རྩེ་ཞིག་དགོན་དུ་བོན་བརྒྱ་རིན་པོ་ཆེའི་གདུང་མཆོད་འཚོགས་པ།

 

    རྗེ་བླ་མ་བོན་བརྒྱ་ཐམས་ཅད་མཁྱེན་པ་མཆོག་སྐུ་མི་རྟག་མྱ་ངན་ལས་འདས་ཚུལ་བསྟན་པ་ལ་ངེད་རྩེ་ཞིག་དགོན་ནས་ཀྱང་གདུང་སེམས་མཉམ་བསྐྱེད་ཀྱི་སྒོ་ནས་མྱ་ངན་ཞུ།

      མཁས་དང་གྲུབ་པའི་དབང་པོ་མཚུངས་ཟླ་མ་མཆིས་པ་༧སྐྱབས་རྗེ་སྨྲ་དབང་བླ་མ་བོན་བརྒྱ་ཐམས་ཅད་མཁྱེན་པ་མཆོག་ཉིད་བསྟན་དོན་དུ་སྐུ་སྐྱེས་པ་བཞེས་ཏེ། དགུང་གྲངས་བརྒྱད་ཅུ་གྱ་བཞི་ལ་བཞུགས་མཐར་གདུལ་བྱ་རྟག་འཛིན་ཅན་རྣམས་དགེ་བའི་ལས་ལ་བསྐུལ་ཕྱིར་དུ། རེ་ཞིག་གཟུགས་སྐུའི་བཀོད་པ་བོན་དབྱིངས་སུ་བསྡུས་ཚུལ་བསྟན་པ་ལ། ཞིག་ཆེན་གྲུབ་རྒྱུད་ཀྱི་གདན་ས་མཆོག་གྱུར། དཔལ་གཤེན་བསྟན་རྩེ་ཞིག་དགོན་ནས་རྗེ་བླ་མ་མཆོག་གི་དགོངས་རྫོགས་དུས་ཚིགས་ལ་དོངས་འབྱོར་ཡིད་ཀྱི་མཆོད་པ་གང་འབྱོར་ཞིག་ཕུལ་བ་ལེགས་སོ།།