རྒྱུ་ཡིན་པས་དེ་ལུགས་སུ་སྨྱུག་འཛིན་རྣམས་ཀྱིས་ལྗགས་རྩོམ་ཕ་འབབ་གནང་རོགས་ཞུ་རྒྱུ་ཡིན།

　　ཐུགས་མཉམ་གཞག་བྱའི་དོན་ཚན་བདུན།

　　༡ འདིར་ཞུ་ཚང་དང་འབྲེལ་བའི་དཔྱད་རྩོམ། ལོ་རྒྱུས། གདན་རབས། རྣམ་ཐར། ཆོ་གའི་ཕྱག་ལེན། འབུད་བརྡུང་དཀྲོལ་ལུགས་སོགས་གནང་ཆོག

　　༢ སྤྱི་ཚོགས་འགལ་འདུ་ལ་མི་འགལ་བ་དང་རྒྱལ་ཁབ་ཀྱི་ཁྲིམས་ལུགས་དང་མཐུན་པ་དགོས།

　　༣ སྐྱ་སེར་ཕོ་མོ་རྒན་གཞོན་ཁྱད་མེད་ངང་ཞུགས་ཆོག་ལ་རང་རྩོམ་མ་ཡིག་རང་གིས་ཉར་དགོས་པ་ལས་ཕྱིར་སྤྲོད་མི་བྱེད།

　　༤ འདི་ག་ནས་རྩོམ་འབྱོར་ཟིན་པ་དག་གདམ་གསེས་བྱེད་རྒྱུ་ཡིན་ལ་བདམས་ཐོན་བྱུང་ཚེ་དུས་ལྟར་བརྡ་ལན་འབུལ་ངེས་ཡིན།

　　༥ བདམས་ཟིན་པའི་དཔྱད་རྩོམ་ལ་རྩོམ་ཡོན་འབུལ་རྒྱུ་ཡིན་པ་དང་དཔྱད་གླེང་གདན་ཞུ་པའི་གོ་སྐབས་ཡོད།

　　༦ དཔྱད་རྩོམ་ཡིག་གྲངས་ཚེག་ཁྱིམ༣༠༠༠ནས༡༠༠༠༠བར་ལོངས་དགོས།

　　༧ ༢༠༢༣ལོའི་སྤྱི་ཟླ༡༡པའི་ཚེས༢༤ཉིན་ཚུན་ཆད་ནས་བསྡུ་མཚམས་འཇོག་རྒྱུ།

　　འབྲེལ་བ་གནང་ཡུལ། 13322563111     18308063307 (སྐད་འཕྲིན)

　　ཞུ་ཚང་རིག་གཞུང་དར་སྤེལ་རྐང་འཛིན་ལྷན་ཚོགས་ནས་སྤེལ། 2023/9/15ཉིན།