ཞང་བོད་རིག་གཞུང་ཞིབ་འཇུག་ཚོགས་པའི་དཔྱད་གླེང་ཚོགས་འདུའི་བརྡ་སྦྱོར།

[ཟླ་ཚེས། 2020-07-11 19:16:58][རྩོམ་པ་པོ། དྲུང་ཡིག་ཚན་ཆུང་།][རྩོམ་ཁུངས། ཧི་མ་ལ་ཡའི་བོན།][ཀློག་གྲངས། ]

༧ སངས་རྒྱས་གཡུང་དྲུང་བོན་གྱི་དགེ་བའི་བཤེས་གཉེན་རྣམས་ལ་ཆེད་དུ་ཞུ་གསོལ།
ཞང་བོད་རིག་གཞུང་ཞིབ་འཇུག་ཚོགས་པའི་སྐབས་དང་པོའི་དཔྱད་གླེང་ཚོགས་འདུ་ཐེངས་གཉིས་པ་ཁྲི་འདུ་ཞིང་ཆེན་དུ་འཚོག་རྒྱུ་ཡིན།
   སྤྱི་ཟླ 8 ཚེས 6 ལ་མིང་ཐོ་འགོད་རྒྱུ་དང་ཚེས 7-8-9 གསུམ་ལ་དཔྱད་གླེང་ཚོགས་འདུ་དངོས་སུ་འཚོག་རྒྱུ་ཡིན་པས་དགེ་བའི་བཤེས་གཉེན་རྣམས་དུས་ལྟར་ཕེབས་པའི་རེ་ཞུ་ཕུལ་བ་དང་ཁྲི་འདུ་རུ་བྱོན་ཚར་རྗེས་ངེད་ཚོགས་པའི་ལས་འཛིན་མི་སྣར་འབྲེལ་བ་བྱས་ཚེ་ས་གནས་གང་ལ་ཕེབས་དགོས་པ་སྙན་སྒྲོན་ཞུ་རྒྱུ་དང་ཕེབས་བསུ་བྱེད་རྒྱུ་ཡིན། འབྲེལ་གཏུག་བྱ་ཡུལ་རྣམས་བརྡ་སྦྱོར་ཡི་གེ་འདིའི་གཤམ་དུ་བྲིས་ཡོད་པས་དེ་རུ་གཟིགས་པར་ཞུ།

   འཕྲོས་བཤད་དུ་གསུང་བཤད་སློབ་དཔོན་རྣམས་མདོ་དབུས་ཁམས་གསུམ་དང་རྒྱལ་ཕྱི་ནང་གང་དུ་བཞུགས་ཀྱང་ཞང་བོད་རིག་གཞུང་ཞིབ་འཇུག་ཚོགས་པའི་དཔྱད་གླེང་ཚོགས་འདུ་རུ་ཆེད་ཕེབས་གནང་ཚེ་ཕེབས་ལམ་གྱི་གསོལ་ཟས་དང་མགྲོན་ཁང་། གནམ་གྲུ་དང་མེ་འཁོར། གཞུང་འཁོར་དང་སྒེར་འཁོར་སོགས་ལམ་སྐབས་ཀྱི་འགྲོ་གྲོན་ཆ་ཚང་ཚོགས་པ་གཞུང་ནས་དང་ལེན་བྱ་རྩི་ཡིན་པས།  འགྲོ་གྲོན་གྱི་འཛིན་ཡིག་རྣམས་གཅིག་ཀྱང་མ་ཆད་པར་ཚོགས་པའི་སྤྱི་གཉེར་བའི་ཕྱག་ཏུ་འཕྲོད་ཐབས་བྱེད་དགོས།  དེ་ལྟར་འཛིན་ཡིག་རྣམས་སྤྱི་གཉེར་བའི་ཕྱག་ཏུ་འཕྲོད་རྗེས་ཕེབས་ལམ་གྱི་འགྲོ་གྲོན་ཆ་ཚང་ཚོགས་པ་གཞུང་ནས་གཏོང་རྒྱུ་ཡིན།

   སྤྱིར་ངེད་དྲུང་ཡིག་ཚན་ཆུང་གིས་ཟླ་བ་སྔོན་མའི་སྔོན་མ་རུ་བརྡ་སྦྱོར་ཐེངས་གཅིག་དྲྭ་ལམ་བརྒྱུད་ནས་བཏང་ཟིན་པ་ཡིན་མོད།  གལ་བོ་ཆེ་ལ་ནན་ཏན་ཟེར་བ་བཞིན་དགེ་བའི་བཤེས་གཉེན་རྣམ་པའི་དཔྱད་རྩོམ་རྣམས་མི་འགྱང་བར་ངེད་དྲུང་ཡིག་པའི་ལག་ཏུ་འབྱོར་ཐུབ་པའི་རེ་ཞུ་དང་རྩོམ་བསྡུའི་དུས་ཚོད་ཀྱང་མཇུག་རྫོགས་ལ་ཉེ་བའི་སྔོན་བརྡ་ཞིག་ཀྱང་སྤེལ་བ་ཡིན།

 འབྲེལ་གཏུག་བྱ་ཡུལ། 

182 83744456 134 0837  8655

 

བསྡོམས་པས་དཔྱད་མཆན་ཡོད།དཔྱད་མཆན།

དཔྱད་གཏམ་སྤེལ་མཁན་ལ་གསལ་བརྡ། རང་གི་དངོས་མིང་གི་ལམ་ནས། ངེད་དྲ་ཚིགས་ཀྱི་འཕྲིན་ལས་ཡུན་རིང་དུ་རྒྱས་ཕྱིར་ཁྲིམས་འགལ་གཤེ་བསྐུར་དང་། བསྟན་པར་འཚེ་བའི་ལུགས་དགག་བྱ་རུ་དགོངས་ཏེ་དཔྱད་གཏམ་སྤེལ་ན་ཤིན་ཏུ་ལེགས་པས། ཚང་མས་ཕན་ཚུན་ལ་གུས་བཀུར་དང་བརྩི་འཇོག་གི་ལམ་བུར་ཞུགས་ཏེ་བསྟན་པ་སྤྱི་ལ་ཕན་པའི་མཆན་འདེབས་རོགས་གནང་བར་ཞུ་ཞུ། །
སྤེལ་མཁན།