ཞང་བོད་རིག་གཞུང་ཞིབ་འཇུག་ཚོགས་པའི་སྐབས་དང་པོའི་དཔྱད་གླེང་ཚོགས་འདུ་ཐེངས་གཉིས་པ་ཁྲི་འདུ་ཞིང་ཆེན་དུ་རྒྱས་ཚོགས་བྱས་ཤིང་ཚོགས་པ་འདི་ནི་བོན་གྱི་དགེ་བའི་བཤེས་གཉེན་རྣམས་ལ་ཆེད་དམིགས་བྱས་པའི་བཅུ་རིག་ཤེས་བྱའི་གནད་ལ་གསེད་བཀྲོལ་གནང་སའི་རིག་གནས་ཀྱི་གླེང་སྟེགས་ཆེན་པོ་ཞིག་ཡིན་ལ།  གཙོ་བོ་རིག་གནས་སྣ་མང་གི་དེ་ཉིད་ཇི་ལྟར་འཚོལ་བའི་སྐོར་གྱི་བགྲོ་གླེང་དང་རིག་པ་འཚོལ་ས་ཞིག་ཡིན་ཕྱིར།  ཚོགས་པ་འདིའི་གླེང་སྟེགས་ཀྱི་སྟེང་ལ་རིག་གནས་ཀྱི་ཚད་བཀག་མེད་པར་ཐུན་མིན་དང་ཐུན་མོང་སོགས་བཅུ་རིག་ཤེས་བྱའི་ཟུར་ཀུན་ནས་གླེང་ཆོག་ལ་དཔྱད་འོས་པའི་ཀུ་ཡངས་ཤིང་ཤོང་ཆེ་བ་ཞིག་ཡིན་པས་གཡུང་དྲུང་བོན་གྱི་དགེ་བའི་བཤེས་གཉེན་གྱི་མཚན་བཏགས་བཞེས་པའི་བཀའ་རབ་འབྱམས་པ་སུ་ཞིག་ཡིན་རུང་གླེང་སྟེགས་འདིའི་སྟེང་གི་གསུང་བཤད་སློབ་དཔོན་གྱི་ཐོབ་ཐང་ཡོད་པ་ཡིན།    དེ་བཞིན་དུ་ད་ལོ་ཡང་མདོ་དབུས་ཁམས་གསུམ་ཀུན་ནས་དགེ་བཤེས་བཞི་བཅུ་ལྷག་མཉམ་འཛོམས་བྱས་ཏེ་དཔྱད་གླེང་ཚོགས་འདུ་ཐེངས་གཉིས་པ་ཟབ་རྒྱས་ངང་ཉིན་གསུམ་ལ་བསྟུད་མར་འཚོགས་ཐུབ་པ་བྱུང་ཞིང་ཚོགས་འདུར་ཞུགས་པའི་དགེ་བའི་བཤེས་གཉེན་རྣམས་ནི་དགེ་བཤེས་ཀྱི་མཚན་གནས་བཞེས་པ་ཁོ་ན་མ་ཡིན་པར་མཁན་པོ་དང་དཔོན་སློབ་སློབ་གཙོ་དང་དགེ་རྒན་སོགས་ཀྱི་གདན་ཐོབ་བཞེས་ཤིང་མདོ་དབུས་ཁམས་གསུམ་ཀུན་ནས་སངས་རྒྱས་གཡུང་དྲུང་བོན་གྱི་བསྟན་པ་འཛིན་སྐྱོང་སྤེལ་གསུམ་གྱི་མཛད་པ་བསྐྱངས་དང་སྐྱོང་བཞིན་ཡོད་པའི་གཞན་དྲིང་མི་འཇོག་པའི་མཁས་དབང་ཤ་སྟག་ཡིན་ཞེས་གཏམ་གྱི་སྙན་པ་བསྒྲོན་ན་ཐལ་མི་ཆེ་ལ།  ལྷག་པར་དུ་སྐུ་ཚེ་དཔེ་ཀློག་ལ་ཐིམ་ཞིང་དམིགས་པ་ཐོས་བསམ་ལ་བཅོལ་བའི་ཐེངས་འདིའི་ཚོགས་ཞུགས་མི་སྣ་སྟེ་དགེ་བའི་བཤེས་གཉེན་རྣམས་ནི་མཁྱེན་རྟོགས་ཀྱི་རྒྱ་ཡངས་ཤིང་རྣམ་དཔྱོད་ཀྱི་རྩལ་རྫོགས་པས་ངེས་དོན་གྱི་མཁས་དབང་དཔུང་གཅིག་མཉམ་འཛོམས་བྱས་པ་ཡིན་ཞེས་མགྲིན་པ་གཟེངས་སུ་བསྟད་དེ་སྨྲ་ཡང་སྤོབས་ལ་སྨྲོས་ཡང་དགོས་སོ།།    དེ་ལས་ཀྱང་གསུང་བཤད་སློབ་དཔོན་རེ་རེས་གཞུང་ལུགས་འདྲ་མིན་གྱི་གནད་ལ་ཐུགས་བསམ་བཞེས་པའི་དགོངས་དོན་ཀུན་ལ་བཀའ་ལུང་རིགས་གསུམ་གྱི་ཁུངས་རབ་ཏུ་བཙན་ལ་དཔྱད་པ་ཐིངས་པའི་མཐར་ཐུག་གི་དཔྱད་འབྲས་སོ་སོར་ཚུགས་ཐུབ་ཀྱི་ལྟ་བའི་སྒྲོམ་བརྟན་པ་ནི་ཤིན་ཏུ་ནས་ཀྱང་རྗེད་པར་རིགས་ལ་ངོ་མཚར་ཆེའོ།།  དེ་བཞིན་དུ་ཡིད་གཉིས་ཐེ་ཚོམས་ཀྱིས་དོགས་སློང་བྱས་པའི་ཡིན་སྒྲུབ་མིན་དགག་གི་དྲི་བའི་རིགས་ལ་ཚད་གསུམ་ཟུང་འབྲེལ་གྱི་གནད་མ་བོར་བ་ཚིག་ཉུང་དོན་འདུས་ཀྱིས་ལན་བསྐྱོན་པའི་རྣམ་དཔྱོད་དག་ནི་སྐུ་ཚེ་དཔེ་ཀློག་ལ་བྱིངས་པའི་དན་རྟགས་ཀྱི་བརྡ་ཞིག་ཡིན་པས་ན་བསྟན་པའི་སོན་རྩ་རུ་གྱུར་བ་ཞེས་འུར་བསྟོད་ཀྱི་ཚིག་མ་ཡིན་པར་ངེས་དོན་གྱི་མཚན་སྨྲོས་པ་ཡིན་ནོ།། གཤམ་གྱི་དགེ་བའི་བཤེས་གཉེན་རྣམས་ཀྱི་གོ་རིམ་ནི་གསུང་བཤད་སློབ་དཔོན་གྱི་གསང་ཨང་ལྟར་བསྒྲིགས་པ་ཡིན།

ཉིན་དང་པོའི་གསུང་བཤད་སློབ་དཔོན་རྣམས་གཤམ་གསལ།

ཉིན་གཉིས་པའི་གསུང་བཤད་སློབ་དཔོན་རྣམས་གཤམ་གསལ།

 ཉིན་གསུམ་པའི་གསུང་བཤད་སློབ་དཔོན་རྣམས་གཤམ་གསལ།

བསྡོམས་པས་དཔྱད་མཆན་ཡོད།དཔྱད་མཆན།

དཔྱད་གཏམ་སྤེལ་མཁན་ལ་གསལ་བརྡ། རང་གི་དངོས་མིང་གི་ལམ་ནས། ངེད་དྲ་ཚིགས་ཀྱི་འཕྲིན་ལས་ཡུན་རིང་དུ་རྒྱས་ཕྱིར་ཁྲིམས་འགལ་གཤེ་བསྐུར་དང་། བསྟན་པར་འཚེ་བའི་ལུགས་དགག་བྱ་རུ་དགོངས་ཏེ་དཔྱད་གཏམ་སྤེལ་ན་ཤིན་ཏུ་ལེགས་པས། ཚང་མས་ཕན་ཚུན་ལ་གུས་བཀུར་དང་བརྩི་འཇོག་གི་ལམ་བུར་ཞུགས་ཏེ་བསྟན་པ་སྤྱི་ལ་ཕན་པའི་མཆན་འདེབས་རོགས་གནང་བར་ཞུ་ཞུ། །

སྤེལ་མཁན།