བྱང་བོན་བརྒྱ་ཁྱུང་སྨན་དགོན་གྱིས་སྐུའི་འདས་མཆོད་སྒྲུབ་བཞིན་པ།

   རང་ཅག་བོན་འབངས་ཡོངས་ཀྱི་དབུ་ཁྲིད་བླ་ན་མ་མཆིས་པ།     ཞྭ་དཀར་བསྟན་པའི་གཙུག་རྒྱན་དཔལ་རྒྱལ་བ་སྨན་རི་བ་མཆོག་གིས་སྐུ་ཚེ་གང་བོར་བསྟན་འགྲོའི་དོན་ཆེན་མཛད་ནས་སྤྱི་ལོ ༢༠༡༧.༩.༡༤ ཉིན་གདན་ས་སྨན་རིའི་བླ་བྲང་དུ་དགོངས་པ་བོན་དབྱིངས་སུ་གཤེགས་པ་ལགས་ན། རང་ཅག་ཤུལ་ལུས་བོན་འབངས་ཡོངས་ཀྱིས་བཀའ་དྲིན་དྲན་པའི་ཐོག་ནས་གདུང་མཆོད་རྒྱུས་འབུལ་གནང་དགོས་པ་སྨྲོས་མེད་རེད་ལགས།  

   དེ་བཞིན་དུ་ངེད་བོན་བརྒྱ་ཁྱུང་སྨན་དགོན་འདུས་སྤྱི་ནས་དེ་རིང་ནས་བཟུང་སྟེ་ཉིན་གསུམ་གྱི་རིང་ལ་གདུང་མཆོད་རྒྱས་འབུལ་བྱེད་བཞིན་ཡོད་པ་དང་།   དེ་རིང་ཞི་ཁྲོ་དམ་པ་རིགས་བརྒྱའི་ཆོ་ག་ལེགས་པར་བསྒྲུབས་ཏེ་བླ་གྲྭ་འདུས་པ་རྒྱ་མཚོ་ཡོངས་ཀྱིས་མཆོད་འབུལ་རྒྱ་ཆེར་གནང་བ།