མེ་སྟོན་༧གདན་ས་མཐོང་གྲོལ་རི་ཁྲོད་དགོན་ནས་གདུང་མཆོད་ཕུལ་བ།

  ༧སྤྱི་ནོར་སྐྱབས་མཆོག་བླ་མེད་དཔལ་རྒྱལ་བ་༧སྨན་རིའི་ཁྲི་འཛིན་སོ་གསུམ་པ་ལུང་རྟོགས་བསྟན་པའི་ཉི་མ་མཆོག་དགོངས་པ་བོན་དབྱིངས་སུ་བསྡུས་པས། ཁྱུང་ཡུལ་མེ་སྟོན་༧གདན་ས་མཐོང་གྲོལ་རི་ཁྲོད་དགོན་གྱི་ཁྲི་འཛིན་༧ཡོན་ཏན་ཕུན་ཚོགས་རྒྱ་མཚོ་མཆོག་དང་དགོན་འདིའི་སློབ་དཔོན་བློ་གྲོས་རབ་གསལ་རྣམ་གཉིས་གཙོས་བཤད་སྒྲུབ་སྒོམ་གསུམ་འདུས་པ་རྒྱ་མཚོས་དམ་པ་ཉིད་ཀྱི་བཀའ་དྲིན་ཟབ་མོ་བསམ་ཤེས་འོག་ནས། ༧ རྗེ་སྨན་རི་བ་མཆོག་གི་འདས་མཆོད་ཞག་གསུམ་ཉིན་གདུང་མཆོད་ཆེད། མཉམ་མེད་བླ་མའི་ཚོགས་མཆོད་དང་། བསྟོད་པ་རྣམ་རྒྱལ་ཁང་བཟང་། སྨན་རི་བའི་གསོལ་འདེབས། ཚེ་དབང་སྨོན་ལམ། བོན་སྐུ་སྨོན་ལམ་སོགས་གསུངས་ཏེ་དངོས་འབྱོར་གྱི་མཆོད་པ་སྣ་ཚོགས་བཤམས་ནས། 

   ཕྱི་དྲོར་རྗེ་བླ་མ༧་སྨན་རིའི་ཁྲི་འཛིན་མཆོག་གི་ཞལ་ཚབ་ཀྱི་སྐུ་པར་བླ་སློབ་འདུས་པ་རྒྱ་མཚོ་ཡོངས་ཀྱིས་མཇལ་ཁ་ཞུས་ཏེ་འདུས་སྡེའི་གྲྭ་ཚང་ཡོངས་ནས་གདུང་སེམས་མཉམ་བསྐྱེད་འོག་གསོལ་སྨོན་བཏབ་ནས་དགེ་སྒྲུབ་སྡིག་སྤང་ཞུས་ཏེ་གྲུབ་པའི་གནས་ཚུལ། 

མེ་སྟོན་གདན་ས་མཐོང་གྲོལ་རི་ཁྲོད་ལྔ་རིག་སློབ་གླིང་ནས།