སྟོང་ཆེ་འབྲོག་རི་དཔོན་ཚང་གིས་༧སྐྱབས་རྗེ་སྨན་རིའི་ཁྲི་འཛིན་མཆོག་ལ་གདུང་མཆོད་ཕུལ་བ།
[ཟླ་ཚེས། 2017-10-01 22:42:01][རྩོམ་པ་པོ། གཡུང་དྲུང་ལྷུན་འགྲུབ།][རྩོམ་ཁུངས། ཧི་མ་ལ་ཡའི་བོན།][ཀློག་གྲངས། ]
སྟོང་ཆེ་འབྲོག་རི་དཔོན་ཚང་གིས་སྐྱབས་རྗེ་རྒྱལ་བ་སྨན་རིའི་ཁྲི་འཛིན་མཆོག་ལ་གདུང་མཆོད་ཕུལ་བ།
སྤྱི་ལོ༢༠༡༧ལོའི་ཧོར་ཟླ༨པའི་ཚེས༨ཉིན། རང་སྡེ་བའི་སྐྱེ་བོ་བརྒྱ་ཕྲག་དུ་མ་འདུས་ཏེ། གསར་དུ་བཞེངས་པའི་དཔོན་ཚང་གསས་ཁང་མཐོང་བ་དོན་ལྡན་དུ་མེ་ཏོག་དང་། བདུག་སྤོས། མར་མེ། ཚན་ཆབ། ལྷ་བཤོས་སོགས་ཕུལ་ཏེ་གདུང་ཤུགས་དྲག་པོའི་སྒོ་ནས་མྱ་ངན་ཞུས།
དུས་རབས་ཀྱི་མེ་ཏོག་ཕོག་པའི་ལྷ་སྐལ་གཅིག་པུ། གངས་ཅན་འགྲོ་བའི་གཙུག་རྒྱན་༧སྐྱབས་རྗེ་སྨན་རིའི་ཁྲི་འཛིན་མཆོག་གི་དགོངས་རྫོགས་ཀྱི་དུས་སྐབས་འདིར། ཉིན་མཚན་འཁོར་མོ་ཡུག་ཏུ་འགྲོ་བ་སེམས་ཅན་ཐམས་ཅད་སྡུག་གིས་མནར་ཞིང་། ཚོགས་བསགས་སྡིག་སྤོང་གི་ལས་ལ་རྩེ་གཅིག་ཏུ་གཞོལ་བ་མ་ཟད། གཤེན་གྱི་ཞལ་སྐྱིན་སྐུ་གཟུགས་གསུང་རབ་སྐུ་གདུང་མཆོད་རྟེན་གསས་ཁང་སོགས་ལ་ཕྱག་དང་སྐོར་བ། སྙིང་པོ་བཟླས་བརྗོད། སྡོམ་པ་སྨྱུང་གནས་སོགས་ལ་བརྩོན་པ་རྒྱ་ཆེར་སྤེལ།
