མཁན་པོ་ཚེ་རིང་ནོར་བུས་བརྩམས་པའི་ལག་དེབ་གསར་པ་གཉིས།

མཁན་པོ་ཚེ་རིང་ནོར་བུ་ལགས་ཀྱིས་བརྩམས་པའི་ལག་དེབ་གསར་པ་གཉིས་པར་དུ་བསྐྲུན་པ།

ལག་དེབ་དང་པོ་༼  ཉམས་ལེན་དྲིས་ལན་བརྒྱ་རྩ།  ༽

ལག་དེབ་གཉིས་པ་༼  བོན་གྱི་དྲིས་ལན་བརྒྱ་རྩ།  ༽

   མཁན་པོ་ཚེ་རིང་ནོར་བུ་མཆོག་གིས་དེ་སྔར་རྒྱ་ཡིག་ཐོག་ནས་《རང་སེམས་མཐོང་བ།》《གྲྭ་བའི་ཟིན་ཐོ།》《རང་ལ་བཤད་པའི་གཏམ།》《རང་གི་མཐོང་ཐོས་ཉམས་མྱོང་།》《བདེ་བའི་རྒྱུ་ཉམས་ལེན།》《བླ་མ་བསྟེན་ཚུལ།》《ཉམས་ལེན་གསང་བའི་ལྡེ་མིག་པོད་གསུམ།》《དེང་རབས་བོན་གྱི་བླ་ཆེན་ཁག་ངོ་སྤྲོད་》འབྲི་མུ་སོགས་དེབ་མང་བོ་བྲིས་ཡོད་ལ། ད་ལན་ཡང་ཁོང་གིས་《ཉམས་མྱོང་དྲིས་ལན་བརྒྱ་རྩ་》དང་། 《བོན་གྱི་དྲིས་ལན་བརྒྱ་རྩ་》ཞེས་ལག་དེབ་ཆུང་བ་གཉིས་བརྩམས་ཏེ་པར་དུ་བསྐྲུན་འདུག དེབ་རེ་རེ་ལ་ཚར་གྲངས་ཆིག་ཁྲི་ལྔ་སྟོང་རེ་ཡོད་པས་ཚང་མས་བོན་གྱི་ཆོས་ལུགས་རིག་གཞུང་ལ་དགའ་ཞེན་དང་ཡིད་ཆེས་ཡོད་པའི་དད་ལྡན་པ་རྣམས་ལ་འབུལ་གྱིན་ཡོད། 《བོན་གྱི་དྲིས་ལན་བརྒྱ་རྩ་》ཡི་ནང་དུ་བོན་གྱི་ལོ་རྒྱུས་དང་། ཐ་སྙད་ཁྱབ་ཁོང་། བོན་གྱི་རིག་གཞུང་དང་སྟོན་པ་གཤེན་རབ་མི་བོ་ཆེ་དང་ཁོང་གི་སློབ་བརྒྱུད་རྣམས་ཀྱི་ངོ་སྤྲོད་སོགས་གནང་འདུག 《ཉམས་མྱོང་དྲིས་ལན་བརྒྱ་རྩ་》ཡི་ནང་ལ་བོན་ལུགས་ཀྱི་ལྟ་བ་དང་ཉམས་ལེན། དད་པ་དང་མོས་གུས་སོགས་ཀྱི་སྐོར་གནད་བསྡུས་ཀྱི་ངོ་སྤྲོད་གནང་འདུག་པའོ། །