ཁྱུང་དཀར་དཔོན་རྒན་དགོན་ནས་མྱ་ངན་གདུང་མཆོད་འཚོགས་པ།
[ཟླ་ཚེས། 2017-09-20 16:03:13][རྩོམ་པ་པོ། དཔོན་རྒན་དགོན་འདུས་སྤྱི།][རྩོམ་ཁུངས། ཧི་མ་ལ་ཡའི་བོན།][ཀློག་གྲངས། ]
ཇི་སྐད་དུ། བླ་མ་ལྷ་ཡི་ཞལ་ནས།
ཀུན་ནས་བླ་མ་མཉེས་བྱས་ན།།
བསོད་ནམ་ཚོགས་ཀྱི་མཐར་ཐུག་ཡིན།།
གསུངས་པ་ལྟར།
2017-09-16 ཉིན། ༧ སྐྱབས་རྗེ་རྒྱལ་བ་སྨན་རི་བའི་ཁྲི་འཛིན་སོ་གསུམ་པ་ལུང་རྟོགས་བསྟན་པའི་ཉི་མ་རིན་པོ་ཆེ་མཆོག་དགོངས་པ་བོན་དབྱིངས་སུ་བསྡུས་པ་ལ།
ཁྱུང་དཀར་དཔོན་རྒན་དགོན་གཡུང་དྲུང་དར་རྒྱས་གླིང་གི་བླ་རྒན“ཏི་སེ་རྒྱལ་བ”རིན་པོ་ཆེ་གཙོས་པའི་འདུས་པ་རྒྱ་མཚོ་དང་ལྷ་སྡེ་ཟུང་གིས་མྱ་ངན་གདུང་མཆོད་དང་། སྡུག་སེམས་མཉམ་བསྐྱེད་ཀྱི་མར་མེའི་སྨོན་ལམ་དང་མཉམ་མེད་བླ་སྒྲུབ་ཚོགས་འཁོར་མདོ་གཡུང་དྲུང་ཀློང་རྒྱས་སོགས་ཀྱི་དཀྱིལ་འཁོར་ཞལ་ཕྱེས་ཤིང་། མཆོད་པ་རྣམ་ལྔ་སོགས་དངོས་འབྱོར་གྱི་ཚོགས་བསགས་རྒྱ་ཆེར་བསྒྲུབས་ཏེ། ཡིད་མོས་གུས་དུང་དུང་གི་གསོལ་འདེབས་དང་སྨོན་ལམ་ཕུལ་བ་ལགས། མགོན་པོ་གང་གི་ཐུགས་མཆོག་མཉེས་པར་བྱས་ནས་ཚེ་རབས་ཕྲེང་བ་ཀུན་ཏུ་ཐུགས་རྗེས་བཟུང་ཞིང་མཁའ་མཉམ་ཡིད་ཅན་མ་ལུས་བོན་སྐུ་ཀུན་ཏུ་བཟང་པོའི་རྒྱལ་ས་ཟིན་པར་སྨོན།
དཔོན་རྒན་དགོན་འདུས་སྤྱིའི་ཡིག་ཚང་ནས།