ཆབ་ཆའི་དུང་དཀར་དགོན་པས་ཆོས་རྗེ༧བོན་བརྒྱ་བར་མྱ་ངན་གདུང་མཆོད་ཕུལ་བ།

བདག་སོགས་འགྲོ་བ་ཡོངས་ཀྱི་རྩ་བའི་བླ་མ༧ཡབ་རྗེ་ཐམས་ཅད་མཁྱེན་པ་མཆོག་བོད་རབ་རྒྱན་ས་ཁྱིའི་སྟོན་ཟླ་ར་བའི་གྲལ་ཚེས་དྲུག་པར་གེ་སར་ཁྲོམ་གྱི་ཞིང་ཁམས་ཆེན་མོའི་བསྟི་གནས་ཉམས་དགའ་བ་བོན་བརྒྱ་དགོན་ཆེན་གྱི་རྩེ་གསུམ་མཆོད་པའི་བླ་བྲང་དུ་ཆ་ལུགས་ལྔ་ལྡན་སྒོས་སྐུ་མི་རྟག་མྱ་ངན་ལས་འདས་པའི་ཚུལ་བསྟན་ཏེ་ཐུགས་དམ་གཡོ་མེད་ཞི་དབྱིངས་སུ་གཤེགས་པར་མྱ་ངན་གདུང་སེམས་ཀྱིས་གསོལ་འདབས་གྲངས་མེད་དང་འབྲེལ་ཏེ་དངོས་འབྱོར་ཡིད་ཀྱི་མཆོད་པ་ཕུལ་བ་དང་སྐྱབས་རྗེ༧དཔོན་གསས་བླ་མའི་བཀའ་དྲིན་རྗེས་སུ་དྲན་གྱིན་དགེ་སྒྲུབ་ཅི་ལྕོགས་སུ་བགྱིས་པའི་ཞུ་བརྡ་རུ་ཁོང་གིས་བྱིན་གྱིས་བརླབས་ཤིང་ཐུགས་བསྐྱེད་སྨོན་ལམ་མཛད་པའི་སྡེ་སྨིན་གྲོལ་དུང་དཀར་གཤེན་བསྟན་དར་རྒྱས་གླིང་གི་གྲྭ་ཚང་ནས་སྟོན་ཟླ་ར་བའི་གྲལ་ཚེས་བཅོ་ལྔའི་ཉིན་སྤེལ་བ་དགེ་གྱུར་ཅིག

                                         2018/8/26/ཉིན།