དགེ་བཤེས་ཆེན་མོ་བཞི་ལ་དགེ་རྒན་ཆེན་མོའི་ཐོབ་ཐང་ལག་ཁྱེར་གནང་བ།

ཉེ་ཆར་ཀྲུང་གོ་བོད་བརྒྱུད་མཐོ་རིམ་ནང་བསྟན་སློབ་གླིང་དུ་གཡུང་དྲུང་བོན་གྱི་དགེ་བཤེས་ཆེན་མོ་རྣམ་པ་བཞི་ལ་དགེ་རྒན་ཆེན་མོའམ་ཡོངས་འཛིན་གྱི་ཐོབ་ཐང་ལག་ཁྱེར་གནང་ཡོད་པ་རེད།

   དེ་ཡང་སྨན་རིའི་དགེ་བཤེས་དཔལ་ཀླུ་ཕུག་དགོན་གྱི་དཔོན་སློབ་གཡུང་དྲུང་གཙུག་ཕུད་ལགས་དང་། སྨན་རིའི་དགེ་བཤེས་བྱང་བྱ་དུར་དགའ་མལ་དགོན་ཆེན་གྱི་དཔོན་སློབ་ཤེས་རབ་མཐར་ཕྱིན་ལགས། སྨན་རིའི་དགེ་བཤེས་རྔ་བ་སྣང་ཞིག་དགོན་ཆེན་གྱི་དཔོན་སློབ་ཟུར་བ་ཤེས་རབ་གྲགས་པ་ལགས། སྣང་ཞིག་དགེ་བཤེས་ཁྱུང་བོ་ཀོ་རྒྱལ་དགོན་གྱི་དགེ་རྒན་གཡུང་དྲུང་ཚུལ་ཁྲིམས་ལགས་བཅས་ལ་ཀྲུང་གོ་བོད་བརྒྱུད་མཐོ་རིམ་ནང་བསྟན་སློབ་གླིང་གི་སྐབས་གཉིས་པའི་དགེ་རྒན་ཆེན་མོའམ་ཡོངས་འཛིན་གྱི་ཐོབ་ཐང་ལག་ཁྱེར་གནང་ཡོད་པ་རེད།