རྒྱལ་བ་སྨན་རི་བ།
[ཟླ་ཚེས། 2017-09-24 11:19:33][རྩོམ་པ་པོ། སྨིན་སྨྱུག་ལག][རྩོམ་ཁུངས། ཧི་མ་ལ་ཡའི་བོན།][ཀློག་གྲངས། ]
མཉམ་མེད་བླ་མའི་ཐུགས་ཚབ་འཛིན་པའི་སྡོང་པོ་མཆོག།
འགྲོ་འདུལ་བསྟན་དོན་མཛད་འཕྲིན་ཕྱོགས་བཅུར་མངའ་བ་ཡི།།
རང་ཡུལ་འགྲོ་བའི་ཡིད་ཀྱི་དད་མདུན་རྒྱས་བྱས་ཏེ།།
ཁྱེད་ཀྱི་ཉེར་དྲུང་དྲི་མེད་དར་གྱི་མེ་ཏོག་གཏོར།།
བདེ་སྐྱིད་དཔལ་གྱིས་དལ་འབྱོར་རྟེན་གྱི་ཕུང་པོ་སྤུད།།
བྱམས་བརྩེ་ཉི་མས་འགྲོ་བ་དྲུག་གི་སྨག་པ་སེལ།།
སྐྱེས་ཆེན་ཟེར་འབྲུ་མཐའ་བྲལ་མཁའ་དབྱིངས་དགུང་ལ་འཕགས།།
བདག་དང་བདག་གི་དུག་ལྔའི་མེ་ཏོག་སྒོ་ནས་ཕུད།།
རྣམ་རྟོགས་མཚོ་མོ་ཐུགས་རྗེ་འོད་ཀྱིས་སྐམ་པ་བྱས།།
ཁྱབ་གདལ་ངོན་ཟིན་སངས་རྒྱས་སྟོང་དང་མཉམ་པ་སྟེ།།
དུག་ལྔའི་གཟུགས་ཕུང་གདོད་ནས་དོར་བའི་རྒྱལ་བ་ཉིད།།
༢
མི་རྟག་ཚུལ་བསྟན་དགོང་པ་བོན་གྱི་དབྱིངས་ལ་གཤེགས།།
འགྲོ་དྲུག་འབུམ་གྱིས་ཀྱི་ཧུད་མིག་ཆུའི་མཚོ་མོ་འཁྱིལ།།
མྱ་ངན་སྐད་ཀྱིས་མཐའ་སྟོང་མཁའ་དབྱིངས་གང་བར་བྱས།།
བོན་འབངས་ཡོངས་ཀྱིས་གདུང་མཆོད་བྱས་ཏེ་མཆོད་པ་བཤམས།།
དྲི་བསུང་འཐུལ་བའི་སྤུས་གཙང་དུ་མར་མེ་ལྕེ་སྒྲོན།།
2017.9.17.ཉིན་བྲིས།