གཡུང་དྲུང་རབ་གསལ་ནི་ཕ་ཡུལ་མཚོ་ལྷོ་མང་རྫོང་ནས་ལང་ཚོའི་མེ་ཏོག་གི་ཡལ་འདབ་མངོན་པར་གྲོལ་ཞིང་མཐིང་སྨུག་སྦྲ་ཡི་གྲིབ་བསིལ་སྣུམ་པོ་དང་ལྷན་དུ་ནར་སོན་པའི་ལོ་ན་ཆུང་ཞིང་སློབ་སྦྱོང་གི་ཕྱོགས་ལ་དགའ་མོས་དང་བརྩོན་སེམས་ཀྱི་ནུས་པ་ཆེ་བའི་དགེ་ཕྲུག་བཟང་བོ་ཞིག་ཡིན།   ཁོ་རང་ཆུང་དུས་ནས་བོན་བརྒྱ་ཁྱུང་སྨན་དགོན་གྱི་ཚོགས་གྲལ་དུ་ཞུགས་ནས་འབྲི་ཀློག་དང་། འདོན་དབྱངས་ཀྱི་ཕྱོགས་ལ་སྦྱང་ཞོར་རང་གི་དགའ་ཕྱོགས་ལྟར་དུས་དེབ་དང་ཚགས་པར་བླ་མའི་རྣམ་ཐར་ལྷག་ཏུ་འཛམ་གླིང་འདིར་ཆེས་སྐད་གྲགས་ཆེ་བའི་ཉིན་ཐོ་སོགས་ལ་མང་པོ་བལྟས་མྱོང་།  ཁོ་ཡིས་དེ་དག་བཀླགས་ཟིན་པའི་དཔེ་ཀློག་གི་ཁྲོད་ནས་རང་གི་དགའ་ཕྱོགས་ལྟར་གཟའ་ཉི་མའི་ངལ་གསོའི་གུང་སེང་གི་བབ་དང་བསྟུན་པར་རྔ་བ《སྣང་ཞིག་དགོན་ཆེན》དང་《རང་དགོན》ནས་སློབ་སྦྱོང་ཙམ་གྱི་ཞོར་ནས་བྲིས་པའི་ཉིན་ཐོ་མང་པོ་ལས་ཉེ་སྔོན་དྲ་ལམ་སོ་སོར་བཀོད་ཟིན་པའི་ཉིན་ཐོ་འགར་འདིར་བསྐྱར་དུ་མ་བཀོད་པར་མང་ཆེ་བ་སོར་བཞག་བྱས་ཡོད།    ཉེ་ཆར་ཕལ་ཆེ་བ་ན་ནིང་བྲིས་པའི་ཉིན་ཐོ་འགར་དོ་ཞག་ཕྱོགས་གཅིག་ཏུ་བསྡུས་ཏེ《དབེན་གནས་ཀྱི་ཉིན་ཐོ》ཞེས་པའི་ཤོག་ལྷེབ་བརྒྱ་དང་བཅུ་ཕྲག་གཅིག་ཡན་གྱི་དེབ་ཆུང་འདི་གསར་དུ་བརྩམས་པ་ཡིན།  ད་དུང་ཁོས་བརྩམས་པའི་ཀ་རྩོམ་སྐོར་དང་། རི་ཆུ་ནགས་གསུམ་ལ་བསྟོད་པ། རང་གི་མཐོང་ཐོས་ལ་ཞིབ་འབྲི་བྱས་པའི“བྱིས་པའི་སྣང་བརྙན་རྗེན་ནེ་བ”སོགས་མང་པོ་ཡོད་ཀྱང་འདིར་གཅིག་ཀྱང་མ་བཀོད་པར་མ་འོངས་པའི་ཆར་ཉིད་ཀྱི་རྩོམ་རིག་ལ་ཞེན་འཛིན་གྱི་སྤྱན་ཟུང་གཡོ་བ་དག་གིས་དྲུང་དུ་སྤོབས་པ་དང་སྤྲོ་དགས་ངང་དུ་འབུལ་རྩིས་ཡོད།

བསྡོམས་པས་དཔྱད་མཆན་ཡོད།དཔྱད་མཆན།

དཔྱད་གཏམ་སྤེལ་མཁན་ལ་གསལ་བརྡ། རང་གི་དངོས་མིང་གི་ལམ་ནས། ངེད་དྲ་ཚིགས་ཀྱི་འཕྲིན་ལས་ཡུན་རིང་དུ་རྒྱས་ཕྱིར་ཁྲིམས་འགལ་གཤེ་བསྐུར་དང་། བསྟན་པར་འཚེ་བའི་ལུགས་དགག་བྱ་རུ་དགོངས་ཏེ་དཔྱད་གཏམ་སྤེལ་ན་ཤིན་ཏུ་ལེགས་པས། ཚང་མས་ཕན་ཚུན་ལ་གུས་བཀུར་དང་བརྩི་འཇོག་གི་ལམ་བུར་ཞུགས་ཏེ་བསྟན་པ་སྤྱི་ལ་ཕན་པའི་མཆན་འདེབས་རོགས་གནང་བར་ཞུ་ཞུ། །

སྤེལ་མཁན།