མདོ་སྨད་སྣང་ཞིག་དགོན་ཆེན་གྱི་དཔོན་སློབ་ཁྲི་རབས་ཉེར་གཉིས་པ་རྫ་དགེ་བཤེས་ཚེ་དབང་བསྟན་འཛིན་ལགས་ཀྱིས་བསྒྲིགས་ཤིང་བརྩམས་པའི་«རྔ་ལྗོངས་ལི་ཐོ»ཞེས་པ། ད་ལོ་ནས་«ཞང་བོད་ལི་ཐོ»ཞེས་པར་བསྒྱུར་ཏེ་བོད་«མེ་རྟ་ལོའི་ཞང་བོད་ལི་ཐོ»ཞེས་པ་སྒྲིག་རྩོམ་དང་པར་སྐྲུན་བྱས་པར་མ་ཟད། དེའི་ཞོར་དུ་«ལི་ཐོའི་བརྟག་ཐབས་གནད་བསྡུས»ཞེས་པའང་པར་སྐྲུན་བྱས་ཏེ་འགྲེམ་སྤེལ་བྱེད་ལ་ཉེ། རྫ་དགེ་བཤེས་ཚེ་དབང་བསྟན་འཛིན་གྱིས་སྐར་རྩིས་ཁྲིད་སྦྱོང་གི་ཕྱག་ལས་ལ་མི་ལོ་སུམ་ལྷག་གི་ལོ་རྒྱུས་ཡོད་པར་མ་ཟད། ལི་ཐོ་སྒྲིག་རྩོམ་གྱི་ཕྱག་ལས་གནང་བ་ལའང་བགྲང་བྱ་བཅུ་ཕྲག་ལྷག་གི་ལོ་རྒྱུས་འདེད་རྒྱུ་ཡོད། དེའི་ཞོར་དུ་ལི་ཐོ་དང་རྩིས་རིག་བྱུང་འཕེལ་དང་། ངོ་བོ། བྱེད་ནུས་སོགས་ལ་ཞིབ་འཇུག་གི་ཕྱག་ལས་ཀྱང་མང་པོ་གནང་མྱོང་བས། ཁོང་ནི་རྩིས་རིག་པའི་མཁས་དབང་ཆེན་མོ་ཞིག་ཡིན། ད་ལམ་ཡང་འདི་ལྟ་བུའི་འཕྲིན་བཟང་གི་ཕྱག་ལས་རིང་མོ་འདིའི་རྒྱུན་བསྐྱངས་ཏེ་རྒྱ་ཆེའི་ཀློག་མཁན་མང་པོའི་སྤྱན་ལམ་དེབ་གཟུགས་གཉིས་བསྟར་བ་ལ་རྗེས་སུ་ཡི་རངས་ཞུ་དང་ཆབས་ཅིག་ཏུ།  རྫ་དགེ་བཤེས་ཚེ་དབང་བསྟན་འཛིན་ལགས་ཀྱི་ལི་ཐོ་འགོ་ཚེམས་མའི་དེབ་གཉིས་ལ་ཀུན་གྱིས་དོ་སྣང་བྱེད་རོགས་ཞུ།

བསྡོམས་པས་དཔྱད་མཆན་ཡོད།དཔྱད་མཆན།

དཔྱད་གཏམ་སྤེལ་མཁན་ལ་གསལ་བརྡ། རང་གི་དངོས་མིང་གི་ལམ་ནས། ངེད་དྲ་ཚིགས་ཀྱི་འཕྲིན་ལས་ཡུན་རིང་དུ་རྒྱས་ཕྱིར་ཁྲིམས་འགལ་གཤེ་བསྐུར་དང་། བསྟན་པར་འཚེ་བའི་ལུགས་དགག་བྱ་རུ་དགོངས་ཏེ་དཔྱད་གཏམ་སྤེལ་ན་ཤིན་ཏུ་ལེགས་པས། ཚང་མས་ཕན་ཚུན་ལ་གུས་བཀུར་དང་བརྩི་འཇོག་གི་ལམ་བུར་ཞུགས་ཏེ་བསྟན་པ་སྤྱི་ལ་ཕན་པའི་མཆན་འདེབས་རོགས་གནང་བར་ཞུ་ཞུ། །

སྤེལ་མཁན།