སྣང་ཞིག་སྐྱབས་མགོན་རིན་པོ་ཆེས་བཀའ་དབང་གནང་བ།

མདོ་སྨད་གཡུང་དྲུང་བོན་གྱི་འདུས་སྡེ་ཆེན་མོ་༧སྣང་ཞིག་དགོན་ཆེན་དུ་༧སྣང་ཞིག་སྐྱབས་མགོན་བསྐལ་བཟང་བློ་གྲོས་རྒྱ་མཚོ་རིན་པོ་ཆེས་བཀའ་དབང་གནང་བའི་གནས་ཚུལ་གནད་བསྡུས།

 དེ་ཡང་མདོ་སྨད་གཡུང་དྲུང་བོན་གྱི་འདུས་སྡེ་ཆེན་མོ་༧ སྣང་ཞིག་དགོན་ཆེན་གྱི་གྲྭ་ཚང་འདུས་སྤྱི་ནས་སྤྱིར་འགྲོ་བ་རིགས་དྲུག་སེམས་ཅན་ཐམས་ཅད་དང་སྒོས་སུ་རང་རེའི་བོན་འབངས་ཡོངས་ལ་ནད་མེད་ཚེ་རིང་ཁ་དགེ་བཀྲ་ཤིས་ཡོང་བའི་ཆེད་དུ་༧སྣང་ཞིག་སྐྱབས་མགོན་བསྐལ་བཟང་བློ་གྲོས་རྒྱ་མཚོ་རིན་པོ་ཆེ་མཆོག་གཙོས་པའི་སྣང་ཞིག་དགོན་ཆེན་གྱི་བླ་སྤྲུལ་འདུས་པ་རྒྱ་མཚོས་ཡི་དམ་དབལ་ཕུར་གྱི་གཞུང་དང་སྐྱེ་སྒོ་གཅོད་པ་ལན་ཆགས་སྦྱང་འཇལ་སོགས་ཀྱི་གཞུང་བསྲངས་ཏེ་ཉིན་བཅུའི་རིང་ལ་སྒྲུབ་པ་དང་། 

    དེ་ནས་དེ་རིང་སྟེ་2016/10/20 ཉིན་༧སྣང་ཞིག་སྐྱབས་མགོན་བསྐལ་བཟང་བློ་གྲོས་རྒྱ་མཚོ་མཆོག་གི་གཙོས་པའི་ནང་ཆེན་ཆེ་ཁག་རྣམས་ཀྱིས་དད་ལྡན་སྐྱ་སེར་ཡོངས་ལ་དབལ་ཕུར་སོགས་ཀྱི་བཀའ་དབང་གནང་བའི་རྣམ་པ་འགའ་དྲྭ་གྲོགས་རྣམས་ཀྱི་སྤྱན་ལམ་དུ་ཕུལ་བ་ལགས།

   དེ་ཕྱིར་བླ་མ་ཉི་མ་འདྲ་བོའི་སྐྱབས་འོག་ཏུ་འཚོ་ཞིང་གདམས་ངག་གསེར་དངུལ་ལྟ་བུའི་སྙིང་བཅུད་ལ་རེགས་མྱངས་བའི་འགྲོ་བ་དག་ལ་དད་པའི་རྟེན་དུ་ཕུལ་བའོ།།