དངོས་བྲིས་གློག་བརྙན《ཞང་ཞུང》ཕབ་བསྐྲུན་གྱི་མཛད་སྒོ་པེ་ཅིང་དུ་བསྡུས།
[ཟླ་ཚེས། 2015-06-09 13:31:51][རྩོམ་པ་པོ། རིན་སྤུངས་པས་བསྡུས།][རྩོམ་ཁུངས། མཚོ་སྔོན་པོ་དྲ་བ།][ཀློག་གྲངས། ]
ཞང་ཞུང་རིག་གནས་ལོ་རྒྱུས་སྙན་རྩོམ་གྱི་དངོས་བྲིས་གློག་བརྙན་ཐོག་མ《ཞང་ཞུང》ཕབ་བསྐྲུན་གྱི་མཛད་སྒོ་པེ་ཅིང་དུ་བསྡུས།
ཀྲུང་གོའི་ཞང་ཞུང་རིག་གནས་ལོ་རྒྱུས་སྙན་རྩོམ་རིང་མོའི་དངོས་བྲིས་གློག་བརྙན་ཐོག་མ
《ཞང་ཞུང》ཕབ་བསྐྲུན་གྱི་མཛད་སྒོ་པེ་ཅིང་དུ་བསྡུས།
དགེ་རྒན་ཆེན་མོ་ཚེ་རིང་ཐར(གཡས)དང་གླུ་བ་སྐལ་བཟང་བསྟན་འཛིན(དབུས)
སོགས་གཙོ་འདོན་མི་སྣའི་མཉམ་པར།
གླུ་བ་སྐལ་བཟང་བསྟན་འཛིན་གྱིས་གསར་འགོད་པའི་བཅར་འདྲི་དང་ལེན་བྱེད་པ།
སྤྱི་ཟླ6པའི་ཚེས7ཉིན། ཀྲུང་གོའི་ལོ་རྒྱུས་སྙན་རྩོམ་རིང་མོའི་དངོས་བྲིས་གློག་བརྙན་ཐོག་མ《ཞང་ཞུང》ཞེས་པའི་གཙོ་འདོན་མི་སྣའི་གསར་འགྱུར་ཁྱབ་སྤེལ་ཚོགས་འདུ་དེ་པེ་ཅིང་ཀྲུང་དབྱང་བརྙན་འཕྲིན་ཁང་མའེ་ཏའེ་ཡཱ་ལྟེ་གནས་སུ་བསྡུས། རིག་གནས་པུའུ་དང་དྲིལ་སྒྲོག་པུའུ་ཡི་འགོ་ཁྲིད་ལས་གཞན་ད་དུང་། རྒྱལ་སྤྱིའི་མིང་དུ་གྲགས་པའི་བོད་རིག་པའི་ཆེད་མཁས་པ་སྟེ་ཀྲུང་དབྱང་མི་རིགས་སློབ་ཆེན་གྱི་དགེ་རྒན་ཆེན་མོ་ཚེ་རིང་ཐར་དང་། ཐུབ་བསྟན་ཕུན་ཚོགས། ངག་དབང་རྒྱ་མཚོ། ཐོགས་མེད། དེ་མིན་བརྙན་འཕྲིན་ཁང《གོང་མ་ཁང་ཞི》ཡི་སྤྱིའི་འཁྲབ་ཁྲིད་པ་ལིན་ཧོང་སོགས་ཐེངས་འདིའི་གྲོས་ཚོགས་སུ་ཞུགས་ལ། ཚང་མས་ལྟ་ཚུལ་དང་འདོད་བློ་ལྷུག་པོར་བརྗོད་དེ་དངོས་བྲིས་གློག་བརྙན《ཞང་ཞུང》ཕབ་བསྐྲུན་བྱེད་པར་རྨང་ལེགས་པོ་བཏིངས།
དངོས་བྲིས་གློག་བརྙན་འདི་ནི་ཀྲུང་དབྱང་བརྙན་འཕྲིན་ཁང་གི《ཕ་ཡུལ》ཞེས་པའི་ལེ་ཚན་ཚན་ཆུང་དང་བོད་ལྗོངས་ལྷ་ས་གྲོང་ཁྱེར་རིག་དངོས་ཅུའུ། པེ་ཅིང་ཀྲུང་ཙི་རྒྱང་རིང་སྨྱན་བརྒྱུད་བཅས་མཉམ་འབྲེལ་སྒོས་སྒྲུབ་པ་ཞིག་ཡིན་ལ། 《ཞང་ཞུང》ནི་ལོ་རྒྱུས་ཀྱི་བརྩམས་ཆོས་ཆེན་མོ་ཞིག་ཡིན་པ་སྨོས་མ་དགོས་ཤིང་། ཞང་ཞུང་རིག་གནས་ཀྱི་དྲན་ཤིང་དུ་ངེས། དངོས་བྲིས་གློག་བརྙན་འདིས་ཕྱོགས་མི་འདྲ་བའི་སྒོ་ནས་གནའ་བོའི་དཔལ་ཡོན་གྱི་དར་རྒུད་ངོམས་རྒྱུ་དང་། ལངས་ཕྱོགས་མི་འདྲ་བའི་ངང་ངོ་མཚར་ཆེ་བའི་བཙན་པོའི་རྒྱལ་རབས་མིག་གི་དགའ་སྟོན་དུ་ཕུལ་ངེས།
མིང་དུ་གྲགས་པའི་གླུ་བ་སྐལ་བཟང་བསྟན་འཛིན་ཡང་ཐེངས་འདིའི་དངོས་བྲིས་གློག་བརྙན《ཞང་ཞུང》ཕབ་བསྐྲུན་ཁྲོད་རོལ་མོའི་སྤྱིའི་ལྟ་སྐུལ་པའི་འགན་ཁུར་ཡོད།