ཞང་ཞུང་བར་པའི་འདུས་སྡེ་གཉན་རོང་ཨ་གྲགས་ཆབ་མདོ་དགོན་དཔལ་གཤེན་བསྟན་རྣམ་རྒྱལ་བདེ་ཆེན་གླིང་གི་བཤད་སྒྲུབ་འདུས་སྡེས་ལོ་དུས་འཆར་ཅན་ལྟར་ཚད་མའི་རིག་སྒྲ་བདུན་ཕྲག་གཉིས་རིང་ལ་འཚོགས་ཀྱིན་ཡོད་པས། འདི་ལོར་བོན་གྱི་སྤྱན་ལྡན་ཆེན་མོ་༧འགྲོ་མགོན་བློ་གྲོས་རྒྱལ་མཚན་གྱིས་མཛད་པའི་《ཚད་མ་ཀུན་ལས་བཏུས་པའི་རིག་པའི་གཏེར་མཛོད།》ལེའུ་གཉིས་པ་བདུན་ཕྲག་གཉིས་ཀྱི་རིང་ལ་ཟབ་སྦྱོང་དང་འཆད་རྩོད་གནང་ཡོད།    དུས་ཀྱི་འགྲོ་རིམ་ནི་སྔོན་གྱི་ལོ་ལྟར་འདི་གའི་བཤད་གྲྭ་བ་རྣམས་སྨྲ་སེང་གླིང་དང་ཀེང་ཙེ་གླིང་ཞེས་ཚོ་ཁག་གཉིས་སུ་ཕྱེས་ཏེ་ཉིན་རེར་གླིང་གྲལ་གཅིག་དམ་བཅའ་བཞུགས་ཤིང་གླིང་གྲལ་གཅིག་གིས་རྩོད་པ་མཛད་ནས་རེས་མོའི་ལྟར་ཉིན་རེར་དམ་བཅའ་ཆུང་བ་རེ་འཚོགས་པ་དང་། བདུན་ཕྲག་རྗེས་མའི་མཇུག་ཏུ་གླིང་གཉིས་ཐུག་རྒྱག་གི་དམ་བཅའ་ཆེ་བ་འཚོགས་པ་བཅས་སོ།།   ༢༠༡༩ཟླ༦ཚེས༢༧ཉིན་ཐུག་རྒྱག་གི་དམ་བཅའ་ཆེན་མོ་འཚོགས་ཤིང་ཁྲི་འཛིན་བླ་མ་ཚུལ་ཁྲིམས་ནོར་བུ་རིན་པོ་ཆེ་དང་སློབ་དཔོན་ཆེན་མོ་དགེ་བཤེས་གཡུང་དྲུང་ཕྲིན་ལས་རྣམ་གཉིས་དབུ་བཞུགས་མཛད་པ་དང་། སྣང་གསལ་དགེ་བཤེས་ནོར་བུ་བསྟན་འཛིན་དང་། སོག་སྡེའི་དགེ་བཤེས་གཤེན་བསྟན་ཕུན་ཚོགས་རྣམ་གཉིས་རྩོད་ཐུག་དམ་བཅའི་ཐོག་ལ་ཆེད་ཕེབས་གནང་ནས་བཤད་སྒྲུབ་འདུས་གྲྭ་ལ་སྐུ་འགྱེད་ཕུལ་ཞིང་རྩོད་ཐུག་དམ་བཅའི་ཐོག་དཔང་བཞུགས་གནང་བ་སོགས་གནས་བསྡུས་མདོར་ཙམ་མོ།།

བསྡོམས་པས་དཔྱད་མཆན་ཡོད།དཔྱད་མཆན།

དཔྱད་གཏམ་སྤེལ་མཁན་ལ་གསལ་བརྡ། རང་གི་དངོས་མིང་གི་ལམ་ནས། ངེད་དྲ་ཚིགས་ཀྱི་འཕྲིན་ལས་ཡུན་རིང་དུ་རྒྱས་ཕྱིར་ཁྲིམས་འགལ་གཤེ་བསྐུར་དང་། བསྟན་པར་འཚེ་བའི་ལུགས་དགག་བྱ་རུ་དགོངས་ཏེ་དཔྱད་གཏམ་སྤེལ་ན་ཤིན་ཏུ་ལེགས་པས། ཚང་མས་ཕན་ཚུན་ལ་གུས་བཀུར་དང་བརྩི་འཇོག་གི་ལམ་བུར་ཞུགས་ཏེ་བསྟན་པ་སྤྱི་ལ་ཕན་པའི་མཆན་འདེབས་རོགས་གནང་བར་ཞུ་ཞུ། །

སྤེལ་མཁན།