རི་དམར་དགོན་ནས་སྐྱབས་རྗེ་ཡོངས་འཛིན་རིན་པོ་ཆེ་མཆོག་ལ་བརྟན་བཞུགས་ཕུལ་བའི་གནས་ཚུལ།
[ཟླ་ཚེས། 2020-01-28 12:45:02][རྩོམ་པ་པོ། ཟུར་མང་།][རྩོམ་ཁུངས། ཧི་མ་ལ་ཡའི་བོན།][ཀློག་གྲངས། ]
![](/d/file/2020-01-28/3e8e364ebbdfd72f706b477a8930741e.jpg)
![](/d/file/2020-01-28/327ef0c0521f3aa50c86bc3ef19e4fbe.jpg)
![](/d/file/2020-01-28/9fdfe7b01322af08d9b602a86d62fc6d.jpg)
ཞྭ་དཀར་བསྟན་པའི་མངའ་བདག་རྒྱལ་བ་སྨན་རི་ཚང་གི་མཁན་རབས་གསུམ་གྱི་ཡོངས་འཛིན་མཚན་བརྗོད་པར་དཀའ་བ༧སློབ་དཔོན་བསྟན་འཛིན་རྣམ་དག་གམ་ཡོངས་འཛིན་སྨྲ་བའི་སེང་གེ་མཆོག་གིས་སངས་རྒྱས་འཕགས་པའི་མཛད་པ་སྐྱོང་ནས་སྐུ་ཡི་དགུང་གྲངས་གོ་ལྔར་ཕེབས་པའི་དུས་སྟོན་གྱི་ཉིན་དེར། དཔལ་གཤེན་བསྟན་རི་དམར་སྐལ་བཟང་གླིང་གི་བསྟན་བདག་ཁྲི་འཛིན་བླ་མ༧ཚོགས་ལམ་བཟང་པོ་མཆོག་གིས་དབུ་ཁྲིད་འོག་བླ་གྲྭ་དང་བོན་གཤེན་བཞི་བཅུ་ལས་བརྒལ་བ་དག་གིས་ཡོངས་འཛིན་སྨྲ་བའི་སེང་གེས་དགུང་ལོ་གོ་ལྔའི་རིང་བསྟན་དང་འགྲོ་བའི་དོན་དུ་སྐུ་ངལ་ཚད་མེད་གནང་བར་ཐུགས་རྗེ་ལེགས་གསོལ་དང་།
![](/d/file/2020-01-28/111218587128d47a0578140e2f1ff4f9.jpg)
![](/d/file/2020-01-28/347b26f73c51ade09cbc40b0920f6ee3.jpg)
སླད་མ་འོངས་བསྟན་འགྲོའི་མགོན་དུ་ཞབས་པད་བསྐལ་བརྒྱར་བཞུགས་པའི་གསོལ་འདེབས་བརྟན་བཞུགས་ཀྱི་ཚུལ་དུ་སྔ་དྲོའི་དུས་ཚོད་དེར་སྐུ་པར་མཐོང་གྲོལ་ཆེན་པོའི་མདུན་དུ་མཆོད་པ་རྣམ་ལྔ་བཤམས་ནས་མནྜལ་སྐུ་གསུང་ཐུགས་རྟེན་ཕུལ་བ་དང་། དེ་ནས་བླ་མ་མཆོག་དབུ་བཞུགས་ཀྱི་ཐོག་ནས་ཚེ་དབང་བྱ་རི་མའི་ཚོགས་འཁོར་རྒྱས་འབུལ་གནང་བ་དང་ལྷ་སྡེ་མང་ཚོགས་རྣམས་པས་ལྷ་དར་དྲི་མེད་དཀར་པོ་ཕུལ་ནས་མཇལ་ཁ་ཞུས་གནང་བ་རེད།
![](/d/file/2020-01-28/adc25f365ffd93f9373d536a7c0127ee.jpg)
![](/d/file/2020-01-28/62d0c85153d8999a5b6d7257cfe058e3.jpg)
དགེ་རྩ་འདི་དག་གིས་ཀྱང་སྐྱབས་རྗེ་བླ་མ་མཆོག་གིས་སྐུ་ཚེ་བསྐལ་བརྒྱ་ལས་བརྒལ་བ་བཞུགས་ཤིང་མཛད་འཕྲིན་མཐའ་དག་གེགས་མེད་དུ་འགྲུབ་པའི་རྒྱུ་རུ་གྱུར་ཅིག།
ཐ་ཚན་མུ་ཙུག་སྨར་རོ།།