ཆེད་རྩོམ་འདིའི་བརྗོད་བྱའི་སྙིང་བོ་ནི།《མེ་ལོང་མ》ཡི་ལེའུ་དང་པོའི་བསྟན་དོན་ལ་བརྟག་དཔྱད་ཞིབ་འཇུག་བྱས་པ་ལས། དེ་རུ་སྙན་ངག་གི་མཚན་ཉིད་དང་། ལུས་སྲོག་རྒྱན་གསུམ་དང་ཉམས་འགྱུར་དང་། སྙན་ངག་གི་སྐྱོན་ཡོན་སོགས་སྟོན་པ་རྟོགས་ཐུབ། རྒྱན་གྱི་ཡོན་ཏན་བཅུ་པོ་རྒྱན་གཞན་རྣམས་ཀྱི་སྤྱི་དོན་ཁོག་འབུབས་ཡིན་པ་ཤེས། རྒྱུ་མཚན་དེ་དག་གིས་ལེའུ་དང་པོ་ནི《མེ་ལོང་མ》ཡི་གཞུང་འདིའི་གླེང་གཞིའམ་ལེའུ་ཕྱི་མ་གཉིས་ཀྱི་སྤྱི་ཁྱབ་བཀོད་འདོམས་པའི་ཚུལ་དུ་གཞུང་གི་དབུ་རུ་བཞུགས་པའི་སྤྱི་ཁོག་བདག་གིས་ལོན། ལེའུ་དང་པོ་དང་ལེའུ་གཉིས་པ་གསུམ་པའི་བར་གྱི་འབྲེལ་བ་ལས་གཞུང་འདི་ཉིད་སྙན་ངག་གི་མེ་ལོང་ཡིན་པར་མ་ཟད་རྒྱན་གྱི་མེ་ལོང་ཡང་ཡིན་པའི་གནད་དེ་བསྟན། མདོར་ན་དེ་དག་གིས་ལེའུ་དང་པོའི་ངོ་བོ་དང་བྱེད་ལས་བསྟན་ཏོ། ། ཟླ་བ་བློ་གྲོས། པིར་མིང་ལ་གཉའ་བློ་གྲོས་རྒྱལ་མཚན་ཟེར།  1950ལོར་མཚོ་སྔོན་ཞིང་ཆེན་དཔའ་ལུང་རྫོང་རྩ་བ་ཡུལ་ཚོའི་ཉིན་མགོ་སྡེ་བར་སྐྱེས། སྔ་ཕྱིར་ནུབ་བྱང་མི་རིགས་སློབ་ཆེན་དང་ལྷོ་ནུབ་མི་རིགས་སློབ་ཆེན། མཚོ་སྔོན་སྤྱི་ཚོགས་ཚན་རིག་ཁང་། མཚོ་སྔོན་མི་རིགས་དཔེ་སྐྲུན་ཁང་བཅས་སུ་དགེ་རྒན་དང་ཞིབ་འཇུག་པ།《སྦྲང་ཆར》 གྱི་གཙོ་སྒྲིག་པ་བཅས་ཀྱི་བྱ་བ་གཉེར། 2011ལོར་ལས་འཁྱུར་ངལ་གསོ་བྱས། བརྩམས་ཆོས་ལ《གཉའ་བློ་གྲོས་རྒྱལ་མཚན་གྱི་རྩོམ་ཡིག་ཕྱོགས་བསྡུས》 (པོད་གཉིས) སོགས་དང་། རྩོམ་སྒྲིག་དང་གཙོ་སྒྲིག་བྱས་པའི་དཔེ་དེབ་བརྒྱ་ལྷག་ཡོད། བྱས་འབྲས་སུ“རྒྱལ་ཡོངས་ཕུལ་བྱུང་དགེ་རྒན”དང“མཚོ་སྔོན་ཞིང་ཆེན་ཕུལ་བྱུང་ཆེད་ལས་ལག་རྩལ་མི་སྣ།”  རྒྱལ་ཁབ་ཀྱི“སྲིད་གཞུང་དམིགས་བསལ་ཕོགས་སྣོན” ཆེད་མཁས། “མཚོ་སྔོན་ཞིང་ཆེན‘ལྔ་ཕྲག་བཅུ་པའི’གསར་གཏོད་བྱས་རྗེས་ཡོད་པའི་སྔོན་ཐོན་མི་སྣ།”  “རྒྱལ་ཡོངས་གསར་འགྱུར་དང་དཔེ་སྐྲུན་ཁོངས་བརྒྱུད་ཀྱི་སྔོན་ཐོན་ལས་བྱེད་པ”སོགས་ཀྱི་མིང་གྲགས་ཐོབ།

བསྡོམས་པས་དཔྱད་མཆན་ཡོད།དཔྱད་མཆན།

དཔྱད་གཏམ་སྤེལ་མཁན་ལ་གསལ་བརྡ། རང་གི་དངོས་མིང་གི་ལམ་ནས། ངེད་དྲ་ཚིགས་ཀྱི་འཕྲིན་ལས་ཡུན་རིང་དུ་རྒྱས་ཕྱིར་ཁྲིམས་འགལ་གཤེ་བསྐུར་དང་། བསྟན་པར་འཚེ་བའི་ལུགས་དགག་བྱ་རུ་དགོངས་ཏེ་དཔྱད་གཏམ་སྤེལ་ན་ཤིན་ཏུ་ལེགས་པས། ཚང་མས་ཕན་ཚུན་ལ་གུས་བཀུར་དང་བརྩི་འཇོག་གི་ལམ་བུར་ཞུགས་ཏེ་བསྟན་པ་སྤྱི་ལ་ཕན་པའི་མཆན་འདེབས་རོགས་གནང་བར་ཞུ་ཞུ། །

སྤེལ་མཁན།