ཤར་བ་སྐྱིད་འཛོམས་དགོན་ནས་གདུང་མཆོད་འཚོགས་པ།

   དེ་ཡང་རང་ཅག་བོན་འབངས་ཡོངས་ཀྱི་སྐྱབས་རྗེ་རྩ་བའི་བླ་མ། ༧ རྒྱལ་བ་སྨན་རི་བའི་ཁྲི་འཛིན་སོ་གསུམ་པ་ལུང་རྟོགས་བསྟན་པའི་ཉི་མ་རིན་པོ་ཆེ་མཆོག་༢༠༡༧་༩་༡༤ཉིན་གདན་ས་ཆེན་མོ་༧སྨན་རིའི་གླིང་ནས་དགོངས་པ་བོན་དབྱིངས་སུ་གཤེགས་པ་ལ་མདོ་སྨད་ཟིང་ཆུ་སྐྱིད་འཛོམས་དགོན་ནས་དགོངས་རྫོགས་ཀྱི་གདུང་མཆོད་འཚོགས། 

   དེ་ཡང་བླ་མ་ཤེས་རབ་གོང་འཕེལ་ནས་དབུ་ཁྲིད་གནང་སྟེ་སྐྱིད་འཛོམས་དགོན་པའི་བླ་གྲྭ་རྣམས་དང་དེ་བཞིན་སྣང་ཞིག་རྣམ་རྒྱལ་ཀུན་གྲགས་གླིང་གི་མཆོག་སྤྲུལ་ཤེས་རབ་འོད་ཟེར་རྒྱལ་མཚན་རིན་པོ་ཆེ་གཙོས་པའི་བླ་གྲྭ་ཡོངས་ནས་༧སྐྱབས་རྗེ་རྒྱལ་བ་སྨན་རི་བའི་ཁྲི་འཛིན་རིན་པོ་ཆེའི་དགོངས་རྫོགས་སུ་བླ་མ་མཆོད་པ་སོགས་དགོངས་མཆོད་ཕུལ་བ་དང་། 

   དེ་ནས་སྐུ་པར་མཐོང་བ་རང་གྲོལ་མདུན་ནས་ཕྱི་ནང་གསང་བའི་མཆོད་པ་སྣ་ཚོགས་ཕུལ་བ་དང་དད་ལྡན་སེར་སྐྱ་མང་ཚོགས་ཡོངས་ནས་རིན་པོ་ཆེའི་གསོལ་འདེབས་བཏོན་པ་དང་དམངས་སྒོར་ཁྲི་ཕྲག་ལྷག་གིས་ཚེ་ཐར་སྲོག་བླུ་གཏོང་བ་དང་མར་མེ་སྟོང་ཕྲག་དུ་མ་ཕུལ་བ་སོགས་ཀྱི་དགོངས་རྫོགས་གདུང་མཆོད་གནས་བསྡུས་ཙམ་དུ་སྐྱིད་འཛོམས་དགོན་གཞུང་ནས་ཕུལ།