ཡིད་སྐྱོ་བའི་གནས་ཚུལ།

དེ་རིང་སྟེ་ཕྱི་ལོ་༢༠༡༩/༢/༦ /ཉིན་གྱི་ཞོགས་པ་ཐོ་རེངས་སྟག་གི་དུས་ཕྱག་ཚོད། ༦/ སྐར་མ། ༡༠ ཡི་ཐོག་ནས་ལྷོ་ཁོག་བསྟན་པའི་གསལ་བྱེད་ཁྱུང་དཀར་དཔོན་རྒན་དགོན་གྱི ༧ ཁྲི་འཛིན་དམ་པ་ངེས་པ་དོན་གྱི་རྣལ་འབྱོར་བ་ཆེན་པོ ༧ རྩ་བའི་བླ་མ་ཏི་སེ་རྒྱལ་བ་དཔལ་བཟང་པོ་མཆོག  དགུང་ལོ་བདུན་ཅུ་དོན་བདུན་བཞེས་ཏེ་འགྲོ་དོན་རྒྱ་ལག་ཕྱེད་ནས། རང་དགོན་དཔོན་རྒན་གཡུང་དྲུང་དར་རྒྱས་གླིང་གི་བླ་བྲང་ཉི་ཟེར་འབར་བའི་ཕོ་བྲང་དུ་ཐུགས་དམ་གཡོ་བ་མེད་པའི་ངང་ནས་གཟུགས་སྐུའི་བཀོད་པ་བོན་དབྱིངས་སུ་བསྡུས་པའི་ཡིད་སྐྱོའི་གནས་ཚུལ་འདི་ཉིད།  རྒྱ་ཆེའི་དད་འབངས་ཡོངས་ལ་མ་ཞུས་ཐབས་མེད་བྱུང་ཡོད།  དེར་བརྟེན་དད་ལྡན་སློབ་འབངས་ཀུན་གྱིས་དགེ་སྒྲུབ་སྡིག་སྤོང་ལ་བརྩོན་རྒྱུ་གལ་ཆེན་ཡིན་པ་དང་།  སྐུ་གདུང་རིན་པོ་ཆེ་ཞལ་མཇལ་དུས་ཚིགས་གཏན་ཁེལ་བྱུང་མཚམས་གསལ་བརྡ་ཞུ་འཆར་ལགས་ན།  དེ་ལུགས་དགོངས་འཇགས་གནང་བར་འཚལ།

ཁྱུང་དཀར་དཔོན་རྒན་དགོན་གྱི་བདག་གཉེར་ཨུ་ཡོན་ལྷན་ཁང་དང་གོ་སྒྲིག་ཚན་ཆུང་ནས་སྤེལ།

                             ༢༠༡༩/༢/༦/ཉིན།