མཛོད་དགེ་བསམ་འགྲུབ་དགོན་ནས་གདུང་མཆོད་འཚོགས་པ།

ཨེ་མ་ཧོ།

རབ་འབྱམས་ཕྱོགས་བཅུའི་རྒྱལ་བ་སྲས་བཅས་ཀྱི།།

མཁྱེན་བརྩེའི་ཡེ་ཤེས་ངོ་བོ་གཅིག་བསྡུས་པ།།

ཟབ་རྒྱས་གཤེན་བསྟན་སྤེལ་བའི་འཕྲིན་ལས་ཅན།།

ལུང་རྟོགས་བསྟན་པའི་ཉི་མར་གསོལ་བ་འདེབས།།

   ཞེས་གསོལ་འདེབས་ཕུལ་བས་མདུན་བསུས་ཏེ་འདིར་ཞྭ་དཀར་བསྟན་པའི་གཙུག་རྒྱན་༧རྗེ་སྨན་རི་བའི་ཁྲི་འཛིན་སོ་གསུམ་པ་མཆོག་སྐུ་ཞི་བར་གཤེཊ་ནས་དགོངས་པ་བོན་དབྱིངས་སུ་བསྡུས་པའི་ཚུལ་མཛད་པར་༧ མཆོག་སྤྲུལ་མཁས་གྲུབ་དཔལ་བཟང་མཆོག་གི་ཐུགས་བཀོད་ལྟར། སྐྱོ་གདུང་དྲག་པོའི་མྱ་ངན་དང་བཅས་མདོ་སྨད་འཕན་ཆུ་བབ་བཟོ་གཡུང་དྲུང་བསམ་འགྲུབ་དགོན་པའི་སེར་སྐྱ་མང་ཚོགས་ནས་མྱ་ངན་ཞུ་ཞིང་གདུང་མཆོད་ཕུལ་བ་དང་། སླར་ཡང་བསྟན་འགྲོའི་དོན་དུ་མ་ངེས་སྤྲུལ་བའི་སྐུ་རུ་བཞེངས་ནས་མུ་མཐུད་དུ་འགྲོ་དོན་རྒྱ་ཆེར་མཛད་པའི་རེ་འདུན་བཅོས་མིན་དང་བཅས།།

བསམ་འགྲུབ་དགོན་དོ་དམ་ལྷན་ཚོགས་ནས།།

༢༠༡༧-༩-༡༩