རེབ་གོང་བོན་བརྒྱ་དགོན་ནས་༧རྗེ་སྨན་རི་ཚང་ལ་ཕུལ་བའི་གདུང་མཆོད།

[ཟླ་ཚེས། 2017-09-19 12:58:03][རྩོམ་པ་པོ། བོན་ནག་ཚང་ཡེ་ཤེས་བློ་གྲོས།][རྩོམ་ཁུངས། ཧི་མ་ལ་ཡའི་བོན།][ཀློག་གྲངས། ]

微信图片_20170919130350.png

མདོ་སྨད་རེབ་གོང་བོན་བརྒྱ་དགོན་པ་ནས་༧རྒྱལ་བ་སྨན་རི་ཚང་ལ་ཕུལ་བའི་གདུང་མཆོད་དད་པ་རྒྱ་མཚོའི་རླབས་ཕྲེང་།

ཨེ་མ་ཧོ། རབ་འབྱམས་ཕྱོགས་བཅུའི་རྒྱལ་བ་སྲས་བཅས་ཀྱི།།

མཁྱེན་བརྩེའི་ཡེ་ཤེས་ངོ་བོ་གཅིག་བསྡུས་པ།།

ཟབ་རྒྱས་གཤེན་བསྟན་སྤེལ་བའི་འཕྲིན་ལས་ཅན།།

ལུ༵ང་རྟོག༵ས་བསྟ༵ན་པ༵འི་ཉི༵་མ༵ར་གསོལ་བ་འདེབས།།

 2.jpg3.jpg

དེ་ཡང་ཇི་སྐད་དུ། དཀར་པོ་སུམ་སྦྱོར་ལས། བླ་མ་སངས་རྒྱས་བླ་མ་བོན།། དེ་བཞིན་བླ་མ་སེམས་དཔའ་སྟེ།། ཀུན་གྱི་བྱེད་པོ་བླ་མ་ཡིན།།  ཞེས་གསུངས་པའི་ང་ཚོའི་བླ་མ་དམ་པ། ང་ཚོ་བོན་འབངས་ཡོངས་ཀྱི་སྐྱབས་དང་དཔུང་གཉེན་གཅིག་པུ་རྒྱལ་བ་སྨན་རི་ཚང་གི་གསེར་ཞལ་ཉི་མ་གཞོན་ནུ་ནུབ་རིའི་ཕག་ཏུ་ཡིབ་པས་ང་ཚོ་བོན་འབངས་ཡོངས་སྡུག་བསྔལ་གྱི་མཚོ་ངོགས་སུ་སྐྱོམས་ན་ཡང་དྲིན་ལྡན་བླ་མ་དམ་པས་རྟག་འཛིན་ཅན་སུན་འབྱིན་པའི་ཕྱིར་དུ་མཛད་བསྟོད་ལས། རྒྱལ་བའི་མཆོག་ལ་སྐྱེ་འཆི་མི་མངའ་ཡང་།། རྟག་པར་འཛིན་རྣམ་སུན་ཕྱུང་དགེ་བསྐུལ་ཕྱིར།། མི་རྟག་ཚུལ་བསྟན་དགོངས་པ་མྱ་ངན་འདས།། བདེ་ཆེན་དབྱིངས་གཤེགས་མཛད་ལ་ཕྱག་འཚལ་ལོ།། ཞེས་གསུང་བ་བཞིན་ཁ་སང་ཕྱི་དྲོའི་ཆུ་ཚོད་དྲུག་པའི་སྟེང་རྗེ་བླ་མ་དགོངས་པ་བོན་དབྱིངས་སུ་གཤེགས་པ་ཐོས་ནས་དེ་རིང་ང་ཚོ་བོན་བརྒྱ་དགོན་པའི་བླ་གྲྭ་ཡོངས་ཀྱིས་བླ་མ་ཚེ་དབང་རིག་འཛིན་གྱི་ཚོགས་འཁོར་རྒྱ་ཆེན་པོ་ཕུལ་བ་ནི་ལྟ་བ་ཁྱུང་ཆེན་ལས། སེར་སྣ་མེད་པའི་ལོངས་སྤྱོད་ཀྱིས།། དཔོན་གསས་བླ་མ་མཆོད་གྱུར་ན།། སངས་རྒྱས་ཐམས་ཅད་མཆོད་པ་ཡིན།། ཞེས་དང་། བླ་མ་ལྷའི་ཞལ་ནས། ཀུན་ནས་བླ་མ་མཉེས་བྱེད་བྱེད་པ།། བསོད་ནམས་ཚོགས་ཀྱི་མཐར་ཐུག་ཡིན།། ཞེས་རྣམ་དཀར་གྱི་གདུང་མཆོད་རྒྱ་ཆེན་པོ་སྒྲུབ།

 4.jpg5.jpg

དོ་ནུབ་ཀྱང་བླ་གྲྭ་ཡོངས་ཀྱིས་དད་གུས་ཀྱི་གདུང་བ་སེམས་སུ་བཏེགས་ཤིང་གླིང་མེ་མཆོད་པ་གྲངས་སུ་བསགས་ནས་གསོལ་འདེབས་ཀྱི་ཚིག་ཕྲེང་གདུང་བས་བརྗོད་པ་ནི་དེ་ཡང་ཇི་སྐད་དུ། མར་ཁུ་རྒྱ་མཚོ་ཡོངས་སུ་འཁྱིལ་པའི་དབུས།། ཕུན་ཚོགས་འོད་སྟོང་མཛེས་པའི་སྒྲོན་མེ་འདིས།། མུན་པའི་བསྐལ་བ་མ་ལུས་སེལ་མཛད་ཅིང་།། འགྲོ་རྣམས་སངས་རྒྱས་གོ་འཕང་མྱུར་ཐོབ་ཤོག། ཅེས་བླ་མ་དམ་པའི་བྱིན་རླབས་དང་དགེ་སྒྲུབ་བཟང་པོའི་མཐུ་སྟོབས་ཀྱིས་འགྲོ་རྣམས་བདེ་ཆེན་གྱི་ས་ལ་འདྲེན་པའི་སྨོན་པ་དག་སྣང་རྒྱ་མཚོའི་ཀློང་ན་སྐྱོམ་བཞིན་ཡོད།

 6.jpg7.jpg

ཀྱེ་ཀྱེ། བོན་འབངས་ཡོངས་ཀྱི་སྐྱབས་མགོན་ལགས། བྱམས་སྙིང་རྗེ་ཡི་སྤྱན་གྱིས་རྟག་ཏུ་གཟིགས་རོགས། ང་ཚོའི་དད་གུས་ཀྱི་ལྷ་དར་རིང་མོ་ཁྱེད་ལ་སྲིང་ནས་ཡོད། སྨན་རི་བ།  བྱམས་སྙིང་གི་སྤྱན་གྱིས་རྟག་ཏུ་གཟིགས་རོགས།

༢༠༡༧/༩/༡༥ མཚན་མོར་རང་དགོན་བོན་བརྒྱ་སྨན་རིའི་གླིང་ནས་བོན་ནག་ཚང་ཡེ་ཤེས་བློ་གྲོས་ནས་དད་གུས་ཀྱིས་བྲིས།

 

བསྡོམས་པས་དཔྱད་མཆན་ཡོད།དཔྱད་མཆན།

དཔྱད་གཏམ་སྤེལ་མཁན་ལ་གསལ་བརྡ། རང་གི་དངོས་མིང་གི་ལམ་ནས། ངེད་དྲ་ཚིགས་ཀྱི་འཕྲིན་ལས་ཡུན་རིང་དུ་རྒྱས་ཕྱིར་ཁྲིམས་འགལ་གཤེ་བསྐུར་དང་། བསྟན་པར་འཚེ་བའི་ལུགས་དགག་བྱ་རུ་དགོངས་ཏེ་དཔྱད་གཏམ་སྤེལ་ན་ཤིན་ཏུ་ལེགས་པས། ཚང་མས་ཕན་ཚུན་ལ་གུས་བཀུར་དང་བརྩི་འཇོག་གི་ལམ་བུར་ཞུགས་ཏེ་བསྟན་པ་སྤྱི་ལ་ཕན་པའི་མཆན་འདེབས་རོགས་གནང་བར་ཞུ་ཞུ། །
སྤེལ་མཁན།