མཛད་རྣམ་འཕར་ཆེན་དཀར་མོ་རྒྱང་གྲགས་ལ་གནང་བའི་ཤིས་ཚིག་གསར་བ།

ཐུགས་དབྱིངས་ངོ་བོ་ཀུན་ཏུ་བཟང་པོ་དངོས།།
སྐུ་མཚན་ལོངས་སྐུ་གཡུང་དྲུང་འཆང་ཆེན་དང་།།
གསུང་དབྱངས་གྱེར་སྤུངས་སྨྲ་བའི་སེང་གེ་བཞིན།།
གསང་གསུམ་རྣམ་པར་ཐར་ལ་སྙིང་ནས་འདུད།།

ཕན་བདེའི་དཔལ་གྱུར་དགེ༵་ལེ༵གས་མཛད་འཕྲིན་ཆེ།།
འབད་མེད་ལྷུ༵ན་གྲུ༵བ་བསྐྱངས་བའི་རྣམ་པར་ཐར།།
དད་པ་རྒྱ༵་མཚོ༵ས་ཡིད་ལ་བྱས་ཙམ་གྱིས།།
ཚོགས་གཉིས་རྒྱས་པའི་གསོས་སུ་ཅིས་མི་འགྱུར།།

དུས་གསུམ་རྒྱལ་བའི་ཡེ་ཤེས་འཕྲུལ།།
སྙིགས་དུས་དགེ་བའི་བཤེས་གཉེན་ཚུལ།།
བཟུང་སྟེ་གསང་ཆེན་བསྟན་པ་སྤེལ།།
བོན་བརྒྱ་བླ་མས་ཐུགས་རྗེས་སྐྱོངས།།

བསྟན་འགྲོའི་དཔལ་དུ་སྨིན་པའི་གསང་གསུམ་གྱི།།
རྟོགས་བརྗོད་འཕ༵ར་ཆེ༵ན་དཀ༵ར་མོ༵་རྒྱ༵ང་ནས་གྲ༵གས།།
དམ་པའི་རྣམ་ཐར་ཤེས་ནས་ཐོབ་པ་ཡི།།
དད་གསུམ་འཕེལ་བའི་གཞི་རུ་གྱུར་འདི་དགེ །