༢༠༡༩ལོའི་མདོ་སྨད་སྣང་ཞིག་དགོན་ཆེན་གྱི་དགེ་བཤེས་མཛད་སྒོ།

བགྲང་བྱ་བཅུ་ཕྲག་གཅིག་ལ་བརྩོན་འགྲུས་ཀྱི་བང་ཁ་མཉམ་དུ་གཤིབ་པའི་རྟོག་གེ་བ་ཁྱུ་གཅིག་ནི་ན་ནིང་སྟེ་སྤྱི་ལོ ༢༠༡༨ ལོར་མ་ཡུམ་སློབ་གླིང་ནས་མདོ་སྔགས་རྫོགས་གསུམ་གྱི་བོན་ལ་སྦྱངས་འབྲས་གཡུར་དུ་སྨིན་ཞིང་སློབ་མཐར་ལེགས་པར་ཕྱིན་པའི་སྐལ་བཟང་དུས་སྟོན་གྱི་ཉི་མ་ཤར་ནས་ཚེས།  

  སྤྱི་ལོ་༢༠༡༩ལོར་མདོ་སྨད་བོན་གྱི་གདན་ས་ཆེན་པོ་རྔ་ཡུལ་སྣང་ཞིག་དགོན་ཆེན་ནས་གསང་གསུམ་བོན་གྱི་གཞུང་ལ་འཆད་རྒྱུགས་དང་རྩོད་རྒྱུགས་དམ་བཅའ་བཅས་འཆད་རྩོད་རྩོམ་གསུམ་གྱི་འཁོར་ལོ་རིམ་གྱིས་བསྐོར་ཏེ་བཀའ་རབ་འབྱམས་པའི་མཚན་རྟགས་དངོས་སུ་བཞེས།

ད་ལོ་སྟེ་སྤྱི་ལོ་༢༠༡༩ལོའི་བོད་ཟླ་དགུ་བའི་ཚེས་༡༣་ཉིན་མ་ཡུམ་སློབ་གླིང་ནས་མདོ་སྔགས་རྫོགས་གསུམ་གྱི་གཞུང་ལ་སློབ་མཐར་ཕྱིན་དགོས་པ་དང་། སྤྱི་ལོ་༢༠༢༠ལོར་མདོ་སྨད་སྣང་ཞིག་དགོན་ཆེན་ནས་བཀའ་རབ་འབྱམས་པའི་མཚན་རྟགས་བཞེས་དགོས་པའི་དགེ་བཤེས་རྣམས།