བོད་ལྕགས་བྱི་ལོ༼༢༠༢༠༽རྫོགས་གྲབས་ཡོད་པའི་མཚམས་འདིར་ང་ཚོ་ཕྱི་མིག་ཅིག་ཕོངས་ན་ལོར་འདིར།     ལྡོང་མདོ་ཚང་གི་དགེ་སློབ་ཚོས་དམིགས་གསལ་གྱིས་བྱ་བ་གཅིག་གྲུབ་པ་ནི།   བོད་ལྗོངས་ནང་བསྟན་སློབ་གླིང་དུ་ཆོས་ལུགས་གྲུབ་མཐའ་ཆེན་པོ་ལྔ་ཡི་སོ་སོའི་ལུགས་ཀྱི་རྟེན་མཛོད་དང་འབྲེལ་བའི་འགྲེམ་སྟོན་་ཁང་རེ་ཡོད་པའི་ནང་ནས་བོན་གྱི་རྟེན་མཛོད་ཁང་དུ།  གཡུང་དྲུང་བོན་ལུགས་ཀྱི་ལྡེབས་རིས་ནི་དབྲ་ཁྱུང་སྐལ་བཟང་ནོར་བུ་སོགས་ནང་བསྟན་སློབ་གླིང་དུ་བོན་གྱི་དགེ་རྒན་ཚོས་ང་ཚོ་ལ་བཀའ་མངགས་གནང་བ་ལྟར་བྲིས་པ་ཞིག་ཡིན།   དེའང་ལྡེབས་རིས་ནི་རྣམ་མཁྱེན་རྒྱལ་བ་གཤེན་རབ་མི་བོའི་མཛད་ཆེན་བཅུ་གཉིས་དང་།    འཛམ་གླིང་མཁས་པའི་རྒྱན་དྲུག་སོགས་གཡུང་དྲུང་བོན་གྱི་སྐྱེས་ཆེན་མཁས་གྲུབ་དམ་པ་འགའ་ཤས།   དེ་བཞིན་ཞང་ཞུང་སྒོ་ཕུག་བར་གསུམ་དང་།   བོན་གྱི་གྲྭ་ས་རྩ་ཆེན་ཁག་གི་དགོན་པའི་འདྲ་རིས་སོགས་དགེ་རྒན་ལྡོང་མདོ་ཚང་དབུ་མཛད་ཆེན་མོ་ཕུན་ཚོགས་འབྱོར་རྒྱས་གཙོས་པའི་དགེ་སློབ་ཚོས་ཟླ་བ་གསུམ་ཙམ་གྱི་རིང་དུ་འབད་འབུང་བྱས་ནས་གྲུབ་པའི་པར་རིས་ཁག་གཅིག་གཤམ་དུ་སྤྱན་ལམ་དུ་འབུལ་བ་ཡིན།།

བསྡོམས་པས་དཔྱད་མཆན་ཡོད།དཔྱད་མཆན།

དཔྱད་གཏམ་སྤེལ་མཁན་ལ་གསལ་བརྡ། རང་གི་དངོས་མིང་གི་ལམ་ནས། ངེད་དྲ་ཚིགས་ཀྱི་འཕྲིན་ལས་ཡུན་རིང་དུ་རྒྱས་ཕྱིར་ཁྲིམས་འགལ་གཤེ་བསྐུར་དང་། བསྟན་པར་འཚེ་བའི་ལུགས་དགག་བྱ་རུ་དགོངས་ཏེ་དཔྱད་གཏམ་སྤེལ་ན་ཤིན་ཏུ་ལེགས་པས། ཚང་མས་ཕན་ཚུན་ལ་གུས་བཀུར་དང་བརྩི་འཇོག་གི་ལམ་བུར་ཞུགས་ཏེ་བསྟན་པ་སྤྱི་ལ་ཕན་པའི་མཆན་འདེབས་རོགས་གནང་བར་ཞུ་ཞུ། །

སྤེལ་མཁན།