ཧི་མ་ལ་ཡའི་ཤེས་རིག་དཔེ་ཚོམས་གཉིས་པ་པར་དུ་བསྐྲུན་པ།

སེང་སྤྲུལ་རིག་འཛིན་ཉི་མ་མཆོག་གི་གསུང་རྩོམ་ལས་༼ཧི་མ་ལ་ཡའི་ཤེས་རིག་༽དེབ་ཚོམས་གཉིས་རྫོགས་པ་ཆེན་པོའི་སྔོན་འགྲོ་འདོད་འབྱུང་ནོར་དེབ་ཕྲེང་བཞི་པར་དུ་བསྐྲུན་པ།

ཉག་རོང་རྫོང་ཡེ་ཤེས་དགོན་པའི་སྤྲུལ་སྐུ་རིག་འཛིན་ཉི་མས་རྒྱ་ཡིག་སྟེང་ནས་གསར་དུ་བརྩམས་པའི་རྫོགས་པ་ཆེན་པོའི་སྔོན་འགྲོ་འདོད་འབྱུང་ནོར་བུ་ཞེས་བྱ་བ་དེབ་བཞི་ཅན་པེ་ཅིན་པར་རིས་དཔེར་བསྐྲུན་ཁང་ནས་པར་བསྐྲུན་བྱས་ཚར་ནས་ཕྱོགས་གང་ལ་སྤེལ་བཞིན་ནོ། །

   རྫོགས་པ་ཆེན་པོའི་སྔོན་འགྲོ་འདོད་འབྱུང་ནོར་བུ་ཞེས་བྱ་བའི་དེབ་དང་པོ་ནང་དུ་གཙོ་བོ་བླ་སློབ་ཀྱི་མཚན་ཉིད་དང་དབྱེ་བ། དད་པའི་རྣམ་བཞག བོན་པོའི་བརྒྱུད་རིམ། སློབ་སྦྱོང་བྱེད་སྟངས། སྔོན་འགྲོ་དབྱེ་བ་སོགས་རྒྱས་པར་བསྟན་ཡོད།

   དེབ་གཉིས་པ་ནང་དུ་དལ་འབྱོར་གྱི་མི་ལུས། ཚེ་མི་རྟག་པ། འཁོར་བའི་ཉེས་དམིགས། ལས་འབྲས་ཀྱི་རྣམ་བཞག་སོགས་རྒྱས་པར་བསྟན་ཡོད།

   དེབ་གསུམ་པ་ནང་དུ། སྐྱབས་འགྲོ་དང་། སེམས་བསྐྱེད། ཕྱག་འཚལ་བའི་དགོས་པ་དང་ཕན་ཡོན། བཤགས་པའི་སྙིང་པོ་ཡིག་བརྒྱའི་འབྱུང་ཁུངས་དང་ཕན་ཡོན། མན་ཊལ་གྱི་སྐོར་དང་། བླ་མའི་རྣལ་འབྱོར་སྐོར་བཅས་རྒྱས་པར་བསྟན་ཡོད།

   དེབ་བཞི་པ་ནང་དུ།མ་ཏྲི་འབྲུ་བརྒྱད་དང་། དུ་ཏྲི་སུ་འབྲུ་བཅོ་ལྔ།སལེ་འོད་འབྲུ་དགུའི་འབྱུང་ཁུངས་། སྒོམ་རིམ།འབྲུ་བཤད། འདོད་སྟངས།དབྱེ་བ།དགོས་པ། ཕན་ཡོན་བཅས་རྒྱས་པར་བསྟན་ཡོད། དེ་ལས་གཞན་པའི་ཕར་ཕྱིན་སྐོར་དང་། འཕོ་བ་སྐོར་བཅས་གསལ་བར་བསྟན་ཡོད། འདི་ནི་རྒྱ་ཡིག་སྟེང་ནས་བོན་པོའི་སྔོན་འགྲོ་ཁ་ཚང་བ་བསྟན་པའི་ཐོག་མ་ཡིན་ནོ། །