གཤེན་གྱི་དགེ་སྦྱོང་ཁྲི་ཀ་བ་ཀུན་བཟང་བསྟན་པའི་རྒྱལ་མཚན་གྱི་རྣམ་ཐར།

• 

  ཕབ་ལེན་གྲངས:

  ཕབ་ལེན་བྱེད་ས།

རྩོམ་པ་པོ། སྦྲ་གསར་ཀུན་བཟང་རྒྱལ་མཚན།

ཡིག་ཆའི་རིགས་གྲས། .epub

སྐད་ཡིག བོད་ཡིག

འཁོར་སྟེགས།

དབང་ཚད། རིན་མེད་མཉེན་ཆས།

སྤེལ་དུས། 2014-11-03

ངོ་སྤྲོད་མདོར་བསྡུས། ཡེ་ཉིད་སྟོན་པ་ཀུན་བཟང་འོད་མི་འགྱུར། །ངེས་པའི་སྐུར་བཞེངས་རྫོགས་སྐུ་གཤེན་ལྷ་འོད། །གདུལ་བྱའི་སྣང་ངོར་སྤྲུལ་བ་ཅི་ཡང་འཆར། །སྐུ་གསུམ་སྟོན་པས་དེང་འདིར་དགེ་ལེགས་བསྩོལ། །༧སྐལ་བཟང་འདྲེན་བ་སྟོང་དང་རྩ་བརྒྱད་ཀྱི། །དབུས་ན་ཐུགས་བསྐྱེད་གོ་ཆ་ཆེར་དཔའ་བའི། །མི་འཇེད་གདུལ་དཀའ་འདུལ་བའི་སྐྱབས་གཅིག་པུ། །རྣམ་འདྲེན་གཤེན་རབ་མཆོག་ལ་གུས་ཕྱག་འཚལ། །སྟོན་པ་བླ་མེད་གསུང་གི་སྟོན་པ་ལ། །བྱོན་པའི་གདུང་སོབ་མུ་ཆོ་ལྡེམ་དྲུག་དང་། །སྒྲ་བསྒྱུར་མཁས་པ་སྡེ་དྲུག་ལ་སོགས་པའི། །ཕྱི་རྒྱུད་སྤྲུལ་སྐུའི་བརྒྱུད་པ་རྣམས་ལ་འདུལ། །ཡུམ་སྲས་གཤེན་གསུམ་གསང་འདུས་སྟག་ལྷ་དང་། །ལྷ་ཀླུ་མི་ཡི་གཤེན་དང་སྣང་མདོག་སོགས། །སྔ་དར་དགོངས་པ་བརྒྱུད་པའི་རིག་འཛིན་སོགས། །གསང་སྔགས་སྒྲུབ་རྒྱུད་བླ་མ་རྣམས་ལ་བསྟོད། །ཀུན་བཟང་ཚད་མེད་འོད་ལྡན་སྤྲུལ་བའི་གར། །ཐུགས་ཀྱི་ལས་དཔོན་བླ་ཆེན་དྲན་པ་རྗེ། །འཆི་མེད་ཡབ་སྲས་གསུམ་ཞེས་སྙིགས་དུས་ཀྱི། །སྐྱོབས་པ་བླ་མེད་མཆོག་དེར་གུས་ཕྱག་འཚལ། །སྐུ་གསུམ་རྒྱུད་ཁུངས་གངས་རིའི་ལྷུན་པོ་ལས། །འོངས་པའི་བོན་སྒོ་མཐའ་ཡས་ཆབ་ཀྱི་རྒྱུན། །སྐལ་བཟང་གདུལ་བྱའི་རྒྱུད་ཀྱི་ཞིང་ས་རུ། །འགྲེམས་མཁས་དངོས་རྒྱུད་བླ་མ་ཡོངས་ལ་བསྔགས། །བསྟན་པའི་བདག་ཉིད་ཉི་མ་བསྟན་འཛིན་མཆོག །འགྲོ་བའི་མགོན་པོ་ཤེས་རབ་གཡུང་དྲུང་མཚན། །ལུང་རིག་སྒྲོན་མེ་གཤེན་གྱི་མཁས་གྲུབ་རྗེ། །རྩ་བའི་བླ་མ་རྣམས་ལ་གསོལ་བ་འདེབས། །སྣང་སྟོན་ཆེན་པོ་བློ་གྲོས་ཐོག་མེད་དང་། །སྤ་བའི་གདུང་འཛིན་ཀུན་བཟང་རྒྱལ་མཚན་རྗེ། །འབྲུ་རིགས་གཡུང་དྲུང་དབང་རྒྱལ་ལ་སོགས་པའི། །དབང་ལུང་མན་ངག་རྩོལ་མཛད་རྣམས་ལ་འདུད། །བྱང་སེམས་ཆེན་པོའི་ཚུལ་ཁྲིམས་ཡེ་ཤེས་མཚན། །གྲུབ་བརྒྱའི་དབང་ཕྱུག་ཕུན་ཚོགས་དར་རྒྱས་དང་། །མཁས་གྲུབ་ཆེན་པོ་དཀོན་མཆོག་བསྟན་པའི་སྒྲོན། །མན་ངག་ཁྲིད་ཀྱི་འབྱུང་གནས་གསུམ་ལ་བསྟོད། །སྤྲུལ་བའི་སྐུ་མཆོག་གཡུང་དྲུང་བསྟན་རྒྱས་དང་། །མཁས་གྲུབ་ཟླ་མེད་རྒྱལ་བ་ཚུལ་ཁྲིམས་མཚན། །སྦས་བའི་རྣལ་འབྱོར་བྷོ་དྷི་ཀ་ར་སོགས། །ངོ་སྤྲོད་བཀའ་དྲིན་ཅན་གྱི་བླ་མར་བསྟོད། །གྲུབ་མཐའ་རིས་མེད་ཀུན་མཁྱེན་རྒྱ་མཚོ་དང་། །སྒྲུབ་པ་མཐར་ཕྱིན་རྟོགས་ལྡན་རྒྱལ་དབང་སོགས། །དབང་ལུང་མན་ངག་འབྲེལ་བ་གང་ཡོད་ཀྱི། །དཔོན་གསས་བླ་མ་རྣམས་ལ་ཕྱག་འཚལ་ལོ། །དེ་ལྟར་སྐྱབས་གནས་ལྷ་ཚོགས་ཐམས་བཅད་ལ། །སྒོ་གསུམ་གུས་པ་ཆེན་པོས་ཕྱག་འཚལ་ནས། །མདོ་སྨད་ཡུལ་དུ་དལ་བའི་རྟེན་རྙེད་པའི། །དགེ་སྦྱོང་གཟུགས་བརྙན་ནམ་མཁའ་དབང་ཕྱུག་གམ། །ཚུལ་མིང་ཀུན་བཟང་རྒྱལ་མཚན་ཞེས་བྱ་བའི། །བྱ་བྲལ་སྙོམས་ལས་གྱི་ན་བ་དེ་ཉིད། །དང་པོར་ཆུང་དུས་སྐྱེ་པ་ནས་བཟུང་སྟེ། །འོང་ཚུལ་བསྡད་ཚུལ་ཕྱོགས་སུ་འཁྱམས་ཚུལ་དང་། །བླ་མ་རྟོགས་ལྡན་མང་པོའི་ཞབས་དྲུང་ནས། །དབང་ལུང་མན་ངག་གདམས་པ་ཞུས་ཚུལ་དང་། །རྒྱལ་ཁམས་བསྐོར་ཞིང་གནས་རྟེན་མང་པོ་ལ། །མཇལ་ནས་གནས་འབྲེལ་བཞག་པའི་སྐབས་རྣམས་སུ། །ངེས་འབྱུང་མཉམ་མྱོང་ཐན་ཐུན་སྐྱེས་པའི་ཚེ། །འབོལ་བརྩོམ་ཚིག་བཅད་ཐར་ཐོར་བགྱིས་པ་རྣམས། །ཕྱོགས་གཅིག་བསྡོམ་ཏེ་ཡི་གེར་བཀོད་པ་ལ། །མཆེད་གྲོགས་རྣམས་ཀྱིས་ཕྱོགས་ཞེན་མ་མཛད་ཅིག །བཟང་འདོད་ཆེ་དྲེགས་དབང་གིས་བྱས་པ་མིན། །སློབ་མ་འགའ་རེ་བཞེད་པ་སྐོར་ཕྱིར་དུ། །མ་འོང་རྣམས་ལ་བློ་གསལ་སྟོན་ཕྱིར་དུ། །ལྷག་བསམ་དུང་ལྟར་དཀར་བའི་དངོས་ནས་འགོད། །

ཐོབ་སྐར།

གཟིགས་ཐེངས: