ཁྱུང་ཡུལ་མཁར་སྤུངས་དགོན་ནས་གྲུབ་ཆེན་རིན་པོ་ཆེ་ལ་གདུང་མཆོད་ཕུལ་བ།

གནས་ཆེན་སྤུ་རྒྱལ་གཡུང་དྲུང་ལྷ་རྩེའི་མདུན་ཞོལ་དུ་གནས་པའི་མཁར་སྤུངས་དགོན་གྱི་དགུན་ཁའི་རིམ་གྲོ་འདི་ལོ་ཡམས་ནད་ཀྱིས་ཕྱི་བསྣོར་བྱེད་དགོས་བྱུང་སོང་བའི་ཞི་ཁྲོ་རྒྱས་པ་དང་དང་ཁྲོ་བོ་དམར་ཆེན་ཟློག་པ་ཕུར་པའི་སྲུང་བ་དང་ཟློག་པ་དྲེའུ་དམར་ནག་ཚོགས་བཞི་བརྒྱ་དང་སྤུ་རྒྱལ་ཚོགས་བརྒྱ་དང་གསོལ་ཁ་རྒྱས་འབུལ་བཅས་དགུན་ཁའི་དུས་མཆོད་དཔྱིད་དུས་སུ་འཚོགས་དགོས་བྱུང་ནས་ཡོངས་སུ་ལེགས་པར་གྲུབ་པས་དགེ་རྩའི་འདི་ལོ་གྲུབ་ཆེན་ནམ་མཁའ་རྒྱལ་མཚན་གྱིས་དགོངས་པ་བོན་དབྱིངས་སུ་བསྡུས་པའི་དགོངས་རྟོགས་བོན་ཉིད་གཡོ་བ་མེད་པའི་ཀློང་དུ་བལྟིམས་པའི་ཆེད་དང་ཡང་དགོས་རིམས་ནད་ཀྱིས་གདུང་བའི་གཤིན་གསོན་ཡོངས་ལ་ཕན་པ་རེ་ཡོངས་བའི་སྨོན་ལམ་དང་མ་ཚད་དད་དམ་གྱིས་འབྲེལ་བའི་ཡུལ་སྟོད་སྨད་ཀུན་ལ་ཆར་ཆུ་དུས་འབེབ་ལོ་ཕྱུགས་རྟག་ལེགས། ཕན་བདེའི་འབྱུང་བའི་གནས་དམ་པ་སངས་རྒྱས་གཡུང་དྲུང་བོན་གྱི་བསྟན་པ་རིན་པོ་ཆེ་དར་ཞིང་རྒྱས་པའི་རྒྱུ་རུ་འགྱུར་བར་སྨོན་པ་དང་བཅས་མུ་ཙུག་སྨར་རོ། །

༢༠༢༠། བོད་ཟླ་༢། ཚེས་༢༢ཉིན།