མིང་རྒྱལ་རབས་དུས་ཀྱི་བོན་བསྟན་གྱི་ལྡེབས་རིས།

༼བོད་ཀྱི་མཛེས་རྩལ་ཀུན་བཏུས༽ནི་སི་ཁྲོན་མི་རིགས་དཔེ་སྐྲུན་ཁང་གི་རྒྱལ་ཁབ་དཔེ་སྐྲུན་ཐེབས་རྩའི་རྣམ་གྲངས་ཀྱི་ལས་གཞི་འགངས་ཆེན་ཞིག་ཡིན་ལ། བོད་རྒྱ་ཤན་སྦྱར་དང་བོད་དབྱིན་ཤན་སྦྱར་གྱི་པར་ཡིག་སྦྲགས་མའི་དཔེ་དེབ་སྤུས་ལེགས་པོད་གྲངས་༡༠༠ཡི་བདག་ཉིད་ཅན་ཞིག་ཀྱང་ཡིན། འདིར་བོད་ཀྱི་སྲོལ་རྒྱུན་ཐང་ག་དང་། འཇིམ་བཟོ། བཟོ་བཀོད། ལག་ཤེས་སྒྱུ་རྩལ། ཡིག་གཟུགས་བཅས་ཀྱིས་མཚོན་པའི་སྲོལ་རྒྱུན་བཟོ་རིག་སྒྱུ་རྩལ་གྱི་ཁོངས་གཏོགས་བྲིས་འབུར་ཇི་སྙེད་རྣམ་པར་དབྱེ་ཞིང་ལེགས་པར་བསྒྲིགས་ཏེ་དཔེ་སྐྲུན་བྱེད་ཀྱིན་པ་ལགས་ན། འདི་ནི་བོད་ཀྱི་མཛེས་རྩལ་ལོ་རྒྱུས་ཐོག་མཛེས་རྩལ་གྱི་རིགས་རྣམ་དང་ནང་དོན་གྱི་ཁྱབ་རྒྱ། པར་འདེབས་ཀྱི་རྒྱུ་སྤུས་སོགས་ཕྱོགས་གང་ཐད་ནས་དཔེ་ཚོགས་འཐུས་ཚང་ཤོས་དང་གྲ་རྒྱས་ཤོས། སྤུས་དག་ཤོས་དེ་ཡིན་ནོ།།

དེབ་འདི་ནི་བོད་ཀྱི་མཛེས་རྩལ་ཀུན་བཏུས་ལས་རི་མོ་སྒྱུ་རྩལ་སྐོར་གྱི་གཞིས་ཀ་རྩེ་དང་ཆབ་མདོའི་ལྡེབས་རིས་ཞེས་པ་ཡིན་ཞིང་། དེབ་དིར་གཞིས་ཀ་རྩེའི་ལ་ཕུག་བདེན་ཆེན་དགོན་དང་། ཆབ་མདོའི་ཤིང་རྭ་དགོན་གྱི་མཛེས་ཤིང་ལེགས་པའི་ལྡེབས་རིས་ཆ་ཚང་འདུས་ཡོད། ལ་ཕུག་དེབ་ཆེན་དགོན་གྱི་ལྡེབས་རིས་ནི་དུས་རབས་༡༤པའི་དུས་དུས་དཀྱིལ་ནས་དུས་རབས་༡༥པའི་དུས་སྟོད་ཀྱི་བར་དུ་བཞེངས་པ་ཞིག་ཡིན་པ་དང་། ཤིང་རྭ་དགོན་གྱི་ལྡེབས་རིས་ནི་དུས་རབས་༡༥པར་བཞེངས་པ་ཞིག་རེད། དགོན་པ་འདི་གཉིས་ཀྱི་ལྡེབས་རིས་ནི་མིག་སྔར་དངོས་སུ་མཐོང་ཐུབ་པའི་བོན་བསྟན་སྐོར་གྱི་ལྡེབས་རིས་ཆེས་སྔ་ཤོས་དང་། བཟོ་རྩལ་བཟང་ཞིང་ལེགས་པ། ཉར་ཚགས་བྱས་པ་བཟང་བ་བཅས་ཀྱི་ཁྱད་ཆོས་ལྡན་པའི་མིང་རྒྱལ་རབས་དུས་ཀྱི་ལྡེབས་རིས་རྣམས་ཡིན།

ངོ་སྤྲོད་གསལ་བཤད་སྐོར། རྒྱ་ཡིག་ཅན་དྲ་གནས། https://mp.weixin.qq.com/s/JPPIy_ZE9IaTMDXGmhsVbA