དེ་རིང་སྟེ་ཉི་ཟླ་གཟའ་སྐར་ཕུན་སུམ་ཚོགས་པའི་ཉི་མ་བཟང་བོ་འདི་ལ་གཡུང་དྲུང་བོན་བཤད་སྒྲུབ་སློབ་གླིང་གི་སློབ་གཙོ་བརྗེ་སྤོར་གྱི་དུས་ཆེན་ཡིན་ལ། དགེ་བའི་བཤེས་གཉེན་ཆེན་མོ་རྫ་དགེ་བཤེས་ཚེ་དབང་བསྟན་འཛིན་མཆོག་གིས་མི་ལོ་བཅུ་ཕྲག་ལྷག་གི་རིང་དུ་བཤད་སྒྲུབ་སློབ་གླིང་གི་དགེ་རྒན་ཆེན་མོ་དང་། སློབ་གཙོ་གཞོན་པ། སློབ་གཙོ་སོགས་ཀྱི་ཐུགས་འགན་རིམ་པར་བཞེས་ཏེ། དེ་རིང་རྒྱལ་ཁ་དང་གཟི་བརྗིད་ངང་མཇུག་ལེགས་པར་གྲུབ་པའི་བཀྲ་ཤིས་རྟེན་འབྲེལ་གྱི་མཛད་སྒོ་སྤེལ་བ་དང་།  དེ་བཞིན་དགེ་བའི་བཤེས་གཉེན་ཆེན་མོ་དགེ་བཤེས་ཤེས་བྱ་ཀུན་གྲགས་མཆོག་གིས་ཀྱང་དགེ་རྒན་ཆེན་མོ་དང་། སློབ་གཙོ་གཞོན་པ་སོགས་ཀྱི་ཕྱག་ལས་མཛད་པར་མ་ཟད། དེ་རིང་གཡུང་དྲུང་བོན་བཤད་སྒྲུབ་སློབ་གླིང་གི་སློབ་གཙོའི་ཐུགས་འགན་གསར་དུ་བཞེས་པ་ལ་བཀྲ་ཤིས་རྟེན་འབྲེལ་ཞུས་པ་ལགས། ལྷག་པར་མ་འོངས་འབྱུང་འགྱུར་གྱི་ཆ་ལ་དགེ་བའི་བཤེས་གཉེན་ཟུང་གི་སྐུ་ཚེ་བསྐལ་བརྒྱར་བརྟན་ཅིང་མཛད་འཕྲིན་ཐ་དག་ཐུགས་སྨོན་བཞིན་འགྲུབ་པའི་སྨོན་འདུན་དང་། ཁོང་རྣམ་པ་གཉིས་གཙོས་པའི་ཟུར་ཁྲིད་དགེ་རྣམས་དང་བཤད་སྒྲུབ་སློབ་གླིང་གི་དགེ་སློབ་ཡོངས་ལ་མཛད་འཕྲིན་སྔར་ལས་རྒྱས་པའི་བཀྲ་ཤིས་སྨོན་འདུན་ཞུས་པ་ལགས་སོ།།

བསྡོམས་པས་དཔྱད་མཆན་ཡོད།དཔྱད་མཆན།

དཔྱད་གཏམ་སྤེལ་མཁན་ལ་གསལ་བརྡ། རང་གི་དངོས་མིང་གི་ལམ་ནས། ངེད་དྲ་ཚིགས་ཀྱི་འཕྲིན་ལས་ཡུན་རིང་དུ་རྒྱས་ཕྱིར་ཁྲིམས་འགལ་གཤེ་བསྐུར་དང་། བསྟན་པར་འཚེ་བའི་ལུགས་དགག་བྱ་རུ་དགོངས་ཏེ་དཔྱད་གཏམ་སྤེལ་ན་ཤིན་ཏུ་ལེགས་པས། ཚང་མས་ཕན་ཚུན་ལ་གུས་བཀུར་དང་བརྩི་འཇོག་གི་ལམ་བུར་ཞུགས་ཏེ་བསྟན་པ་སྤྱི་ལ་ཕན་པའི་མཆན་འདེབས་རོགས་གནང་བར་ཞུ་ཞུ། །

སྤེལ་མཁན།