སཱན་ཞིན་ཏཱེ་དང་ཅིན་ཧྲ་གནའ་ཤུལ་ནི་ཚན་རིག་ཞིབ་འཇུག་པ་མང་པོས་དུས་ཡུན་རིང་བོར་མཐིལ་བརྟོལ་དཀའ་བའི་སྦས་ཡུལ་ལྟ་བུར་གྱུར་ཡོད་པ་དང་། ཉེ་ཆར་རིག་གཞུང་ཞིབ་འཇུག་པ་མང་པོས་སཱན་ཞིན་ཏཱེ་དང་དང་ཅིན་ཧྲ་གནའ་ཤུལ་སྐོར་ལ་རང་ནུས་ཡོད་ཚད་རྩལ་དུ་བཏོན་ནས་འགྲེལ་བརྗོད་དང་ཞིབ་འཇུག་གང་ཐུབ་བྱ་བཞིན་ཡོད། ཁྱད་པར་དུ་ལྷོ་ནུབ་མི་རིགས་སློབ་ཆེན་གྱི་སློབ་དཔོན་ཆེན་མོ། འབུམ་རམས་པའི་མཛུབ་སྟོན་དགེ་རྒན་ཤར་བ་ཐོགས་མེད་ལགས་ཀྱིས་ལོ་ངོ་འདི་དག་གི་རིང་ལ་ཞང་ཞུང་དང་སཱན་ཞིན་ཏཱེ། ཅིན་ཧྲ་གནའ་ཤུལ་བཅས་ཀྱི་སྐོར་ལ་རིག་གཞུང་དཔྱད་འབྲས་ལུ་གུ་རྒྱུད་དུ་སྤེལ་ཡོད་པས། རྒྱལ་ཁབ་ཕྱི་ནང་གི་རིག་གནས་ཞིབ་འཇུག་པའི་སྡིངས་ཆར་ཤུགས་རྐྱེན་ངེས་ཅན་ཞིག་བཞག་ཡོད། ཐེངས་འདིར་ཁོང་གི་ལུ་གུ་རྒྱུད་ཀྱི་དཔྱད་འབྲས་ཞང་ཞུང་ཤེས་རིག་ཞིབ་འཇུག་དཔེ་ཚོགས་ལས<<ཞང་ཞུང་དང་སཱན་ཞིན་ཏཱེ། ཅིན་ཧྲ་གནའ་ཤུལ>>ཅེས་པ་དཔེ་བསྐྲུན་འགྲེམ་སྤེལ་བྱས་ཤིང་། ནང་དོན་ནི་ཞང་ཞུང་དང་སཱན་ཞིན་ཏཱེ། ཅིན་ཧྲ་གནའ་ཤུལ་བཅས་ནས་མངོན་པའི་རིག་དངོས་ལ་བོད་རིག་པའི་འགྲེལ་བརྗོད་དང་ཕན་ཚུན་དཔྱད་བསྡུར་བགྱིས་སྟེ། བོད་རིག་པའི་མཐོང་སྣེ་ལས་ཀྲུང་གོའི་ལྷོ་ནུབ་ཀྱི་གཤོང་སའི་གནའ་བོའི་ཤེས་རིག་དང་ཞང་ཞུང་ཤེས་རིག་བར་ཀྱི་འབྲེལ་བར་ཞིབ་འཇུག་གཟབ་ནན་མཛད་ཡོད། རྩོམ་པ་པོ་ངོ་སྤྲོད། ཤར་བ་ཐོགས་མེད། བོད་རིགས། མཚན་ཉིད་རིག་པའི་འབུམ་རམས་པ། ལྷོ་ནུབ་མི་རིགས་སློབ་ཆེན་གྱི་རིམ་པ་གཉིས་པའི་སློབ་དཔོན་ཆེན་མོ། འབུམ་རམས་པའི་མཛུབ་སྟོན་དགེ་རྒན། རྒྱལ་ཁབ་སྤྱི་ཚོགས་ཚན་རིག་གནད་ཆེའི་ལས་གཞི<<གངས་ཅན་བོད་ཀྱི་ཕ་ཆོས་སྤྱི་བཤད>>ཅེས་པའི་འགན་འཛིན་ཆེད་མཁས་པ། རྒྱལ་ཁབ་སྤྱི་ཚོགས་ཚན་རིག་ལས་གཞི་ཞིབ་བཤེར་ཆེད་མཁས། འབྲི་ཆུའི་མཁས་དབང་ཞིབ་བཤེར་ཆེད་མཁས། ཟི་ཁྲོན་ཞིང་ཆེན་རིག་གཞུང་དང་ལག་རྩལ་གྱི་དབུ་འདྲེན་མི་སྣ་བཅས་ཡིན།

བསྡོམས་པས་དཔྱད་མཆན་ཡོད།དཔྱད་མཆན།

དཔྱད་གཏམ་སྤེལ་མཁན་ལ་གསལ་བརྡ། རང་གི་དངོས་མིང་གི་ལམ་ནས། ངེད་དྲ་ཚིགས་ཀྱི་འཕྲིན་ལས་ཡུན་རིང་དུ་རྒྱས་ཕྱིར་ཁྲིམས་འགལ་གཤེ་བསྐུར་དང་། བསྟན་པར་འཚེ་བའི་ལུགས་དགག་བྱ་རུ་དགོངས་ཏེ་དཔྱད་གཏམ་སྤེལ་ན་ཤིན་ཏུ་ལེགས་པས། ཚང་མས་ཕན་ཚུན་ལ་གུས་བཀུར་དང་བརྩི་འཇོག་གི་ལམ་བུར་ཞུགས་ཏེ་བསྟན་པ་སྤྱི་ལ་ཕན་པའི་མཆན་འདེབས་རོགས་གནང་བར་ཞུ་ཞུ། །

སྤེལ་མཁན།