བཙུན་དགོན་རཏྣ་སྨན་གླིང་གི་འདུས་ཚོགས་ནས་བོན་བརྒྱ་ཚང་ལ་གདུང་མཆོད་ཕུལ་བ།

   ༧བསླབ་གསུམ་སེམས་མའི་འདུས་སྡེའི་གསེར་སྙན་དུ་ཞུ་གསོལ། ༧སངས་རྒྱས་གཡུང་དྲུང་བོན་གྱི་བསྟན་པ་རིན་པོ་ཆེ་འདི་ཉིད་འཛིན་སྐྱོང་སྤེལ་གསུམ་གནང་བའི་བསྟན་འཛིན་གྱི་སྐྱེས་ཆེན་མཁས་གྲུབ་གཉིས་ལྡན་གྱི་ཞིང་གཤེགས་དམ་པ་༧ཨ་ལགས་བོན་བརྒྱ་ཐམས་ཅད་མཁྱེན་པ་དགེ་ལེགས་ལྷུན་གྲུབ་རྒྱ་མཚོ་རིན་པོ་ཆེ་མཆོག་གི་དགོངས་རྫོགས་གདུང་ཞུགས་མཆོད་འབུལ་དང་འབྲེལ།

   འདི་ག་༧གདན་ས་སྨན་རི་ན་བཞུགས་པའི་སྣང་ཞིག་ཁང་ཚན་གྱི་བླ་གྲྭ་དང་དེ་མིན་དམ་པ་ཁོང་གི་ཐུགས་འོག་ནས་འཚར་བའི་སློབ་མ་ཁག་ནས༧བཙུན་དགོན་རཏྣ་སྨན་གླིང་གི་འདུས་ཚོགས་སུ་སྨོན་ལམ་མང་ཇ་དང་སྐུ་འགྱེད་སྒོར་རེ་༡༠༠བཅས་ཕུལ་དོན་བཞིན་དམ་པ་ཁོང་གི་ཐུགས་ཀྱི་དགོངས་བཞེད་ཡོངས་སུ་རྫོགས་ཏེ་སླར་ཡང་བསྟན་འགྲོའི་དོན་ཕྱིར་ཞིང་འདིར་མྱུར་འབྱོན་གསོལ་འདེབས་སྨོན་ལམ་དང་བཅས་ཞུ།

༢༠༡༨/༠༨/༢༨