དགེ་ལས་ཚོགས་པས་དགོངས་རྫོགས་དགེ་བསྐུལ་གནང་བ།

༧  ཞྭ་དཀར་གཡུང་དྲུང་བོན་གྱི་གདན་ས་ཆེན་མོ་༧དཔལ་གཤེན་བསྟན་སྨན་རིའི་གླིང་གི་ལས་སྣེ་ལྷན་རྒྱས་ཀྱི་དྲུང་དུ།

                ཆེད་ཞུ།  ཁམས་གསུམ་འགྲོ་བའི་སྒྲོན་མེ་གཡུང་དྲུང་བོན་གྱི་བསྟན་བདག་༧རྒྱལ་བ་སྨན་རི་བའི་ཁྲི་འཛིན་སོ་གསུམ་པ་ལུང་རྟོགས་བསྟན་པའི་ཉི་མ་དཔལ་བཟང་པོ་མཆོག་རེ་ཞིག་གདུལ་བྱ་རྟག་འཛིན་རྣམས་སུན་ཕྱུང་བའི་ཕྱིར་དགུང་གྲངས་༨༩བཞེས་མཐར།  སྐུ་མཆོག་ཆ་ལུགས་ལྔ་ལྡན་གྱི་ངང་ཐུགས་དཀྱིལ་མི་གཡོ་བོན་སྐུའི་ཀློང་དུ་དགོངས་པ་ཞིང་གཞན་དུ་གཤེགས་ཞེས་གནས་ཚུལ་མི་སྙན་པ་དེ་ཐོས་འཕྲལ།  རྗེས་འཇུག་པ་ང་ཚོ་བཟོད་པའི་གླགས་མི་རྙེད་པའི་སྐྱོ་གདུང་དང་བློ་ཕམ་པའི་ངང་ནས་ངེད་དགེ་ལས་ཚོགས་པས་དམངས་སྒོར་༣༠༦༨༠།  རྟ་ཟོག་ཚེ་ཐར་༣༥༨། མཆོད་མེ་འབྲི་མར་རྒྱ་མ་༨༢༤་༢།  ཆུར་བ་རྒྱ་མ་༢༢༧་༣། རྩམ་པ་རྒྱ་མ་༡༠༨༩་སོགས་ཀྱིས་ཡར་མཆོད་མར་སྦྱིན་གྱི་དགེ་ལས་བྱས་ཟིན་པ་དང་དེ་མིན་ཕྱག་དང་སྐོར་བ་སྙིང་པོ་རྣམ་གསུམ་དཀར་ཟས་གསོལ་འདེབས་སོགས་ཁས་བླངས་མཛད་མཁན་གྱི་མིང་གྲངས་བརྗོད་ལས་འདས་པ་ཞིག་ཡོད་པ་མ་ཟད་དམངས་སྒོར་༡༦༠༠་རྒྱ་གར་སྨན་རི་དགོན་ལ་མཆོག་གི་དགོངས་རྫོགས་ཀྱི་ཞལ་འདེབས་སུ་ཕུལ་ཡོད་ལགས།། 

    ཞེས་དགེ་ལས་ཚོགས་པའི་ཚོགས་གཙོ་བབ་བཟོ་མདའ་ཆེན་དགོན་པའི་གྲྭ་བ་ཤེས་རབ་རབ་གསལ་ནས་སྤྱི་ལོ་༢༠༡༧ཟླ་བ་༩་ཚེས་༢༡་ཉིན།