གླིང་ཚང་རྫ་རྒྱུད་ཀྱི་དུས་དེབ«རྫ་ཆུ་བསིལ་མའི་རླབས་སྒྲ»འགྲེམ་སྤེལ་བྱས་པ།

　　གླིང་ཚང་རྫ་རྒྱུད་ཀྱི་དུས་དེབ«རྫ་ཆུ་བསིལ་མའི་རླབས་སྒྲ»འགྲེམ་སྤེལ་གསར་བརྡ།

　　ཏི་ཙེ་སྒམ་པོའི་ཉེ་འདབས་སུ།།

　　འཚོ་གཞེས་འོད་གསལ་ལྷ་ཡི་རྒྱུད།།

　　དཔྱད་ཤེས་ཁྱད་འཕགས་བསམ་ཤེས་པ།།

　　མཐོ་རིམ་སྲོག་ལྡན་འགྲོ་བ་མི།།

　　ཟད་མེད་བསམ་པའི་ཟས་མཆོག་ནི།།

　　ཤེས་བྱ་རིག་པའི་ཡོན་ཏན་ཉིད།།

　　ཆོས་སྲིད་གང་ལའང་མི་རྨོངས་བ།།

　　རིག་པ་སྦྱངས་བ་ཉིད་ལ་རག།

　　དུས་རབས་གསར་བའི་ཁ་མདོག་ལ།།

　　ཤེས་རིག་གསར་བའི་ལང་ཚོ་མཁོ།།

　　མི་རབས་གསལ་བའི་རུ་དཔུང་ལ།།

　　བསམ་བློ་གསལ་བའི་རྒྱགས་ཕྱེ་གལ།།

　　དུས་དང་བསྟུན་ནས་མི་འགྱང་བར།།

　　མདོ་སྨད་གླིང་ཚང་རྫ་རྒྱུད་ནས།།

　　རྩོམ་རིག་གསར་བའི་སྐྱེས་ཀྱི་ཕུད།།

　　«རྫ་ཆུ་བསིལ་མའི་རླབས་སྒྲ»འབྲུག།

　　འདི་ན་བོན་བན་ལོ་རྒྱུས་གསལ།།

　　འདི་ན་གནའ་དེང་རིག་པ་གསལ།།

　　འདི་ན་མཁས་པའི་རྣམ་དཔྱོད་གསལ།།

　　འདི་ན་གཞོན་པའི་ཤེས་རབ་གསལ།།

　　ཡུལ་ལུང་བྱེ་བྲག་ཤེས་ལྡན་ཚོའི།།

　　བློ་གྲོས་རྩལ་ལས་ཉེར་ཐོན་པའི།།

　　དུས་དེབ་གསར་བའི་གཡབ་མོ་འདིས།།

　　ཤེས་ལྡན་གྲོགས་སུ་ཁུག་གྱུར་ཅིག།

　　«རྫ་ཆུ་བསིལ་མའི་རླབས་སྒྲ»ཞེས་པའི་དུས་དེབ་གཉིས་པ་མི་འགྱང་བར་ཐོན་ལ་ཉེ་བའི་སྐབས་འདིར་འགྲེམ་སྤེལ་གསལ་བརྡ་ཡི་དགོས་ཆེད་དུ་དམིགས་ཏེ་ས་བཅད་མ་སྟོང་ཙམ་དུ་ཨ་ཀུན་གསལ་ཟླ་བས་ཤར་རྫའི་རི་ཁྲོད་དགེ་ཐང་བཤད་སྒྲུབ་པད་མ་རྒྱས་པའི་དགའ་ཚལ་ནས་༢༠༡༩/༧/༡/བྲིས།