རྟའུ་དགུ་རྫ་དགོན་ནས་གདུང་མཆོད་ཕུལ་བ།

༧སྐྱབས་རྗེ་སྨན་རིའི་ཁྲི་འཛིན་སོ་གསུམ་པ་༧དཔོན་གསས་བླ་མ་ལུང་རྟོགས་བསྟན་པའི་ཉི་མ་དཔལ་བཟང་པོ་མཆོག་ལ་རྟའུ་དགུ་རྫ་དགོན་གཤེན་བསྟན་མདོ་སྔགས་ཕུན་ཚོགས་གླིང་གི་བླ་གྲྭ་འདུས་བ་རྒྱ་མཚོས་གཙོ་བྱས་ནས་དད་ལྡན་མང་ཚོགས་རྣམས་ཀྱིས་གདུང་མཆོད་འབུལ་བཞིན་པ།

མར་མེའི་མཆོད་པ། 

རིན་ཆེན་འོད་ལས་གྲུ་པ་སྟེ།

དག་ཅིང་གཙང་མར་བཤམས་པ་ཡི།

མ་རིག་མུན་སེལ་སྒྲོན་མེ་འདི་།

བདག་དང་མཐའ་ཡས་སེམས་ཅན་གྱི།

བསོད་ནམས་ཡེ་ཤེས་ཚོགས་རྫོགས་ཕྱིར།

བདེ་བཤེགས་རྣམས་ལ་འབུལ་ལགས་ཀྱི།

ཐུགས་རྗེ་དང་ནི་དམ་ཚིག་གིས།

གཉིས་མེད་དོན་གྱི་བཞེས་སུ་གསོལ།

ཨེ་མ་ཧོ།

སྤྱི་གཙུག་བདེ་བ་ཆེན་པོའི་ཕོ་བྲང་དུ།།

དྲིན་ཆེན་རྩ་བའི་བླ་མ་ལ་གསོལ་བ་འདེབས།།

སངས་རྒྱས་སེམས་སུ་སྟོན་པ་རིན་པོ་ཆེ།།

རང་ངོ་རང་གིས་ཤེས་པར་བྱིན་གྱིས་རློབས།།

འཛམ་བུ་གླིང་དུ་གསེར་གྱི་ཉི་ཤར་བཞིན།། 

དུས་ངན་ལྔ་བརྒྱ་ཐ་མའི་སྙིགས་མ་ལ།། 

འཕྲུལ་ངག་བོན་གྱི་ཆུ་ཆེན་རབ་འབྲུག་ནས།། 

རྗེས་འབྲང་ཉོན་མོངས་མ་ལུས་རྩད་ནས་བཀྲུ།། 

སྡེ་གསུམ་ཤེས་རབ་རྒྱས་པའི་ང་རོ་ཅན།། 

མ་རིག་གྲུབ་མཐའ་འདྲ་མིན་གླད་པ་འགེམས།། 

མི་ཡི་སེང་གེ་གཟི་བརྗིད་སྨན་རི་བ།། 

གཙུག་རྒྱན་མཁན་པོ་ཁྱེད་ལ་ཕྱག་འཚལ་ལོ། །