སྒང་རུ་དར་རྒྱས་དགོན་དུ་བརྟན་བཞུགས་འབུམ་ཚོགས་ཕུལ་བ།

 བོད་ལྗོངས་ཆབ་མདོ་ས་ཁུལ་ཁྱུང་པོ་སྟེང་ཆེན་སྒང་རུ་དར་རྒྱས་དགོན་དུ་༧སྐྱབས་རྗེ་རྒྱལ་བ་སྨན་རིའི་མཁན་སློབ་རྣམ་གཉིས་ཀྱི་བརྟན་བཞུགས་མཎྜལ་དོད་དུ་བོན་སྐྱོང་འབུམ་ཚོགས་ཕུལ་བ།
 
འཚོགས་ཁང་ཆེན་མོར་བླ་གྲྭ་ཚང་མ་འཚོགས་ཏེ་འབུལ་ཚོགས་འབུལ་བཞིན་པ།






ཕྱི་ནང་གསང་བའི་མཆོད་འཕྲེང་རྣམ་པ།

   དེ་ཡང་ལྔ་སྙིགས་དུས་འདིར་སངས་རྒྱས་གཡུང་དྲུང་བོན་གྱི་བསྟན་པ་རིན་པོ་ཆེའི་བདག་པོ། སྐྱབས་རྗེ་རྒྱལ་བ་སྨན་རིའི་ཁྲི་འཛིན་མཁན་ཆེན་ལུང་རྟོགས་བསྟན་པའི་ཉི་མ་དཔལ་བཟང་པོ་མཆོག་དང་། ཡོངས་འཛིན་སྨྲ་བའི་དབང་པོ་བསྟན་འཛིན་རྣམ་དག་རིན་པོ་ཆེ་རྣམ་གཉིས་ཀྱི་སྐུ་ཕྱྭའི་ཞབས་རིམ་དང་བརྟན་བཞུགས་མཎྚལ་རྟེན་དོད་དུ་བོད་ལྗོངས་ཆབ་མདོ་ཁྱུང་པོ་སྟེང་ཆེན་སྒང་རུ་དར་རྒྱས་དགོན་དཔལ་གཤེན་བསྟན་གཡུང་དྲུང་གླིང་གི་འདུས་སྡེ་ཡོངས་དང་ལྷ་སྡེ་དམངས་གཉིས་ནས་བོན་སྐྱོང་སྲུང་མར་འཕྲིན་བཅོལ་འབུམ་ཚོགས་དང་ལྷ་བསང་ཀླུང་རྟ་སོགས་འབུལ་བའི་ལེགས་གྲུབ་བྱུང་བ།

 


བོན་སྐྱོང་སྲུང་མའི་ཚོགས་ལ་བསང་གསོལ་འབུལ་བའི་རྣམ་པ།


སྒང་རུ་དར་རྒྱས་དགོན་དཔལ་གཤེན་བསྟན་གཡུང་དྲུང་གླིང་།