མུ་ཁྲི་བཙན་པོ། སྤྱི་དེབ་བཅོ་ལྔ་པ།

   དེ་ཡང་གཡུང་དྲུང་བོན་དང་འབྲེལ་བའི་དཔྱད་གླེང་ལོ་དེབ་མུ་ཁྲི་བཙན་པོ་ནི་སྤྱི་ལོ་༢༠༠༧ལོར་གསར་དུ་འདོན་སྤེལ་བྱས་པ་ནས་བཟུང་ད་ལོའི་བར་དུ་མི་ལོ་བཅུ་གསུམ་གྱི་རིང་ལ་རྒྱ་ཆེ་བའི་མཁས་དབང་རྣམ་པ་དང་ཤེས་ཡོན་པ་རྣམ་པ་གཙོས་པའི་གནའ་བོའི་ཞང་བོད་ཤེས་རིག་ལ་དུངས་ཞེན་ཟབ་ཅིང་ཆེད་རྟོག་ཞིབ་འཇུག་ལ་མཁས་པ་རྣམས་ཀྱིས་དུས་རྣམ་ཀུན་ཏུ་དཔྱད་གསུམ་ལམ་ནས་བྲིས་ཤིང་། དུས་རབས་ཀྱི་འགྲོས་དང་མཐུན་པའི་ལེགས་རྩོམ་གྱིས་རྒྱབ་སྐྱོར་བླ་མེད་གནང་བ་དང་། དེ་བཞིན་ཤེས་ཡོན་ལ་སྤྲོ་བ་བརྟས་ཤིང་རིག་གཞུང་ལ་གཟིགས་རྟོག་དགའ་བའི་རྒྱ་ཆེ་བའི་ཀློག་པ་པོ་དང་། གཞན་ཡང་མི་ལོ་བཅོ་ལྔའི་རིང་ངམ་ལོ་དེབ་བཅོ་ལྔ་ལ་པར་སྐྲུན་གྱི་འགྲོ་སོང་དང་འགྲེམ་སྤེལ་གྱི་རོགས་སྐྱོར་བླ་མེད་གནང་མཁན་ལྷག་བསམ་ཅན་གཙོས་དངོས་ཤུགས་བརྒྱུད་གསུམ། ཕྱི་ནང་གསང་གསུམ་གྱི་སྒོ་ནས་མཐུན་རྐྱེན་དང་རྒྱབ་སྐྱོར་གནང་མཁན་ཡོངས་ཀྱི་བཀའ་དྲིན་ཁོ་ནར་བརྟེན་ནས། བོད་མི་རིགས་སྤྱིའམ་གནའ་བོའི་ཞང་བོད་ཤེས་རིག་ཕྱོགས་ལ་ཞབས་ཕྱི་མི་དམན་པ་རེ་བསྒྲུབས་ཐུབ་པ་བྱུང་བ་རེད།