སྐབས་གསུམ་པའི་སྤུ་རྒྱལ་ཤེས་རིག་དཔྱད་གླེང་གི་རྩོམ་བསྡུའི་བརྡ་སྦྱོར།

[ཟླ་ཚེས། 2018-12-04 11:24:59][རྩོམ་པ་པོ། བཀོད་སྒྲིག་ཚན་ཆུང་།][རྩོམ་ཁུངས། ཧི་མ་ལ་ཡའི་བོན།][ཀློག་གྲངས། ]

1543893994118023.jpg 

༧ གནའ་དེང་རིག་པའི་གནས་ལ་སྤྱན་དཀྱུས་རབ་ཏུ་ཡངས་པའི་མཁྱེན་ལྡན་མཁས་དབང་རྣམ་པ་དང་།  གཞོན་སྐྱེས་རྩོམ་འབྲི་བ་རྣམ་པའི་སྙན་ལམ་དུ་མཆིད་གསོལ།

   ཞང་བོད་རང་ས་ནས་རྩ་བ་ཚུགས་ཤིང་རྩེ་མོ་རྒྱས་པའི་རིག་པའི་གཞུང་ལུགས་ཀྱི་མ་ལག་སྟེ།  ཆེ་བ་གཞི་ལམ་འབྲས་བུའི་རྣམ་བཞག་ནས།  ཆུང་བ་དམངས་ཁྲོད་ངག་ཐོག་གི་རིག་གནས་ཡན་ཆོད་ལ།  མ་ཉམས་གོང་འཕེལ་དང་ཉམས་པ་སླར་གསོ་དགོས་པའི་འོས་བབ་རང་ཅག་ཡོངས་ལ་མ་བགོས་དོན་ཐོབ་ཀྱིས་འཁྲི་བའི་ཁར། དེ་ཡང་ཚད་དང་ལྡན་པའི་དུས་རབས་ཀྱི་འགྲོས་དང་མཐུན་པའི་གོམ་པ་སྤོ་དགོས་པ་གཞིར་བཅས།  དེང་ཆར་ང་ཚོའི་ཁོར་ཡུག་གི་གཞོན་སྐྱེས་སྐྱ་སེར་མང་དག་གིས་སྤྱི་དང་སྒེར་གྱི་སྙན་རྩོམ་སྣ་ཚོགས་འབྲི་འདོན་སྤེལ་གསུམ་བྱེད་པའི་ཚ་རླབས་འཕྱུར་བ་འདི་དག་ཡི་རངས་ཀྱི་གནས་སུ་ལགས་ཤིང་།  ད་དུང་རིག་རྩོམ་གཞན་དང་ཁྱད་པར་དེང་རབས་ཀྱི་དཔྱད་རྩོམ་སྐོར་ལ་གསོན་ཤུགས་གསར་པ་ཞིག་རྒྱས་ཐུབ་པ་སོགས་དགོས་པའི་སྒོ་དུ་མར་དམིགས་ཏེ།  ཁྱུང་ཡུལ་སྤུ་རྒྱལ་ཁུལ་གྱི་སྤྱི་རིམ་སྨན་སྒྲུབ་ཆེན་མོའི་འབྲེལ་ཡོད་རི་དགོན་ཐུན་མོང་གི་མོས་མཐུན་གོ་སྒྲིག་འོག   སྐབས་དང་པོའི་སྤུ་རྒྱལ་ཤེས་རིག་དཔྱད་གླེང་གྲོས་ཚོགས་དེ་༼༢༠༡༧༽ལོར་ལེགས་གྲུབ་བྱུང་ཞིང་།  དེ་བཞིན་སྐབས་གསུམ་པའི་སྤུ་རྒྱལ་ཤེས་རིག་དཔྱད་གླེང་གྲོས་ཚོགས་དེ་༼༢༠༡༩༽ ལོའི་དབྱར་ཁར་འཚོགས་འཆར་ཡོད་པ་ལྟར།  ལྷན་དུ་བགྲོ་གླེང་གནང་རྒྱུའི་དཔྱད་རྩོམ་སྟེ།  ནང་དོན་ཐད་ལ་རྒྱལ་ཁབ་ཀྱི་ཁྲིམས་སྲོལ་དང་།  ཆོས་ལུགས་ཕན་ཚུན་སོགས་ལ་འགལ་འདུ་མེད་པའི་ཐོག  ༡  རྒྱལ་རབས་ལོ་རྒྱུས། ༼ཞང་བོད་ལོ་རྒྱུས་གཙོར་བྱས་པའི་འབྲེལ་ཡོད་ཀྱི་ལོ་རྒྱུས༽ ༢ གཞུང་ལུགས།  ༼མདོ་སྔགས་སེམས་གསུམ་དང་རིག་པའི་གནས་ཆེན་སྐོར༽ ༣  སློབ་གསོ།  ༼མཐུན་སྒྲིལ་དང་ཤེས་ཡོན་གཙོར་བྱས་པའི་ལུགས་གཉིས་ཀྱི་བསླབ་བྱ། ༽ ༤  རིག་གནས།  ༼སྲོལ་རྒྱུན་དང་དམངས་ཁྲོད་ཀྱི་རིག་གནས་སྐོར༽ བཅས་ལ་རྩོམ་སྟངས་ཐད་དེང་དུས་ཀྱི་དཔྱད་རྩོམ་འབྲི་ཐབས་གཙོར་འདོན་གྱིས་ལུང་ཁུངས་གསལ་བ།  རྩོམ་འབྲི་བའི་མཚན་དང་། ཕ་ཡུལ།  བསླབ་གནས། ད་ལྟའི་བཞུགས་གནས་བཅས་གསལ་བ།  རྩོམ་ཡིག་ཁག་༢༠༡༩ལོའི་སྤྱི་ཟླ་༥པའི་ཚེས་༡༥སྔོན་དུ་འབྲེལ་ཡོད་མི་སྣའི་ཕྱག་ཏུ་ངེས་འབྱོར་དགོས།  དེ་ལྟར་མ་བྱུང་ཚེ་འདི་ལོའི་བགྲོ་གླེང་དུ་ཞུགས་མི་ཐུབ་ལ་རྩོམ་འབྱོར་བ་དག་ཀྱང་ལས་འཛིན་ཐུན་མོང་གིས་དཔྱད་ཞིབ་བྱས་ཏེ་འོས་ཡོད་རྣམས་ལ་བརྡ་ལན་འབུལ་རྒྱུ་དང་། དེ་མིན་མ་རྩོམ་རྣམས་སོ་སོར་ཉར་ཚགས་གནང་དགོས་པ་ལས་ཕྱིར་འབུལ་ཞུ་རྒྱུ་མིན་པས་དེ་ལུགས་དགོངས་འཇགས་འཚལ།

འབྲེལ་གཏུགས་ཁ་པར།
 ༡༨༣༨༢༡༧༨༩༩༩
   ༡༨༡༨༤༩༥༩༤༨༩
   ༡༥༧༠༨༠༥༦༧༩༡
ཡིག་ཟམ་ཁྱེའུ་འཕྲིན་ཨང་།
QQ: 2087816204
QQ: 2257373422

 

བསྡོམས་པས་དཔྱད་མཆན་ཡོད།དཔྱད་མཆན།

དཔྱད་གཏམ་སྤེལ་མཁན་ལ་གསལ་བརྡ། རང་གི་དངོས་མིང་གི་ལམ་ནས། ངེད་དྲ་ཚིགས་ཀྱི་འཕྲིན་ལས་ཡུན་རིང་དུ་རྒྱས་ཕྱིར་ཁྲིམས་འགལ་གཤེ་བསྐུར་དང་། བསྟན་པར་འཚེ་བའི་ལུགས་དགག་བྱ་རུ་དགོངས་ཏེ་དཔྱད་གཏམ་སྤེལ་ན་ཤིན་ཏུ་ལེགས་པས། ཚང་མས་ཕན་ཚུན་ལ་གུས་བཀུར་དང་བརྩི་འཇོག་གི་ལམ་བུར་ཞུགས་ཏེ་བསྟན་པ་སྤྱི་ལ་ཕན་པའི་མཆན་འདེབས་རོགས་གནང་བར་ཞུ་ཞུ། །
སྤེལ་མཁན།